1 SAMUEL 15:23 - Bawm Common Language Bible Version

²³ A lakah helnâk hi dâwithiam hen a bang le, lungkhungnâk hi milem sawnh tluk hen a sual. LALPA thu na ngâilo ruangah lalchem siding an duh lo rawh,” a ti.

1 SAMUEL 15:23 ပူးပေါင်းရင်းမြစ်များ

GENESIS 31:19

Laban chu a dawrâ tla mul mêt ding hen a kal le, a umlo kar chun, Rakel nih a pa tâ an dâwngsung pathian lem tla chu a fîr.

GENESIS 31:34

Rakel nih chu dâwngsung pathian lem tla chu a lâk le, sangâwngsâu kêng tlûnah phah mi tangah a siah le, a tlûnah a to nawh pang. Laban nih puanin zawzawng a hâwl hep khawmsele a tawng lo thlo.

2 SAMUEL 12:9

Chu hâwi mi lakah zei rangah ka thu na ngâilo? Zei rangah hi hâwi sualnâk thil na ti? Râl tuknâk ah Uria chu Amon mi tla rangah na thahtir na, a nupi chu na lâk piak ving!

2 SAMUEL 7:15

Nangmah lalchem sikho ding hen Saul ka lawnh mi hâwi hen amah ka ṭangpinâk chu ka lêt lai loh.

1 CHRONICLES 10:13

LALPA lakah zumhkâi tak hen a um lo ruangah Saul chu a thi rawh. LALPA thupêk a ngâilo le; LALPA in ah thu deih ngâk hen mithi thlarau kawh khotu thu a ngâi dauh ruangah.

1 CHRONICLES 28:9

Churawhchun, Solomon sinah, “Ka fapa, na pa Pathian chu thinlung lungkhat leh duhnâk nei hen a rianṭuan ding hen kan simh asi. Anih nih kan thinlung dawn leh kan duh mi zawzawng a theih hep. A sinah na kal chun a nan pawm lai. Sikhawmsele na hertâk chun a nan kaltâk pawt lai.

JOB LASUIBU 34:37

A sual nûnah a hel singsuan rih; kan mâika ah Pathian a siarlo mi asi.

SAM 107:11

Zeizawng tikho Pathian thupêk an ngâilo ruangah leh a sîntirnâk chu an duh lo ruangah.

EXODUS 22:18

“Zei nunau tal dâwi mangtu chu thah ding asi.

ISAI 19:3

Aigupta thiltum chu ka râwk lai le, an thinlung ah an dawn mi khawm ka râwk lai. Ṭangpi ding hen an milem tla an ngiar lai le, an va kal lai le, mithi thlarau kawhtu an simh lai le, mithi thlarau rangah thu an deih lai.

ISAI 8:19

Sikhawmsele, mi nih chamchawh thiam leh mithi sawnhtu, chamchawh hen âwn salamtu rangah thu deih ding hen a nan simh lai. Annih nih, “Zeizawng nûnah mi tla nih a nung mi ruangrûl ah thlarau leh mithi sawnhtu rangah thu an deih ding asi,” an ti lai.

JEREMIA 16:12

Sikhawmsele an thlâktu tla ngâk hen nan thilti a sual dauh. Nan ektê hen nan lungkhung hen nan sual le, ka thu nan ngâilo.

JEREMIA 28:16

Churuangah LALPA amah ngelchel nih a nan kaltâk awt ti a sim. Zapi minung tla chu LALPA lakah hel ding hen na simh na ruangah hi kum a vei lânah na thi lai,” ti hen thu dang a simh.

HOSEA 13:11

Ka thinrun bû hen lal tla ka nan pêk na le, ka thinthawknâk hen ka lâk ving na awt.

HOSEA 3:4

Chu hâwi hen Israel mi tla chu lal leh ruitu lo hen bâwlnâk leh lung thenhlimh phun mi nei lo hen milem leh thlalâk chamchawhnâk rangah umlo hen hun sâwt tak an um ding asi.

LEVITICUS 20:27

“Mipa mawh nunau mawh mithi thlarau a sawnh chun lung hen thi thlo seh ding asi; zei minung zawng chu hâwi titu chu mah thihnâk chu amah mawh asi,” a ti.

LEVITICUS 20:6

“Âuzawng mithi thlarau sawnhtu sinah thu deihtu chu ka do lai le, ka minung asi kho lai lo.

NUMBER 14:9

LALPA tlûnah hel lah ule, chu ram ah um mi tla khawm ṭih lah na u. Awl tak hen kan neh na lai. LALPA kan sinah a um asi, anmah vêngtu pathian tla chu a neh rawh; churuangah ṭih rîlmâl lah u,” an ti.

THILTI 13:22

Chun, anih chu a ṭhial nûnah khan an lal rangah David a siam rawh; Pathian nih chu minung chu thu theihtir hen, ‘David, Jese fapa, ka thinlung hâwi put mi ka tawng rawh, anih nih chun ka duh mi vial a ti lai,” a ti.

2 KORIN 6:16

Pathian Biakin leh ruk khawm nih zei me remnâk an nei? Kannih lam chu Pathian nung Biakin kan si; Pathian nih, “Anmah lakah ka um lai le, anmah lakah ka tâwi ber lai; chun, an Pathian kasi lai le, annih khawm ka mi tla an si lai,” a ti hâwi khan.

GALATIA 5:20

Duhnâk, nâwmtâmnâk, hurnâk, ruk sawnhnâk, dâwi thiamnâk, huatnâk, tawhnâk, thîknâk, thinthawknâk, mah kawngkâ ruatnâk, a dang hen umnâk, a dang hen lungnâk,

DEUTERONOMY 9:24

Chu thawk hen chun LALPA lakah hel mang mi nan si ti kan theih na.

DEUTERONOMY 9:7

“Ramkaro ah LALPA nan Pathian nan thinthawk tir mi kha philh lah u. Aigupta ram nan kaltâknâk ni thawk hen hi mun nan tlung tiang hen a tlûnah nan hel mi kha.

JOSUA 22:15

Gilead ram ah Reuben, Gad, saklei mi Manaseh phun tla sinah an va kal le,

THUPHUANG 21:8

Sikhawmsele, mi zer tla, lunglo tla, mi lêmtu tla, mi thahtu tla, mi hur tla, dâwithiam tla, milem sawnhtu tla leh âwkrâwl simtu tla tingvo mun chu mei leh kât hen a kâng mi zur asi, chu chu thih nihnâk chu asi.

THUPHUANG 22:15

Lênglei ah chun, ui tla, dâwithiam tla, pungmang tla, milem sawnhtu tla, âwkrâwl sunhsaktu tla leh âwkrâwl sim mang tla chu an um lai.

1 SAMUEL 13:14

Sikhawmsele lâi na rêlnâk hi a um kumza ding asi lo, thu na ngâilo ruangah LALPA nih a minung tla lâirêltu ding mi a hâwl awt,” a ti.

1 SAMUEL 16:1

LALPA nih Samuel sinah, “Saul ruangah zei tiang riamruam me na ngaih a sia awt? Israel lalchem asi mi chu ka nawng rawh. Sikhawmsele tuah oliv sariak lak le, Bethlehem khua ah minung pakhat Jese sinah va kal le, a fapa lakah mi pakhat chu lalchem ah ka ruat rawh,” a ti.

1 SAMUEL 2:30

Kei, LALPA, Israel Pathian nih a lân thawk hen na dâwngsung tla leh na thlâk tla nih chun zeiliau zawng ah bâwlpu rian ka lakah an ṭuan lai ti hen kan tiamh rawh mi asi. Sikhawmsele, tuah chu chu ka ti awtlo rawh ti ka sim asi! Chu hâwi ngangâk hen keimah zahtu chu ka zah bâk lai le, keimah zauhnawmhtu chu ka zauhnawmh bâk awt.

1 SAMUEL 28:3

Samuel chu a thi le, Israel mi zawzawng nih an ulh le, Ramah khua ah an vûi. Saul nih Israel ram ah mi, mithi thlarau kawh thiam mi leh dâwithiam tla chu a nar ver na.