1 SAMUEL 17:32 - Bawm Common Language Bible Version

³² David nih Saul sinah, “Bâwipa, hi Philistia minung hi âukhawm nih ṭih lah na seh, keimah ka va kal lai le, ka do lai,” a ti.

1 SAMUEL 17:32 ပူးပေါင်းရင်းမြစ်များ

SAM 3:6

A ker kip ah ka mêlma sâng tam tak hawng ka kulhtu khawm ka ṭih lo.

ISAI 35:4

Mi lungdawng kip sinah chun, Chak tak hen um le, ṭih lâh! Pathian chu nangmah ruangsuah ding leh na mêlma tla rêp ding hen a hawng,” ti hen simh na u.

ISAI 7:4

Râlring zet hen dâisip um ding hen va simh, ningṭih hen a thinlung a nawktir lah seh. Lalchem Rezin leh a mi tla leh Lalchem Pekah chu ṭhianṭhunh panih mei nih a muat mi khû tluk hen khawm ṭihnung an kâi lo.

NUMBER 13:30

Mosi tlûnah mi zapi chipchiartu tla chu Kaleb nih a dâitir ruap na le, “Neh ding hen kan chak tâwk reng, tuah kan va kal lai le, ram chu kan lâk ko lai,” a ti.

NUMBER 14:9

LALPA tlûnah hel lah ule, chu ram ah um mi tla khawm ṭih lah na u. Awl tak hen kan neh na lai. LALPA kan sinah a um asi, anmah vêngtu pathian tla chu a neh rawh; churuangah ṭih rîlmâl lah u,” an ti.

HEBRAI 12:12

Chun, kut uai tla chu zangh u, nan khûp chak lo mi chu chaktir u.

JOSUA 14:12

Asi chun, tuah ka mi le tla hen ram thlingthlâk thu kan sim liauah LALPA nih thu hawng ka pêk mi hâwi hen tlâng ram chu hawng ka pêk. Anakim murui, milian umnâk khuapi lian kulh pang mi ka nan simh mi kha. LALPA chu ka sinah a um lai ti ka ruat, LALPA nih a sim mi hâwi hen ka nar phin na lai,” a ti.

1 SAMUEL 14:6

Jonathan nih tlangvâl sinah, “Khinah varâl lei Philistia lunglo tla umnâk ah kan va kal lai. Pathian nih hawng kan ṭangpi lai ba a; hawng kan ṭangpi mi asi chun, nehnâk hawng kan pêk ding mi chu zeikhawm a kham kho lai loh, kan tawm ruangah zeikhawm pawinâk a um lo,” a ti.

1 SAMUEL 16:18

An lakah mi pakhat nih, “Bethlehem mi Jese nih tumphung thiam tak mi fapa a nei, amah chu mi râlṭha tak leh mêlṭha tak, kawrsen ṭha tak leh thusim kho mi tak asi. Chu minung sinah LALPA a um,” a ti.

1 SAMUEL 17:31

Zeimaw mi nih David thusim an theih le, Saul nih a kawh rawh.