1 SAMUEL 15:11 - Bawm Common Language Bible Version

¹¹ “Saul lalchem ah ka siam mi chu thungâi ka sîr, kâng dang leiah âwn hen ka thupêk a ngâilo,” a ti. Samuel chu a thinthawk le, zân khuadei hen LALPA sinah a ngiar.

1 SAMUEL 15:11 ပူးပေါင်းရင်းမြစ်များ

GENESIS 6:6

tual tlûnah a siam hen a siah na mi thungâi pawi a ti. A thinlung thungâi a fâk le,

GENESIS 6:7

“Hi minung tla leh ramsa tla leh vâ tla ka siam na mi ka sîr tuktarâi, ka veih dep na lai,” a ti.

2 SAMUEL 24:16

LALPA vânmifial nih Jerusalem a râwk awt liauah leh a thah na liauah LALPA nih a thinlung a dangtir le, “Bâng rawh! Â tâwk rawh!” a ti. Vânmifial chu Jebus mi tla fâng chîlnâk mun Araunah mun ah a um.

1 Lal 11:9

Chu hâwi si menza khawmsele LALPA Israel Pathian chu Solomon sinah veinih â lângh le, ramdang pathian tla sawnh lo ding hen thu a pêk. Solomon nih LALPA thu chu ngâilo hen kâng dang leiah a hertâk rawh. Churawhchun, LALPA chu Solomon tlûnah a thin a run le, a sinah,

1 CHRONICLES 10:13

LALPA lakah zumhkâi tak hen a um lo ruangah Saul chu a thi rawh. LALPA thupêk a ngâilo le; LALPA in ah thu deih ngâk hen mithi thlarau kawh khotu thu a ngâi dauh ruangah.

1 CHRONICLES 21:15

Churawhchun, Jerusalem râwk ding hen vânmifial a fial le, sikhawmsele, a thinlung a lêt le, vânmifial sinah, “Bâng ko rawh, â tâwk rawh!” a ti. Vânmifial chu Jebus mi Araunah fâng khâwngnâk mun ah a dîr.

SAM 109:4

Ka dâwt hen an rangah ka deih piak khawmsele an ka do.

SAM 110:4

LALPA nih thu bir a tiamh mi chu a lêt lai lo: “Melkizedek chi leh kuang si hen bâwlpu na si kumza lai.”

SAM 119:136

Tî a luang mi hâwi hen ka mitthli a zut le, mi nih na dân an zûl duh lo ruangah.

SAM 125:5

Sikhawmsele, misual tla na rêp tikah chun Na lampi zawh lotu tla khawm rêp na. Israel tla sinah remnâk um seh!

SAM 36:3

A hawlh a ṭhalo hen âwkrâwl hen a khat; a fing mi leh a ṭha mi ti ding a duh lo.

SAM 78:41

Pathian chu an nik lemang le, Israel Pathian Thenhlimh chu a lung an fâktir.

SAM 78:57

Sikhawmsele an pa le tla hâwi hen an hel le, an diklo, thalzum ngâwi hâwi hen mang an tlâk lo.

EXODUS 32:11

Sikhawmsele, Mosi nih LALPA a Pathian chu a ngiar le, a sinah, “LALPA, zei rangah na thiltikhonâk rokual tak hen Aigupta ram ah mi ruang na suah na mi tlûnah ti ti na thin a run?

EXODUS 32:14

Churawhchun, LALPA nih a thinlung a lêt le, a mi le tla siat leh râwk ding a tum mi chu a lêt.

JEREMIA 11:10

Ka thusim êltu tla chu an thlâktu tla sual leikângah an kîr le, pathian dang tla an sawnh. Juda leh Israel an panih hen an thlâktu tla sinah thudântuk ka siam mi chu an buar.

JEREMIA 13:17

Nan ngâilo mi asi chun, nanna zûm mi ruangah a thuptê hen ka ṭap lai le; LALPA mi tla sal ah kalpi hep an si ruangah lungfâk tak hen ka ṭap lai le, ka mitthli a luang lai.

JEREMIA 34:16

Sikhawmsele nan thinlung nan lêt nawlh le, nan hawng ka zah lo thlo rawh. Nan ektê hen anmah duhzia hâwi hen nan suah na mi chu zângran ko hen sal ah nan lâk nawlh na.

JEREMIA 9:1

Ka lû hi tikhurchawh si sele, ka mit hi mitthli tinungva si sele ka duh, churawhchun ka mi le thah hen an um rawh ruangah a sûn a zân hen ka ṭap kho lai rawh.

JEREMIA 9:18

Mi tla nih “Kan mitthli tla ding leh kan mit vun tla chîn dep rê ṭap ding hen mithi vûinâk la hawng kan sak piak ding hen khulrang hen simh na u,” an ti.

EZEKIEL 18:24

“Sikhawmsele, mirep nih thil ṭha ti a bâng hen, thilsual ti a dawmh sele, misual nih an ti mi thil fihnungkâi ti sele, a nung lai ma? Nung lai lo! A thil ṭha ti tla zeikhawm theih piak asi lai lo. Zumh a kâilonâk leh a sualnâk ruangah a thi lai.

AMOS 7:3

LALPA nih a thinlung a lêt le, “Na muh mi chu a hawng tlung lai lo,” a ti.

JONA 3:10

Pathian nih an thilti dân leh thilsual ti duhnâk an lêt mi chu a muh na rawh. Churawhchun, a thinlung a lêt le, rêp ding a tum na mi chu a lêt rawh.

JONA 4:2

Churawhchun, thla a cham le, “LALPA, in thawk hen ka suak lânah chu hâwi hen na ti lai kan ti mi hâwi kha asi taktê lo ma? Hi ruangah asi Spain ram ah tek ding ka tum mi kha. Nang chu mi dâwttu leh khuaruattu Pathian na si ti ka theih, na dawnh kho kumza, vêl na nei kumza, rêplo hen thinlung lêt tum kumza mi na si ti ka theih.

ZEPHANIAH 1:6

Hawng ka kîrtâk hen hawng ka zûl lo rawhtu tla, ka sinah hawng lotu mawh anmah rui ding hen hawng ka ngiar lotu tla chu ka veih na lai,” a ti.

MATHAI 24:13

Sikhawmsele, a dawngh tiang hen tuar huamtu vial chu, chu tak chu ruangsuah hen a um lai.

MATHAI 5:44

Kei lam nih chun ka nan simh na, nan mêlma tla dâwt na ule, an nehsawh natu chu thlacham piak u,

LUK 6:12

Chun, chu ni tla ah chun thlacham ding hen tlâng leiah a kâi le, chun zân khuadei hen Pathian sinah thla a cham.

HEBRAI 10:38

Sikhawmsele, ka mirep chu lungnâk hen a nung lai, dunglei ah a kîr lam chun amah lakah lâwmnâk rêng ka nei lai loh,” a ti.

JOSUA 22:16

LALPA mi zawzawng ruangrûl ah an sinah thu an va sim. “Zei zia, Israel Pathian duh lo zia thilsual nan ti zia? Nanmah nih mâichâm nan siam mi hi LALPA lakah nan hel mi asi, amah chu nan zûl lo rawh ma hi!

1 SAMUEL 12:23

Kei lam nih chun nan rangah thlacham ka dâithlanh ruangah LALPA lakah ka mawh ding asi lo rerêng. Chu hâwi ding ngâk hen, nan rangah zei me a ṭha hen a dik mi zawng chu kan sîntir na awt.

1 SAMUEL 13:13

Samuel nih a sâng le, “Chu hâwi thilti chu ât a kâi tuk,” a ti. LALPA nih thu a nan pêk mi hi na zûl lo ma hi. Zûl le chu Israel tla tlûnah na damsung zawng lâirêltu ah a nan umtir ding mi.

1 SAMUEL 15:10

LALPA nih Samuel sinah,

1 SAMUEL 15:3

Kal le, Amalek mi tla chu do na le, an neih zawzawng râwk piak phin na. Zei thil khawm zuah lah le, mipa tla, nunau tla, ngâksia tla, fasêm tla, ranrual tla, sangâwngsâu tla, sanatung tla an ektê hen thah hep na,” a ti.

1 SAMUEL 15:35

Samuel damsung vial chu lalchem hen anna muh lo rawh. Samuel chu Saul ruangah thungâi a lawksawng. LALPA khawm nih Israel lakah lalchem a ruat mi thungâi pawi a ti.

1 SAMUEL 15:9

Sikhawmsele, Saul leh a mi tla nih Agag nungnâk chu an zuah le, dawrâ rual lakah a ṭha chem mi tla leh ranrual lakah a ṭha chem mi tla, chawlâ leh dawrâ fa tla, a ṭha ṭha mi tla, thil dang a ṭha ṭha mi tla an zuah, mang tlâklo leh dodar lo mi cho an râwk.

1 SAMUEL 16:1

LALPA nih Samuel sinah, “Saul ruangah zei tiang riamruam me na ngaih a sia awt? Israel lalchem asi mi chu ka nawng rawh. Sikhawmsele tuah oliv sariak lak le, Bethlehem khua ah minung pakhat Jese sinah va kal le, a fapa lakah mi pakhat chu lalchem ah ka ruat rawh,” a ti.

1 SAMUEL 8:6

Samuel nih lal an ngiar mi chu a duhzia asi lo le, churawhchun LALPA sinah thla a cham le,