1 SAMUEL 19:24 - Bawm Common Language Bible Version

²⁴ Churawhchun, a nipuan a lît hep le, Samuel mâika ah a lâm le, a âu, chu ni, ni khat leh chu zân, zân khat chu takkaro hen a um ko. (churuang chun “Saul khawm khuavâng asi bâk rawh na maw?” an ti tâwn.)

1 SAMUEL 19:24 ပူးပေါင်းရင်းမြစ်များ

2 SAMUEL 6:14

David nih a tâi ah puannêm mangṭhia cho â ruk le, LALPA chawnglawmh hen a chelhri a lâm.

2 SAMUEL 6:20

Churawhchun, David chu a dâwngsung chibai bûk ding hen a va kal le, Mikal chu amah dawng ding hen a hawng suak le, “Tusûn chu Israel lal nih a min a rokual tir, amah murui a to-aw nungak sinah mi â hâwi â langh!” a ti.

ISAI 20:2

Kum thum lântê ah LALPA nih Amoz fapa Isai chu a pheikawk leh salâpuan â aih mi lît ding hen a simh. A êt le, takkaro leh kê karo hen a kal rawh.

MIKAH 1:8

Churawhchun, Mikah nih, “Hi bang ruangah hin ka lung a fâk hen ka ngaih a sia. Ka ngaihsia mi langhnâk ding hen kê karo leh takkaro hen ka kal awt. Kâwlui hâwi hen ka âu lai le, vachâ hâwi hen ka lung a fâk lai.

NUMBER 24:4

Pathian nih thu a sim mi theihkhotu Pathian chak tak thawk hen langhnâk lakah mit zauh hen ka muh.

THILTI 9:21

Chun, a thu theihtu zawzawng nih thungâi chê an ti, “Hi minung hi Jerusalem ah Jisu min lamtu tla nehsawh tâwntu kha asi lo mazei? Chubang mi tla chu tleih hen bâwlpu lal tla sinah ruai na ding chu a hawng kal san asi lo mazei?” an ti.

1 SAMUEL 10:6

LALPA thlarau nih a nan luah lai le, Pathian sawnhnâk leikângah âunâk leh lâmnâk ah na va a ṭâwm bâk lai le, thinlung dang ving hen na um lai.

1 SAMUEL 15:35

Samuel damsung vial chu lalchem hen anna muh lo rawh. Samuel chu Saul ruangah thungâi a lawksawng. LALPA khawm nih Israel lakah lalchem a ruat mi thungâi pawi a ti.

1 SAMUEL 18:10

A thâituan ah chun Pathian fial hen thlarau nâwmtâm nih Saul chu a luah rawh, mi â hâwi hen in sungah â chaih but. David nih ni dangah a ti hâwi hen ṭingṭang a tum le, Saul nih fei a put ko.