1 SAMUEL 17:52 - Bawm Common Language Bible Version

⁵² Israel leh Juda tla nih chun âu bu hen an ṭhâwl na le, Gath lei mi lampi tluan hen an ṭhâwl na le, Ekron kulh kawtkâ tiang an ṭhâwl na. Saaraim lei lampi tluan hen anna liam mi tla an tlû phut.

1 SAMUEL 17:52 ပူးပေါင်းရင်းမြစ်များ

2 SAMUEL 23:10

Israel tla an tawlh hep liau khawm ah bir tak a dîr hen Philistia mi tla chu a nâmsâu vei kho lo rê hen a tuk na asi. Chu ni chun LALPA nih a nehtir na. Râltuk a lîm rawh chun Eleazar umnâk ah Israel tla chu an hawng kîr le, a thi mi râlthuam tla an lâk.

1 Lal 20:21

Lalchem Ahab nih phâisen chu a lâk le, rang leh kari tla a lâk. Siria ram ah nehnâk fâk tak a um.

JOSUA 15:11

Ramri Ekron marlei tlângah a kal le, Sikeron leiah a pial le, Baalah Tlâng pal hen Jamnia tiang hen, Mediteranian Tipi ah a dawng.

LÂIRÊL 7:23

Chun, Naphtali, Aser leh Manaseh phun khingkhuai tla chu a kawh na le, Midian tla chu an ṭhâwl na.

1 SAMUEL 17:53

Israel tla, Philistia an ṭhâwl na mi chu an hawng kîr le, an riakmun tla an rawk.

1 SAMUEL 5:10

Churawhchun, Thudântuk Bâwm chu Ekron leiah an kalpi rawh, chu chu Philistia khuapi dang pakhat asi. Sikhawmsele chunah an va tlungpi rawh chun chunah mi tla chu an âu le, “Israel Pathian Thudântuk Bâwm kanmah hawng kan thah ding hen an hawng put rawh!” an ti.

1 SAMUEL 5:8

Churawhchun, mi an fial le, Philistia lal panga a pum ding hen an kawhtir na le, “Israel Pathian Thudântuk Bâwm hi zeitin kan ti lai rawh?” ti hen thu anna deih. “Gath leiah kalpi u,” ti hen an sâng. Churawhchun, Gath ah Philistia khuapi dang an ti mi ah chun an kalpi.