1 SAMUEL 16:13 - Bawm Common Language Bible Version

¹³ Samuel nih oliv sariak a lâk le, a unau tla mâika ah David chu sariak a thuh rawh. Lâkkhatko ah LALPA thlarau nih David chu a luah le, chu ni thawk hen chun a sinah a um vima rawh. Churawhchun, Samuel chu Ramah khua leiah a kîr rawh.

1 SAMUEL 16:13 ပူးပေါင်းရင်းမြစ်များ

2 SAMUEL 12:7

Nathan nih a sinah, “Chu minung chu nangmah na si. Hi hi LALPA, Israel Pathian nih a sim mi chu asi: ‘Saul kutah mi ka nan hum le, Israel lalchem ah ka nan siam.

2 SAMUEL 2:4

Juda mi tla chu Hebron ah an hawng le, David chu Juda lalchem siding hen sariak an thuh. David nih Gilead ram ah Jabes mi tla nih Saul an vûi rawh ti a theih le,

2 SAMUEL 23:1

Jese fapa David chu Pathian nih milian ah a siam le, amah chu Jakob Pathian nih lal ah a thîm. Israel rangah la dawhtak phuaktu asi. Hi tla hi David thusim madung asi:

2 SAMUEL 5:3

Churawhchun, Israel ruitu tla zawzawng chu David sinah Hebron ah an hawng hep. Anmah hen tlâinâk ding David nih a siam le, annih nih sariak an thuh le, Israel tla lalchem asi rawh.

2 Lal 9:6

An panih hen in sungah an lût le, khuavâng tlangvâl nih Jehu lû ah oliv sariak a tawih le, a sinah, “LALPA, Israel Pathian nih, ka mi Israel tla lalchem siding hen sariak ka nan thuh,

1 CHRONICLES 11:3

Churuangah Israel ruitu zawzawng chu lalchem David sinah Hebron ah an hawng rawh. Anmah tla hen tlâinâk thenhlimh a siam le, LALPA nih Samuel mang hen thu a tiamh rawh hâwi hen. Sariak an thuh le, Israel lal a hawng si rawh.

SAM 89:20

Sariak thenhlimh thuh hen ka to-aw David chu lal ah ka siam.

SAM 89:21

Ka chaknâk chu a sinah a um kumza lai le, ka thiltikhonâk hen amah chu ka chaktir lai.

NUMBER 11:17

Chunah chun ka hawng lai le, kan sawnh lai, thlarau kan pêk mi kha annih khawm ka pêk na lai, chu tikah zapi lakah na mawhphurhnâk chu, chu tla nih an ṭangpi lai le, nangmah lâwng na si lai lo rawh.

NUMBER 27:18

LALPA nih Mosi sinah, “Nun fapa Josua, mi thiltikho tak, lû tlûnah na kut thâng.

JOHAN 3:34

Pathian fial mi nih chun Pathian thu a sim tâwn; anih nih chun a Thlarau khatnâk rangtling a pêk.

THILTI 13:22

Chun, anih chu a ṭhial nûnah khan an lal rangah David a siam rawh; Pathian nih chu minung chu thu theihtir hen, ‘David, Jese fapa, ka thinlung hâwi put mi ka tawng rawh, anih nih chun ka duh mi vial a ti lai,” a ti.

HEBRAI 1:9

Diknâk chu na duh le, diklonâk chu na hua. Churuangah Pathian, na Pathian nih chun, Na hâwi tla ngâk hen chawnglawmhnâk rokual dauh a nan pêk,” ti hen a sim.

HEBRAI 11:32

Chun, zei me kan sim vima lai rih? Gideon thu, Barak thu, Samson thu, Jeptha thu, David thu, Samuel thu leh khuavâng tla thu chu sim awt sele tik nih hawng ka tinh awt loh.

LÂIRÊL 11:29

Churawhchun, LALPA thlarau chu Jepthah tlûnah a hawng tlung rawh. Gilead ram leh Manaseh ram ah a kal le, Gilead ram ah Mizpah ah a hawng kîr nawlh le, Amon leiah a kal.

LÂIRÊL 13:25

Chun, Zorah leh Estaol karah Dan Riakmun ah a um liauah LALPA thiltikhonâk nih amah chu chaktir a dawmh rawh.

LÂIRÊL 14:6

Mawhsareh hen LALPA thiltikhonâk nih Samson chu chaknâk a hawng pêk le, a kut karo hen kêl fa hâwi hen a dawh dip. Sikhawmsele a thilti chu a nu le a pa rangah a simh na lo.

LÂIRÊL 3:10

LALPA thlarau chu a tlûnah a hawng tlung le, Israel ruitu ah a hawng um. Othniel chu râltuk ding hen a kal le, LALPA nih Mesopotamia ram lalchem nehtu ah a siam.

1 SAMUEL 1:19

A thâituan zîngtê ah Elkanah leh a dâwngsung tla chu an thawk le, LALPA an sawnh thluh rawh chun an khua Ramah ah an tlung rawh. Elkanah nih a nupi Hanah chu a itpi le, Hanah thlachamnâk chu LALPA nih a sâng.

1 SAMUEL 10:1

Samuel nih oliv sariak dûr a lâk le, Saul lû lakah a tawih le, a châwchawk le, “LALPA nih Israel mi tla lâirêltu ah sariak a nan thuh. A mi tla lakah lâi na rêl lai le, an mêlma tla lakah na hum na ding asi. Hi nih hin a mi le tla lâirêltu ding ah LALPA nih a nan thîm mi na si ti a theihtir:

1 SAMUEL 10:6

LALPA thlarau nih a nan luah lai le, Pathian sawnhnâk leikângah âunâk leh lâmnâk ah na va a ṭâwm bâk lai le, thinlung dang ving hen na um lai.

1 SAMUEL 11:6

Saul nih chu chu a theih rawh chun LALPA thlarau nih a luah le, a thin a thawk rawh.

1 SAMUEL 16:18

An lakah mi pakhat nih, “Bethlehem mi Jese nih tumphung thiam tak mi fapa a nei, amah chu mi râlṭha tak leh mêlṭha tak, kawrsen ṭha tak leh thusim kho mi tak asi. Chu minung sinah LALPA a um,” a ti.

1 SAMUEL 18:12

Saul nih David chu thungai a ṭih. LALPA chu David sinah a um ruangah, sikhawmsele LALPA nih Saul lam chu a kaltâk rawh.

1 SAMUEL 2:35

Bâwlpu ka lakah zumhkâi mi leh ka duhzia hen thil titu ka thîm awt, thlâk tla ka pêk lai le, chu tla nih ka thîm mi lalchem mâika ah rian an ṭuan kumza lai.