1 SAMUEL 14:52 - Bawm Common Language Bible Version

⁵² Saul nih a damsung zawzawng ah Philistia tla chu râlṭha tak hen a do na. Churawhchun, a kalnâk ah mi chak leh râlṭha a muh na mi zawng chu a kawrsen rangah a lâk hep na.

1 SAMUEL 14:52 ပူးပေါင်းရင်းမြစ်များ

1 SAMUEL 13:5

Philistia tla chu Israel tla do ding hen anna pûm le; râltuknâk kari sîng thum an nei, rang tlûn to mi sâng ruk an nei, kawrsen dang tla khawm chu tipi kapah sep zat hen an tam. Mikmas ah an va kal le, Bethavan saklei asi, chunah chun mun an khuar.

1 SAMUEL 14:47

Saul chu Israel lalchem a hawng si rawh chun, mun kip ah mi a mêlma tla hen anna do le; Moab mi tla, Amon mi tla leh Edom mi tla, Zobah lalchem tla leh Philistia lalchem tla hen anna tuknâk kip ah nehtu asi vima.

1 SAMUEL 8:1

Samuel chu a tar rawh chun a fapa tla chu Israel tla tlûnah lâirêltu ah a siam na.

1 SAMUEL 8:11

“Hi hi nan lal nih a nan ti na ding dân chu asi,” ti hen a simhfiang na. “Nan fapa tla chu kawrsen ah a siam na lai le, a zeimaw mi chu a râltuknâk kari khalhtu ah a siam na lai le, a zeimaw mi chu a rang tlûnah chuantu ah, a dang tla chu a kari mâilei ah tek ding hen.