1 SAMUEL 18:30 - Bawm Common Language Bible Version

³⁰ Philistia mi tla an hawng tâwn le, an do tâwn, sikhawmsele tuknâk kip ah Saul hotu tla ngâk hen David chu a dingchang dauh tâwn. Churuangah David chu thungâi a minthang rawh.

1 SAMUEL 18:30 ပူးပေါင်းရင်းမြစ်များ

2 SAMUEL 11:1

Kum a vei nûnah chun lal tla râltuk ding tik asi rawh chun David nih Joab a kawrsen hotu chu Israel kawrsen tla hen a fial na le; Rabah khua chu an hual le, Amon mi tla chu an neh na rawh. David lam chu Jerusalem ah a um.

2 SAMUEL 7:9

Na kalnâk zawng ah na sinah ka um le, na mêlma zawzawng tla ka nan nehtir. Laikulh ah mi minthang ruitu rokual chem ah ka nan siam awt.

2 Lal 1:13

Lalchem nih chun hotu dang leh minung sâwmnga a fial nawlh fâwn. Hotu chu tlângah a va kâi le, Elija mâika ah siksidîr hen a kûn le, a ngiar, “Pathian mi, ka tlûnah leh ka mi leh tla tlûnah khuaruat le, kan nungnâk hi hawng kan zuah piak.

SAM 116:15

A mi lakah pakhat an thi zâwnah LALPA chu thungâi a lungfâk.

SAM 119:99

Hawng ka sîntirtu zawzawng ngâk hen theihthiamnâk a ka pêk, na sîntirnâk chu ka dawn tâwn ruangah.

THUFING LASUIBU 12:8

Theihthiamnâk nei mi na si chun, sawr na lawh lai le; mi mâwl na si chun, mi nih a nan zauhnawmh lai.

DANIAL 1:20

Lal nih thu a deih na mi mawh thil theih har tak a siam mi chu hi minung pali tla nih a lalram pumpi ah thu simkantu tla mawh dâwithiam tla mawh ngâk hen a let râ hen an theih dauh.

LUK 21:15

nan mêlma zawzawng an kham na hen an êl kho lo na nâk ding hen thu leh finghnâk ka nan pêk na awt ruangah.

EPHESI 5:15

Chun, mifinglo tla hâwi a um lo hen, mifing tla hâwi a um dauh hen, nan umdân ah a thiamthih u;

1 PETER 2:4

Lung nung, mi nih zeikhawm rawtrâilo ah an ruat mi, Pathian ngaih hen chun sung tak leh a thîm mi, Lalpa sinah chun hawng u.

1 PETER 2:7

Nannih a lungtu tla rangah chun hi lung hi sung tak asi; sikhawmsele, a lunglotu tla rangah lam chun: “In saktu tla nih mangtlâklo hâwi hen an duh lo mi lung kha, lung herh chem a hawng si rawh,” ti hen a sim.

1 SAMUEL 18:29

Churuangah chun David rangah a ṭih khun le, a dam kar vial chu a mêlma hâwi hen a ruat.

1 SAMUEL 18:5

David chu Saul nih a fialnâk zawng ah dingchangnâk a tawng vima. Churuangah Saul nih a kawrsen hotu ah a siam. Chu hâwi a ti ruangah Saul nih hotu ah a siam na mi leh midang khawm thungâi anna lâwm.

1 SAMUEL 19:8

Philistia mi tla hen tuknâk a um nawlh le, David nih a do na le, a neh na le, an tek phin.

1 SAMUEL 2:30

Kei, LALPA, Israel Pathian nih a lân thawk hen na dâwngsung tla leh na thlâk tla nih chun zeiliau zawng ah bâwlpu rian ka lakah an ṭuan lai ti hen kan tiamh rawh mi asi. Sikhawmsele, tuah chu chu ka ti awtlo rawh ti ka sim asi! Chu hâwi ngangâk hen keimah zahtu chu ka zah bâk lai le, keimah zauhnawmhtu chu ka zauhnawmh bâk awt.

1 SAMUEL 26:21

Saul nih, “Ka palh thlo asi. Ka fapa David, hawng kîr! Nganfâk kan pêk lai lo rawh, tuzân ah ka nungnâk na zuah ruangah. Ka â ngâk! Thil ṭihnungkâi tak ka ti rawh asi,” a ti.

1 SAMUEL 26:24

Tusûn ni ah na nungnâk ka zuah mi hâwi hen, LALPA nih ka lawksawngnâk zawzawng lakah mi hawng ka hum seh!” a ti.