1 SAMUEL 14:6 - Bawm Common Language Bible Version

⁶ Jonathan nih tlangvâl sinah, “Khinah varâl lei Philistia lunglo tla umnâk ah kan va kal lai. Pathian nih hawng kan ṭangpi lai ba a; hawng kan ṭangpi mi asi chun, nehnâk hawng kan pêk ding mi chu zeikhawm a kham kho lai loh, kan tawm ruangah zeikhawm pawinâk a um lo,” a ti.

1 SAMUEL 14:6 ပူးပေါင်းရင်းမြစ်များ

2 SAMUEL 1:20

Gath leh Askelon khua lei tlângah phuang lah u. Chu lo chun Philistia nunau lunglo mi tla anna lâwm sual lai.

2 SAMUEL 16:12

LALPA nih ka vânduainâk hi a theih hen hi hawlhsiat barh hi malsâwmnâk hen khawm a rulh kho asi,” a ti.

2 Lal 19:4

Asiria lal lianchem nih Pathian nung siarlo hen a rianṭuantu lakah mi hotu chem a hawng fial. LALPA na Pathian nih hi bang zauhnawmhtu chu theih sele, chubang hâwi thusim tla chu theih sele rêp na seh. Churuangah kan minung a thibang tla rangah thlacham rawh,” a ti.

2 CHRONICLES 14:10

Asa chu amah do ding hen a kal le, Maresah kiangah Zephathah Kuam ah an murui nih hen riakmun an khuar vevê.

2 CHRONICLES 14:11

Asa nih LALPA a Pathian sinah thla a cham, “LALPA, kawrsen chak lo tak chu thiltikho tak ding hen na ṭangpi kho. Nangmah rinhsanh hen na min hen kawrsen tam tak do ding hen hawng mi kan si ruangah tuah hawng kan ṭangpi rawh. LALPA nang chu kan Pathian na si, nang neh ding hen âukhawm anna ruat lai loh,” a ti.

SAM 135:6

Tual ah leh vân ah a duh mi zawng chu a ti, tipi ah leh a tawdeng khawm ah.

JEREMIA 9:23

LALPA nih, “Mifing khawm an finghnâk zumh lah seh, mi chak tla khawm nih an chaknâk zumh lah seh, minei khawm nih an neihnâk zumh lah seh.

JEREMIA 9:25

LALPA nih, “Aigupta, Juda, Edom, Amon, Moab leh ramkaro ah um mi an sam tâwi hen tantu tla, ka rêp na ding tik chu a hawng tlung awt rawh. Hi minung tla hi fêmtan chu an si le, sikhawmsele a zauhtirnâk thudântuk chu an zûl lo. Hi bang minung tla leh Israel mi tla pakhat khawm nih ka thudântuk an zûl lo,” a ti.

AMOS 5:15

Sual chu hua le, thil dik chu duh le, lâirêlnâk ah chun diknâk hi dingchangnâk asi ti theih rawh. Hi phun thibang um rih mi tla sinah hin LALPA nih khua a ruat lai dahmawh.

ZEPHANIAH 2:3

Nannih LALPA thupêk ngâi hen nâu tak hen ram lakah um mi zawzawng tla, LALPA leiah a hawi u. LALPA lakah nâu tak hen um ule, thil dik ti u. LALPA nih a thinrunhnâk a hawng langh ni ah rêp nan âwl kekkawk lai mawh.

ZEKARIA 4:6

Chu vânmifial nih chun Zerubabel sinah Lalpa thu va sim ding hen hawng ka simh: “Kawrsen chaknâk leh nangmah chaknâk chu silo hen, keimah thlarau chaknâk hen asi dauh lai.

NUMBER 10:32

Kan sinah na hawng bâk asi chun, LALPA nih mal hawng kan sâwm mi zawzawng kan ṭhenh bâk lai,” a ti.

NUMBER 31:4

Israel phun kip thawk hen sâng khat vima hen râltuk ding hen fial na u,” a ti.

MATHAI 19:26

Chun, Jisu nih annih chu a zauh le, an sinah, “Chu chu minung rangah ti kho asi lo le, Pathian rangah lam chun zeizawng ti kho asi,” a ti.

ROM 8:31

Chubang thu lakah chun zei me kan sim lai ne? Pathian kan leiah â ṭang chun âunih me hawng kan do kho lai?

DEUTERONOMY 32:30

Zei ruangah minung pakhat nih minung sâng khat a neh na hen, Minung panih nih sâng râ an neh na zia? LALPA an Pathian nih a kaltâk na le; an Pathian chak nih anmah rangah a pêk na ruangah asi.

PHILIPI 3:3

Kannih Pathian Thlarau zârah Pathian sawnh leh Krist Jisu putso leh taksa tlûnah rinhsannâk ngauh lotu tla hi fêmtan tla kan si dauh asi.

JOSUA 14:12

Asi chun, tuah ka mi le tla hen ram thlingthlâk thu kan sim liauah LALPA nih thu hawng ka pêk mi hâwi hen tlâng ram chu hawng ka pêk. Anakim murui, milian umnâk khuapi lian kulh pang mi ka nan simh mi kha. LALPA chu ka sinah a um lai ti ka ruat, LALPA nih a sim mi hâwi hen ka nar phin na lai,” a ti.

LÂIRÊL 15:18

Churawhchun, Samson chu thungâi a tî a hâl le, churuang chun LALPA a auh le, a sinah, “Hi nehnâk rokual tak na ka pêk le; tuah tîhâl hen ka thi awt rawh, hi Philistia lunglo mi tla neh hen ma ka um awt?” a ti.

1 SAMUEL 14:5

Pakhat chu liamnâk marlei kângah Mikmas lei hawi hen a um, a dang pakhat chu simlei kângah Geba lei ah hawi hen a um.

1 SAMUEL 14:7

Tlangvâl nih a sâng le, “Zei thilti ding tal na duh mi asi chun, na sinah ka um ko ma hi a,” a ti.

1 SAMUEL 17:26

David nih a kiangah mi tla sinah, “Hi bang hâwi Israel ningzak saihtu Philistia mi thahtu nih zei a tawng awt? Chu lo khawm ah hi Pathian nung kawrsen tla zuamtu Philistia minung lunglotu hi âu mesi?” ti hen a deih na.

1 SAMUEL 17:36

Chakeibaknei khawm vawm khawm ka thah, chu hâwitê hen hi Philistia lunglo mi lak khawm ka ti awt. Pathian nung kawrsen tla zuamtu hi.

1 SAMUEL 17:46

Tusûn ni ah LALPA nih ka kut ah an pêk le, ka nan neh lai le, na ngâwng ka tan lai. Philistia kawrsen sa chu vâ leh ramsa ei ding ah ka pêk lai. Laikulh pumpi nih Israel tla nih Pathian an nei ti an theih lai le,

1 SAMUEL 17:47

hinah mi mikip nih a mi Israel tla hum ding hen LALPA nih nâmsâu leh fei mang ding a herh lo ti an theih lai. Amah chu râltuknâk ah nehtu asi, kanmah neh ding hen an siam hep na lai,” a ti.

1 SAMUEL 31:4

A râlthuam puttu tlangvâl sinah, “Na nâmsâu phâwi le, hawng ka thah ko, Philistia pathian neilotu tla nih an ka thah hen anna khâwng lonâk ding hen,” a ti. Sikhawmsele tlangvâlpa nih ti ding a ṭih thlo. Churawhchun, Saul nih a nâmsâu a lâk le, amah â sunh thlap.