1 SAMUEL 16:18 - Bawm Common Language Bible Version

¹⁸ An lakah mi pakhat nih, “Bethlehem mi Jese nih tumphung thiam tak mi fapa a nei, amah chu mi râlṭha tak leh mêlṭha tak, kawrsen ṭha tak leh thusim kho mi tak asi. Chu minung sinah LALPA a um,” a ti.

1 SAMUEL 16:18 ပူးပေါင်းရင်းမြစ်များ

GENESIS 39:2

LALPA chu Josef sinah a um le, a sul-le-lam tluang tak hen a siam. A hotupa Aigupta ram mi in ah a um le,

GENESIS 39:23

LALPA chu Josef sinah a um le, thil a ti mi zawzawng lakah dingchangnâk a pêk ruang chun rêngtlâk vêngtu khawm nih Josef rangah a rinh hep.

2 SAMUEL 14:20

Sikhawmsele hi thu zawzawng hi a tluang khonâk ding hen a ti mi asi. Nang Lalchem chu Pathian vânmifial hâwi hen na fing le, thil a hawng um mi khawm na theih hep,” a ti.

2 SAMUEL 17:10

Churawhchun, chakeibaknei hâwi hen a râl a ṭha mi men nih na pa chu kawrsen rokual leh a mi le tla chu mi râlṭha tak an si ruangah an zâm lai.

2 SAMUEL 17:8

Na pa leh a kawrsen tla chu râltuktu râlṭha tak an si, vawm a fa an lâk piak le, a râng mi hâwi ko an si lai. Na pa chu kawrsen râltuk thiam tak asi le, zânah khawm a kawrsen tla sinah a um lai loh.

THUFING LASUIBU 12:8

Theihthiamnâk nei mi na si chun, sawr na lawh lai le; mi mâwl na si chun, mi nih a nan zauhnawmh lai.

MATHAI 28:20

Chun, ngâinik u, kei zungzâl hen, laikulh dawngh tiang hen nan sinah ka um vima lai,” a ti.

1 SAMUEL 10:7

Chubang hâwi thil a hawng um rawh chun Pathian nih a nan ruinâk zawng ah chun ti vima ko.

1 SAMUEL 16:12

Jese nih amah chu kawh ding hen mi a fial. Mi mêlṭha tak, mi ṭhisel tak, mitmeng dawh tak asi. LALPA nih Samuel sinah, “Hi hi sariak thuh ding mi chu asi,” a ti.

1 SAMUEL 16:17

Saul nih, “A tum thiam mi hawng ka hâwl piak ule, hinah ka sinah hawngpi u,” a ti.

1 SAMUEL 16:19

Saul nih Jese sinah mi a fial le, “Dawrâ vêngtu na fapa kha ka sinah hawng fial,” a ti.

1 SAMUEL 17:12

David chu Jese fapa, Judai ram Bethlehem khua mi, Ephrat thlâk asi. Jese nih fapa pariat a nei le, Saul a lal liauah chun a tar ual rawh.

1 SAMUEL 3:19

Samuel chu a hawng lian vima le, a thusim zawng chu a dik vima.