1 SAMUEL 19:10 - Bawm Common Language Bible Version

¹⁰ Saul nih David chu vâm lakah bêk tlak khawh ding a tum le, sikhawmsele David chu â phêt le, fei chu vâm ah â phun char. David chu a tek le a suak rawh.

1 SAMUEL 19:10 ပူးပေါင်းရင်းမြစ်များ

SAM 124:7

Vâ râltu thang lakah vâ a suak hâwi hen thang chu a râwk le, kan suak rawh!

SAM 18:17

Ka mêlma chak tak leh thiltikho tak leh hawng ka huatu tla lakah mi chu ruang hawng ka suah.

SAM 34:19

Mi ṭha nih nawknâk tam tak a tuar, khawmsele LALPA nih chubang nawknâk ah mi chu a hum.

SAM 37:32

Misual nih mi ṭha a bawh le, thah ding a tum.

THUFING LASUIBU 1:16

Thilsual ti an mawhlah, mi thah ding hen anna tîm kumza.

THUFING LASUIBU 21:30

Minung finghnâk leh chaknâk leh muh khonâk hi LALPA a um lo chun zeikhawm asi lo.

ISAI 54:17

Sikhawmsele, zei riamnâm khawm nih nganfâk a nan pêk kho lai lo; A nan phiartu tla zawzawng na sâng ver na lai. Ka to-aw tla chu ka hum na lai le, nehtu ah ka siam na lai,” a ti. Chu chu LALPA nih a sim mi asi.

HOSEA 6:4

Sikhawmsele LALPA nih, “Israel leh Juda, zeitin ka nan ti na awt? Nan hawng ka dâwtnâk chu zînglei sûm a vei chawlh mi hâwi asi, damtî zînglei ah a vei mi hâwi asi.

MATHAI 10:23

Chuvachun, khua khat ah an nehsawh na tikah khua dangah tektâk u; thungâi tak hen ka nan simh na, Minung Fapa a hawng kal lânah Israel khua tla chu nan ṭawl thluh lai lo.

LUK 4:30

Sikhawmsele, anih chu an karah a lan le, a kal vima.

JOHAN 10:39

Chun, anih chu tleih an tum nawlh le, sikhawmsele, an kut lakah mi a suak rawh.

HEBRAI 11:34

Mei ṭihnungkâi mih khonâk an nei le, nâmsâu thah ding mi lakah an âwl, chaklonâk lakah mi chaktir hen an um, tuknâk lakah chun rât tak hen an um, ramdang mi kawrsen tla an neh na.

1 SAMUEL 18:10

A thâituan ah chun Pathian fial hen thlarau nâwmtâm nih Saul chu a luah rawh, mi â hâwi hen in sungah â chaih but. David nih ni dangah a ti hâwi hen ṭingṭang a tum le, Saul nih fei a put ko.

1 SAMUEL 18:11

A thinlung hen Saul nih, “Vam ah bêk tap hen ka khawh sih nik lai,” a ti; veinih a khawh le, a khawh kip hen David chu â phêt ving, â phêt ving.

1 SAMUEL 19:6

Saul nih Jonathan thusim thawk hen theihthiamnâk a nei le, David thah lo rawh ding hen LALPA min hen thu a tiam.

1 SAMUEL 20:33

Chu liau tak chun Jonathan rangah fei hen a khawh le, Jonathan nih David hi a pa nih thah a tum tatak ti a theih rawh.