1 SAMUEL 14:50 - Bawm Common Language Bible Version

⁵⁰ A nupi chu Ahinoam asi, Ahimaz fanu asi; a kawrsen hotu chem chu amah taksa tlâi Abner, a patê Ner fapa asi.

1 SAMUEL 14:50 ပူးပေါင်းရင်းမြစ်များ

2 SAMUEL 2:8

Saul kawrsen hotu Ner fapa Abner chu Saul fapa Isboseth hen an tek le, Jordan Va an kanh le, Mahanaim ah an kal.

2 SAMUEL 3:27

Abner chu Hebron ah a va tleng rawh chun Joab nih kulh kawtkâ ah a kalpi le, amah chu mi kingnâk ah thu thup ruah ding hâwi hen a kalpi le, a paw lakah thi thlo hen a sunh. Abner chu Joab unaupa Asahel rangah a thah ruangah amah khawm thah hen a um rawh.

2 SAMUEL 3:38

Lalchem nih a mi le sinah, “Tusûn ni ah hin Israel lakah ruitu rokual tak thih ni asi nan theih lo ma?

2 SAMUEL 3:6

Saul murui leh David murui chu anna do vima le, Saul leikângah mi Abner chu a chak dadauh.

1 CHRONICLES 26:28

Selomith leh a dâwngsung tla chu Biakin ah mang ding hen thil pêk mi leh khuavâng Samuel nih thilpêk a hawng put mi tla, lalchem Saul nih a put mi tla, Ner fapa Abner nih a hawng put mi tla, Zeruiah fapa Joab nih a hawng put mi lakah hotu an si.

1 SAMUEL 10:14

Saul patê nih amah leh a to-aw chu a muh le, “Zeiah nan um ving?” ti hen a deih na. Saul nih, “Sanatung kan hâwl mi ta a,” ti hen a sâng. “Kan tawng kho lo rawh le, Samuel sinah kan va kal,” ti hen Saul nih a sâng.

1 SAMUEL 17:55

Saul nih Goliath do ding hen David a kal mi a muh le, a kawrsen hotu Abner rangah thu a deih le, “Abner, âu fapa mesi?” a ti. Abner nih a sâng le, “Bâwipa, ka theih loh asi,” a ti.

1 SAMUEL 26:5

David chu Saul leh Ner fapa Abner, a kawrsen hotu riaknâk mun takah a va kal. Saul chu riakmun lâi chirah a it le, a minung tla nih an kulh dak.