1 SAMUEL 18:25 - Bawm Common Language Bible Version

²⁵ Saul nih a rianṭuantu tla sinah, “Hi hâwi hen David sinah simh u, Lalchem nih nan rangah a duh mi chu a mêlma Philistia mi tla thah mi fêm zâ a duh,” ti simh ding hen a fial na. (Hi hi Saul ruatnâk chu Philistia mi nih David an thah khonâk ding hen a tum mi asi.)

1 SAMUEL 18:25 ပူးပေါင်းရင်းမြစ်များ

GENESIS 29:18

Jakob nih Rakel a duh le, “Rakel umpi ding hen na ka pêk chun kum sarih na rian ka ṭuan lai,” a ti.

GENESIS 34:12

Zei lâwmman nan duh, hawng ka simh ule, nan fanu man rangah zeizat tal si seh, nan duh zia zia hen hauh ule; nan ka deih mi zawng chu kan pêk na lai, amah hi nan hawng ka umpitir phawt chun,” a ti.

2 SAMUEL 3:14

David nih Isboseth sinah, “Ka nupi Mikal hawng ka pêk nawlh, amah umpi ding hen a man Philistia mi fêm zâ ka pêk asi,” ti ding hen mi a fial.

JOSUA 5:3

Josua nih LALPA thupêk hâwi hen a ti le, Israel tla chu Fêmtannâk Tlâng (Gibeat haaralot) an ti mi ah fêm a tan na.

1 SAMUEL 14:24

Israel tla chu an sungvâng tuk le, an uai thlo. Saul nih Pathian sinah thutiamnâk nei hen, “âuzawng ka mêlma lakah phû ka lam lânah buh eitu chu siatbarh hen um seh,” ti hen thu a tiamh ruangah. Churuangah âukhawm nih nî tlâk hen zeikhawm an ei loh.

1 SAMUEL 17:26

David nih a kiangah mi tla sinah, “Hi bang hâwi Israel ningzak saihtu Philistia mi thahtu nih zei a tawng awt? Chu lo khawm ah hi Pathian nung kawrsen tla zuamtu Philistia minung lunglotu hi âu mesi?” ti hen a deih na.

1 SAMUEL 17:36

Chakeibaknei khawm vawm khawm ka thah, chu hâwitê hen hi Philistia lunglo mi lak khawm ka ti awt. Pathian nung kawrsen tla zuamtu hi.

1 SAMUEL 18:17

Saul nih David sinah, “Ka fanu upa dauh mi Merab hi, râlṭha tak leh zumhkâi hen keimah nâwl zulh hen LALPA râldonâk ah dotu na si ruangah na nupi rangah ka nan pêk lai,” a ti. (Saul nih a thinlung hen David chu hi hâwi ka ti chun Philistia mi nih an thah lai le, zeikhawm a ti kho lai lo rawh ti a ruat ruangah.)

1 SAMUEL 18:24

David thusim chu lalchem rianṭuantu tla nih Saul rangah an simh.

1 SAMUEL 19:1

Saul nih a fapa Jonathan leh a rianṭuantu tla zawzawng chu David thah a tum mi thu a simh na. Sikhawmsele Saul fapa Jonathan nih David chu thungâi a kawmh le, a sinah,