1 SAMUEL 17:26 - Bawm Common Language Bible Version

²⁶ David nih a kiangah mi tla sinah, “Hi bang hâwi Israel ningzak saihtu Philistia mi thahtu nih zei a tawng awt? Chu lo khawm ah hi Pathian nung kawrsen tla zuamtu Philistia minung lunglotu hi âu mesi?” ti hen a deih na.

1 SAMUEL 17:26 ပူးပေါင်းရင်းမြစ်များ

2 Lal 19:4

Asiria lal lianchem nih Pathian nung siarlo hen a rianṭuantu lakah mi hotu chem a hawng fial. LALPA na Pathian nih hi bang zauhnawmhtu chu theih sele, chubang hâwi thusim tla chu theih sele rêp na seh. Churuangah kan minung a thibang tla rangah thlacham rawh,” a ti.

2 CHRONICLES 32:17

Asiria lal lianchem lasuikuat nih LALPA Israel Pathian chu a zuam. Hi hâwi hen, “Zei phun pathian khawm nih ka thiltikhonâk lakah mi chu an mi tla a hum kho na ding asi lo, Hezekiah Pathian khawm nih kei lakah mi chu a mi tla a hum kho na ding asi lo,” a ti.

NEHEMIAH 5:9

Churawhchun, kei nih, “Nan thilti dân a dik loh! Pathian nan ṭih hen thil dik nan ti ding asi. Chu tikah kan mêlma Gentel tla chu kanmah hawng kan zauhnawmhtu siding hen nan pêk na lai loh.

SAM 44:13

Kan zâwlbâwm tla nih na kan ti dân an muh le, an kan tluktlak hen an kan nihsanh.

SAM 74:18

Sikhawmsele, LALPA, na mêlma nih an nihsanh mi theihkumza le, Pathian neilotu tla leh nangmah siarlotu an si zia khawm theih.

SAM 79:12

Nangmah zauhnawmh hen a nan nawmhtu phun tla chu vei sarih khirh na, LALPA.

ISAI 37:23

Na zauhnawmh leh na nihsanh mi hi âu si hen na ruat? Kei Israel Pathian thenhlimh na hawng ka zah lo mi asi.

JEREMIA 10:10

Sikhawmsele, LALPA, nang lam chu Pathian dik tak, Pathian nung, Zungzâl lalchem na si. Na thin a thawk liauah laikulh a thir, phun tla nih na thinthawknâk an tuar lo.

JEREMIA 9:25

LALPA nih, “Aigupta, Juda, Edom, Amon, Moab leh ramkaro ah um mi an sam tâwi hen tantu tla, ka rêp na ding tik chu a hawng tlung awt rawh. Hi minung tla hi fêmtan chu an si le, sikhawmsele a zauhtirnâk thudântuk chu an zûl lo. Hi bang minung tla leh Israel mi tla pakhat khawm nih ka thudântuk an zûl lo,” a ti.

EZEKIEL 28:10

Pathian nei lo mi ramdang kut ah ui hâwi hen na thi lai. Kei, LALPA Zahkâi nih thu ka pêk mi asi,” a ti.

DANIAL 5:23

Vân ah mi Lalpa duh lo kâng hen thil na ti le, a Biakin ah mi hâi leh khêng tla na lâk, nang, na milian tla, na nupi tla, na nupisûn tla hen uain dinnâk ah nan mang le, pathian tla, ngûn, tangka, dâr, thîr, thing leh lung hen siam mi muh kho lo mi, zeikhawm theihlo mi pathian tla nan sawr. Sikhawmsele, na thih leh na dam thu ah thuneitu leh thil na ti mi zeizawng lakah thuneitu Pathian chu na zah lo.

DANIAL 6:27

A hum hen ruang a suah, vân ah leh tual tlûnah a thilchê rokual a ti. Danial khawm chakeibaknei nih thah lo hen a hum,” a ti.

DANIAL 9:16

A lânah chun nangmah vêng mi kan si, churuang chun Jerusalem tlûnah na thinthawk lah rawh. Na khuapi leh na tlâng thenhlimh asi. Kan thlâktu tla nih thilsual an ti ruangah kan kiangkam ram minung zawzawng tla nih Jerusalem leh na mi tla an zauhnawmh.

JOEL 2:19

LALPA nih, “Tuah buh, uain, leh oliv sariak ka nan pêk na lai rawh le nan khim lai rawh, phundang tla nih an zauhnawmh na lai lo rawh.

DEUTERONOMY 5:26

Pathian nung nih mei thawk hen thu a sim mi theihtu minung a dam mi âu me um?

1 THESALONIKA 1:9

Anmah tla ngelchel nih nan lakah zei hâwi sunhsaknâk me kan tawng kan thâwngthâng chu an theihtir na tâwn; Pathian nung leh dik tak rianṭuan ding leh a Fapa Jisu thihnâk lakah mi a thawh mi leh Pathian thinrunhnâk hawng tlung ding lakah hawng kan ruangsuahtu Jisu kha vân a mi ngâk ding hen, ruk tla chu, Pathian leiah nan hawitâk zia khawm kha an theihtir na ber tâwn asi.

JOSUA 3:10

Nan kalnâk zawng ah Kanaan mi tla, Hit mi tla, Hiv mi tla, Periz mi tla, Girgasit mi tla, Amor leh Jebus mi tla Kanaan ram ah mi a nar na lai.

1 JOHAN 5:20

Chun, Pathian Fapa chu a hawng kal le, Pathian dik tak chu theih khonâk hawng kan pêk ti kan theih. A Fapa Jisu Krist hen tlâinâk kan nei mi lakah Pathian dik tak hen tlâinâk kan nei asi. Hi hi Pathian dik tak leh zungzâl nungnâk chu asi.

1 SAMUEL 11:2

Nahas nih a sâng le, “Nanmah hen remnâk leh a san dang pakhat ka siam lai: mikip an mit vawrhlei ka chawih zek lai le, Israel mi zawzawng ningzak ka saih awt,” a ti.

1 SAMUEL 14:6

Jonathan nih tlangvâl sinah, “Khinah varâl lei Philistia lunglo tla umnâk ah kan va kal lai. Pathian nih hawng kan ṭangpi lai ba a; hawng kan ṭangpi mi asi chun, nehnâk hawng kan pêk ding mi chu zeikhawm a kham kho lai loh, kan tawm ruangah zeikhawm pawinâk a um lo,” a ti.

1 SAMUEL 17:10

Hinah tuah Israel kawrsen chu ka zuam asi. Hawng ka sualpi ding hen nan thîm mi chu ka ngamh rerêng,” a ti.

1 SAMUEL 17:30

Midang leiah â her le, chu hâwitê hen a deih na; a deih lemang na le, bang ver hen an sâng.

1 SAMUEL 17:36

Chakeibaknei khawm vawm khawm ka thah, chu hâwitê hen hi Philistia lunglo mi lak khawm ka ti awt. Pathian nung kawrsen tla zuamtu hi.

1 SAMUEL 31:4

A râlthuam puttu tlangvâl sinah, “Na nâmsâu phâwi le, hawng ka thah ko, Philistia pathian neilotu tla nih an ka thah hen anna khâwng lonâk ding hen,” a ti. Sikhawmsele tlangvâlpa nih ti ding a ṭih thlo. Churawhchun, Saul nih a nâmsâu a lâk le, amah â sunh thlap.