1 SAMUEL 14:13 - Bawm Common Language Bible Version

¹³ Jonathan chu liamnâk mun thawk hen a khûp leh a kut hen a kâi le, tlangvâl khawm nih a zûl bâk. Jonathan nih Philistia mi tla chu tlu ving hen a chumh na le, tlangvâl khawm nih a thah na bâk.

1 SAMUEL 14:13 ပူးပေါင်းရင်းမြစ်များ

SAM 18:29

Ka mêlma tla do ding hen chaknâk na ka pêk le, anna vêngnâk neh ding hen thiltikhonâk na ka pêk.

ROM 8:31

Chubang thu lakah chun zei me kan sim lai ne? Pathian kan leiah â ṭang chun âunih me hawng kan do kho lai?

DEUTERONOMY 28:7

“Nan mêlma tla nih an do na tikah LALPA nih an neh piak na lai. Kâng khat lei hen an do na chun, a dang chereh hen an tek lai.

DEUTERONOMY 32:30

Zei ruangah minung pakhat nih minung sâng khat a neh na hen, Minung panih nih sâng râ an neh na zia? LALPA an Pathian nih a kaltâk na le; an Pathian chak nih anmah rangah a pêk na ruangah asi.

HEBRAI 11:34

Mei ṭihnungkâi mih khonâk an nei le, nâmsâu thah ding mi lakah an âwl, chaklonâk lakah mi chaktir hen an um, tuknâk lakah chun rât tak hen an um, ramdang mi kawrsen tla an neh na.

JOSUA 23:10

Nan lakah pakhat khawm nih chun minung sâng khat tektirtu nan um lo ruangah thu a tiamh mi hâwitê hen LALPA nan Pathian nih an do piak na asi.

LÂIRÊL 9:54

Mawhsareh hen a râlthuam puttu tlangvâl chu a auh le, “Na nâmsâu kha phâwi le, hawng ka thah. Nunau nih thah mi siding ka duh lo,” a ti. Churawhchun, tlangvâl nih a sunh le, a thi rawh.

1 SAMUEL 14:12

Churawhchun, Jonathan leh tlangvâl chu an kawh na le, “Hinah hawng kâi u! Thu zeimawh an simh na ding kan nei,” an ti. Jonathan nih tlangvâl sinah, “Hawng ka zûl, LALPA nih anmah nehnâk Israel rangah a pêk rawh,” a ti.

1 SAMUEL 14:14

Tan khat lakah Jonathan leh tlangvâl nih minung kul ding chu, chu Ekawr chanve mun ah chun an thah na.