1 SAMUEL 15:22 - Bawm Common Language Bible Version

²² Samuel nih, “LALPA nih ê-aw ngâi ma a duh dauh, bâwlnâk ma? Amah sinah dawrâ ṭha leh ranrual ṭha hen bâwlnâk ngâk hen a lakah ê-aw ngâi a ṭha dauh asi.

1 SAMUEL 15:22 ပူးပေါင်းရင်းမြစ်များ

GENESIS 4:4

Abel nih chun a dawrâ rual lakah a suak masa chem mi a lâk le, a thah le, a mehtît a ṭha chem mi LALPA rangah a pêk. Abel leh a thilpêk nih chun LALPA a lawmhtir.

EXODUS 19:5

Tuah ka thu nan lung hen ka dân thu tla nan zûl chun keimah mi tak nan si lai. Tual pumpi hi ka tâ asi, nannih lam chu ka mi thîm nan si lai.

THUFING LASUIBU 21:3

A dik hen a ṭha mi bâwlnâk ngâk hen LALPA lawmhtirnâk chu ti rawh.

THUSIMTU 5:1

Biakin ah na kal chun a thiamthih rawh. Chunah sîn ding hen va kal chu zapi minung mâwl tak a dik leh diklo khawm theihlotu tla nih bâwlnâk an ap mi ngâk hen a ṭha dauh.

JEREMIA 11:4

Aigupta ram, an rangah meialh hâwi mi thawk hen ka suakpi na liauah an thlâktu tla sinah thudântuk ka siam mi chu asi. Ka thu ngâi ding leh thu ka pêk na mi zeizawng ti ding hen ka simh na. An zûl mi asi chun, ka mi tla an si lai le, Kei, an Pathian kasi lai ti ka simh na.

JEREMIA 11:7

Aigupta thawk hen an thlâktu tla ka suakpi na liauah, ka thu ngâi ding hen bir tak hen ka simh na mi chu tusûn ni tiang hen ka simh kumza na.

JEREMIA 26:13

Nan umdân tla, thil nan ti mi tla nan lêt hen LALPA nan Pathian lakah ê-aw nan ngâi ding asi. Chu hâwi nan ti mi asi chun, nan tlûnah siatnâk ka hawng tlungtir awt a ti mi thu ah a thinlung a lêt lai.

HOSEA 6:6

Ran hen bâwlnâk silo hen nan dâwtnâk dawnglo ka duh, duahphung thil ap ngâk hen ka mi tla nih nan hawng ka theih ding kan duh na.

HOSEA 8:13

Ka sinah bâwlnâk an ap le, bâwlnâk sa chu anmah nih an ei. Sikhawmsele kei LALPA nih ka lawmh na lo, tu chun an sualnâk chu theih hen anmah ka rêp na lai le, Aigupta ram leiah ka kîrtir ving na awt!”

MATHAI 12:7

Sikhawmsele, ‘Bâwlnâk duh lo hen khuaruatnâk ka duh,’ ti hi a umzia theih rawh mi si ule chu, mi a mawh lo mi tla chu nan mawhtir lo ding mi.

MATHAI 23:23

“Nannih Dân sîntirtu leh Farisai perpê tla, nan tlûn a pit! Pudina tla, mohuri tla, zira tla chu parâ lû ah pakhat nan pêk tâwn le, Dân thu pawiherh dauh-- repnâk, khuaruatnâk leh zumhkâinâk tla chu nan dâithlanh tâwn. Chubang tla chu asi nan ti ding mi chu, a dang tla chu tlawlh lêm lo hen.

MATHAI 5:24

chu mâichâm kiangah chun na thilpêk chu mâk thlap le, va kal le, na unau remh tâ rih le, chu nûnah chun na thilpêk chu hawng ap rawh.

MATHAI 9:13

Chuvachun, ‘Bâwlnâk duh lo hen khuaruatnâk ka duh,’ ti hi a umzia va a sîn u; mirep tak tla lam ding hen hawng kal kasi lo le, misual tla lam ding hen hawng kasi dauh,” a ti.

MARK 12:33

amah chu thinlung zawzawng hen, theihthiamnâk zawzawng hen, chaknâk zawzawng hen, mah a dâwt hâwi hen zâwlbâwm tla dâwt hi pum duah thilpêk leh bâwlnâk zawzawng ngâk hen a ṭha dauh khun ti hi, na sim dik tak ko,” a ti.

1 SAMUEL 13:12

Churuangah Philistia mi tla nih Gilgal ah an hawng ka do awt rawh ti ka ruat le, churuangah LALPA sunhsaknâk chu ka ngâk kho lo rawh, churuang chun keimah nih bâwlnâk chu ap ding asi ko lai rawh ma hi,” ti hen ka ruat.

1 SAMUEL 13:13

Samuel nih a sâng le, “Chu hâwi thilti chu ât a kâi tuk,” a ti. LALPA nih thu a nan pêk mi hi na zûl lo ma hi. Zûl le chu Israel tla tlûnah na damsung zawng lâirêltu ah a nan umtir ding mi.