1 SAMUEL 15:26 - Bawm Common Language Bible Version

²⁶ Samuel nih, “Na sinah ka hawng kîr ding asi lo, LALPA thupêk chu na duh lo le, anih khawm nih Israel lalchem rangah a nan duh bâk lo,” a ti.

1 SAMUEL 15:26 ပူးပေါင်းရင်းမြစ်များ

GENESIS 42:38

Sikhawmsele, Jakob nih, “Ka fapa lam chu nan kalpi kho ding asi lo, a upa tâ nih a thi rawh, amah tê lâwng a dam mi, lampi ah tawnglo ai tawng kho. Kei tâ nih ka tar rawh, lawksawng hen nan hawng ka thah awt,” a ti.

2 SAMUEL 12:9

Chu hâwi mi lakah zei rangah ka thu na ngâilo? Zei rangah hi hâwi sualnâk thil na ti? Râl tuknâk ah Uria chu Amon mi tla rangah na thahtir na, a nupi chu na lâk piak ving!

2 SAMUEL 7:15

Nangmah lalchem sikho ding hen Saul ka lawnh mi hâwi hen amah ka ṭangpinâk chu ka lêt lai loh.

JEREMIA 6:19

Tual, ngâi rawh! Hi minung tla nih ka sîntirnâk an duh lo hen ka thu an ngâilo ruangah, an ruat mi zawzawng ruangah rêpnâk ding hen siatnâk an tlûnah ka tlungtir awt.

HOSEA 13:11

Ka thinrun bû hen lal tla ka nan pêk na le, ka thinthawknâk hen ka lâk ving na awt.

HOSEA 4:6

Ka mi tla chu an hawng ka theih lo ruangah an vânduai asi. Nannih bâwlpu tla, hawng ka theih ding nan duh lo hen kan sîntir na nâk khawm nan duh lo, churuangah nannih khawm kan nawng na, nan fapa tla khawm bâwlpu siding hen kan theih na awtlo rawh.

THILTI 13:22

Chun, anih chu a ṭhial nûnah khan an lal rangah David a siam rawh; Pathian nih chu minung chu thu theihtir hen, ‘David, Jese fapa, ka thinlung hâwi put mi ka tawng rawh, anih nih chun ka duh mi vial a ti lai,” a ti.

2 JOHAN 1:11

hawlhkâ ṭha hen thlahtu chu a thilsual ti lakah chun â tel bâk asi.

1 SAMUEL 13:14

Sikhawmsele lâi na rêlnâk hi a um kumza ding asi lo, thu na ngâilo ruangah LALPA nih a minung tla lâirêltu ding mi a hâwl awt,” a ti.

1 SAMUEL 15:23

A lakah helnâk hi dâwithiam hen a bang le, lungkhungnâk hi milem sawnh tluk hen a sual. LALPA thu na ngâilo ruangah lalchem siding an duh lo rawh,” a ti.

1 SAMUEL 15:31

Churawhchun, Samuel chu a sinah Gilgal leiah a kîr le, Saul nih LALPA chu a sawnh rawh.

1 SAMUEL 16:1

LALPA nih Samuel sinah, “Saul ruangah zei tiang riamruam me na ngaih a sia awt? Israel lalchem asi mi chu ka nawng rawh. Sikhawmsele tuah oliv sariak lak le, Bethlehem khua ah minung pakhat Jese sinah va kal le, a fapa lakah mi pakhat chu lalchem ah ka ruat rawh,” a ti.

1 SAMUEL 2:30

Kei, LALPA, Israel Pathian nih a lân thawk hen na dâwngsung tla leh na thlâk tla nih chun zeiliau zawng ah bâwlpu rian ka lakah an ṭuan lai ti hen kan tiamh rawh mi asi. Sikhawmsele, tuah chu chu ka ti awtlo rawh ti ka sim asi! Chu hâwi ngangâk hen keimah zahtu chu ka zah bâk lai le, keimah zauhnawmhtu chu ka zauhnawmh bâk awt.

1 SAMUEL 28:18

LALPA thupêk na ngâilo le, Amalek mi leh an neih tla na veih hep lo ruangah. Churuangah tuhin LALPA nih na lakah hi hi a hawng ti rawh asi.