1 SAMUEL 17:28 - Bawm Common Language Bible Version

²⁸ David unau lakah a upachem mi Eliab chu David nih mi a sawnh na mi chu a theih rawh. A thinthawk le, David sinah, “Hinah zei na hawng ti? Mâng ah dawrâ tla âunih a zauh rawh? Nang ngâksia â thet hen! Râl anna tuk mi zauh ding hen na maw na hawng,” a ti.

1 SAMUEL 17:28 ပူးပေါင်းရင်းမြစ်များ

GENESIS 37:11

Josef chu a unau tla nih thungâi an nahsuah le, a pa lam nih chun zei zia me asi aw ti hen a thinlung ah a kil ziar.

GENESIS 37:4

A unau tla nih Josef chu anmah tla ngâk hen a dâwt mi an theih le, an unaupa chu an hua rawh; kawmh hen thuruatpi ding khawm an duh lo.

GENESIS 37:8

A unau tla nih, “Kan tlûnah lal siding na ruat mu?” an ti. Mang a nei mi leh a thusim ruangah an hua khun rawh.

2 CHRONICLES 11:18

Rehoboam nih David fapa Jerimoth fanu Mahalath a umpi, a nu chu Jese tunu Eliab fanu Abihail asi.

SAM 35:11

Ran mawh va mawh ngâk a fing dauh hen, hawng kan finghtirtu Pathian leiah anna her lo.

THUFING LASUIBU 18:19

Na unaupa chu ṭangpi le, khuapi kulh hâwi hen nangmah humtu asi lai. Sikhawmsele thu na êlpi chun, na rangah in a khâr pang lai.

THUFING LASUIBU 27:4

Thinthawk hi a ṭhalo le, râwknâk asi. Nahsuahnâk chu chu ngâk hen a fâk.

THUSIMTU 4:4

Zei rangah dingchangnâk ding hen mi nih titi hamh hen rian an ṭuan ti ka ruat fâwn; an zâwlbâwm tla thil an ngarh na ruangah asi. Sikhawmsele zeikhawm asi lêm lo, thli ṭhâwl mi hâwi asi.

MATHAI 10:36

Mi a mêlma tla chu amah dâwngsungkhur lakah mi ngelchel an si lai.

MATHAI 27:18

Nahsuahnâk ruangah anih chu an tleihtir ti a theih ruangah.

MARK 3:21

Chun, a dâwngsung tla nih chun chu chu an theih rawh chun, “A â ma chu,” ti hen, amah tleih ding hen anna thawh.

JUD 1:10

Chu tla nih chun thu an theih lo mi tla chu an simsiat le, dawnruatnâk nei lo, ram sa tla hâwi hen, theihnâk anna suakpi mi nih chun anmah tla a râwk na.

1 SAMUEL 16:13

Samuel nih oliv sariak a lâk le, a unau tla mâika ah David chu sariak a thuh rawh. Lâkkhatko ah LALPA thlarau nih David chu a luah le, chu ni thawk hen chun a sinah a um vima rawh. Churawhchun, Samuel chu Ramah khua leiah a kîr rawh.

1 SAMUEL 16:7

Sikhawmsele LALPA nih a sinah, “A sâng mi leh â dawh mi leiah zauh lah. Chu hâwi chu ka duh lo, minung lâirêl hâwi hen ka rêl lo ruangah. Minung nih chun lênglei a zauh le, kei lam nih chun thinlung lei ka zauh dauh,” a ti.

1 SAMUEL 17:29

David nih, “tuah zei ka ti? Thu deih kho asi lo ma?” a ti.