1 SAMUEL 17:34 - Bawm Common Language Bible Version

³⁴ David nih, “Bâwipa, ka pa dawrâ zauhtu kasi. Dawrâ seh ding hen chakeibaknei mawh vawm mawh an hawng le,

1 SAMUEL 17:34 ပူးပေါင်းရင်းမြစ်များ

GENESIS 31:39

Dawrâ tla ramsa nih a seh zâwn khawm ah keimah mawh asi kumza, kei mawh asi lo ti an zauhtir ding hen veikhat khawm ka hawng put dah loh. Sûn khawm ah zân khawm ah an fîr khawmsele rulh nawlh ding hen na ka êng tâwn.

2 SAMUEL 17:8

Na pa leh a kawrsen tla chu râltuktu râlṭha tak an si, vawm a fa an lâk piak le, a râng mi hâwi ko an si lai. Na pa chu kawrsen râltuk thiam tak asi le, zânah khawm a kawrsen tla sinah a um lai loh.

2 SAMUEL 23:20

Jehoiada fapa Benaiah, Kabzeel ah mi khawm kawrsen minthang dang asi, râltuknâk thilti tam tak a nei le, Moab mi kawrsen râltuk thiam tak panih a thah mi hen. Veikhat chu pûk ah vûr tlâk liauah chakeibaknei a thah.

1 CHRONICLES 11:22

Kabzeel ah um mi, Jehoiada fapa Benaiah chu kawrsen minthang tak asi; râlṭha tak hen thil tam tak a ti, Moab mi râltuk thiam tak panih khawm a thah na. Veikhat chu vûr tlâk liau chir ah khur sungah mi chakeibaknei a thah.

SAM 143:5

Ni a len rawh mi tla ka theih le, thil na ti mi tla chu ka dawn le, na thilti zawng tla chu ka thinlung ah ka siah.

EZEKIEL 34:12

kei, LALPA Zahkâi, keimah ngelchel nih ka dawrâ chu ka zauhkhenh awt ti ka nan simh na asi. Vânduainâk ni ah anna rekrâwinâk mun zawzawng mûi lakah mi chu ka lâk nawlh na lai.

AMOS 3:12

LALPA nih, “Chakeibaknei nih dawrâ a seh mi chu dawrâpu nih a kê panih leh nakhaw cho â ting mi hâwi hen, tuah nuam ti tak hen êltu Samaria mi tla chu tâwmtê cho an âwl lai.

ZEKARIA 11:16

Ka dawrâ rual zauhkhenhtu ah ka dawrâpu ka siah le, sikhawmsele veihtu nih a ṭhih na mi lakah a âwva lo le, a tlâu mi khawm a sunhsak lo, â liam mi khawm a thlawp lo, a thibang khawm râwl a pêk lo, chu hâwi ngâk hen dawrâ rual lakah a bit chem mi sa tla a ei le, an ketin khawm a thlêr piak na.

ZEKARIA 9:7

Chunah chun sa chu thisen tel hen an ei lai lo le, khap mi buh dang khawm an ei lai lo. A thibang zawzawng tla chu ka mi le murui khat an si bâk lai le, Juda phun lakah mi hâwi an si bâk lai. Ekron a mi khawm Jebus mi an si hâwi hen ka mi tla an si bâk lai.

LUK 2:8

Chun, chu ram ber ah chun dawrâ vêngtu tla an um le, zân ah dawrâ tla an vêng le, mâng ah an riak nawh.

JOHAN 10:11

“Kei dawrâ vêngtu ṭha kasi: dawrâ vêngtu ṭha nih dawrâ tla rangah a nungnâk a pêk tâwn.

ROM 5:4

felfênâk nih chun Pathian remtinâk a siam, Pathian remtinâk nih chun lungumnâk a siam ti kan theih asi.

HEBRAI 11:33

Chubang tla nih chun lungnâk hen ram tla an lâk le, thil dik an ti le, thutiam tla anna ting, chakeibaknei kâ tla an chîp piak.

THUPHUANG 13:2

Chun, sarâng ka muh mi chu keitê hâwi asi le, a kê tla chu vawm kê hâwi asi le, a kâ chu chakeibaknei hâwi asi; chun, rûlrêu nih sarâng chu amah thiltikhonâk leh a laltophah leh amah thuneihnâk fâk tak a pêk.

LÂIRÊL 14:6

Mawhsareh hen LALPA thiltikhonâk nih Samson chu chaknâk a hawng pêk le, a kut karo hen kêl fa hâwi hen a dawh dip. Sikhawmsele a thilti chu a nu le a pa rangah a simh na lo.

1 SAMUEL 17:15

a zeimaw zâwn ah Bethlehem leiah a va kal le, a pa dawrâ a va vêng tâwn.

1 SAMUEL 17:33

Saul nih, “Silo, nangnih zeitin anih na do kho lai? Mipa ngâksiatê cho na si rih, anih chu kawrsen a sinâk a sâwt thlo rawh mi!” a ti.

1 SAMUEL 17:35

ka ṭhâwl le, ka do le, dawrâ fa tla ka hum na tâwn. Chakeibaknei leh vawm an hawng ka seh awt khawmsele an rawm ka dît le, ka thah thlo na.