1 SAMUEL 13:6 - Bawm Common Language Bible Version

⁶ Churawhchun, Israel tla hen donâk fâk tak an nei le, lungdawng kâi tak hen an siah na. Israel tla chu khur leh pûk ah anna thup, a zeimaw mi chu lungpi leh khursaduap leh tikhurchawh lakah anna thup,

1 SAMUEL 13:6 ပူးပေါင်းရင်းမြစ်များ

2 SAMUEL 24:14

David nih, “Dîrmun ṭhalo tak ah ka um rawh asi! Sikhawmsele minung rêp chu ka duh lo. Hawng ka rêp ding hen amah LALPA si dauh seh, anih chu khuaruat khotu asi ruangah,” a ti.

ISAI 42:22

Sikhawmsele tuah a mi le tla chu râwk hep hen an um le, khur sungah an renh pang na le, rêngin ah an thuh na ving; râwk leh rûn hen an um le, anmah ruangsuah ding hen pakhat khawm an hawng lo.

JEREMIA 41:9

Ismael nih mi a thah na mi ruak a lawnhnâk tikhurchawh chu lalchem Asa nih Israel lalchem Baasa nih a do liauah a tikhurchawh lian tak pakhat asi. Ismael nih chu tikhurchawh chu ruak hen a khattir.

EZEKIEL 33:27

“Kei, LALPA Zahkâi Pathian nung kasi sung chu khuapi a râwk mi lakah um mi vial chu thah hen an um lai ti hen ka simhkan na mi thu chu simh na. Ram lakah um mi tla chu ramsa tla nih an ei na lai.

PHILIPI 1:23

A lâi laklawh ah hin a ngaihnâk theihlo hen ka um ko asi, suak hen Krist sinah um duhnâk ka nei ruangah, chu chu thungâi a ṭha dauh asi.

HEBRAI 11:38

chubang tla rangah chun laikulh hi umnâk tlâk asi loh! Ramkaro leh tlâng tla ah tek le zâm mi hâwi hen anna sawk le, pûk tla, khur tla ah an um.

JOSUA 8:20

Ai khua mi tla nih an dunglei an hawng zauh le, meikhû vân leiah a dîr mi an muh rawh. Annih rangah suaknâk lampi rerêng an nei lo rawh, Israel tla mâng leiah tek mi tla chu anmah do ding hen an hawng a her nawlh.

LÂIRÊL 10:9

Amon tla nih Jordan Va kanh hen Juda, Benjamin leh Efraim phun tla chu an do na. Israel tla chu hamh tak hen an um rawh.

LÂIRÊL 20:41

Churawhchun, Israel tla chu an hawng a her le, Benjamin mi tla nih an ṭih rawh, zei ti khawm hen kan vei chiammâm rawh ti an theih ruangah.

LÂIRÊL 6:2

Midian mi tla chu Israel mi tla ngâk hen an chak dauh le, Israel mi tla chu pûk leh tlângah mun himnâk ah anna thup.

1 SAMUEL 13:15

Samuel nih Gilgal chu a kaltâk le, a kalnâk ding leikângah a kal rawh. Midang zawzawng tla nih a kawrsen bawp ding hen an zûl Gilgal thawk hen Benjamin ram ah mi Gibeah ah an kal. Saul nih a kawrsen tla a rêl na le, zaruk ding an si.

1 SAMUEL 14:11

Churawhchun, Philistia mi tla anna muhtir le, Philistia mi tla nih, “Zauhnik u! Hebrai tla anna thupnâk pûk thawk hen an hawng suak le, an hawng khi!” an ti.

1 SAMUEL 14:22

A dang tla, Efraim tlâng ram ah anna thup mi tla nih chun Philistia tla an tek phin ti an theih le, Philistia an do mi chu an va bawp na bâk.

1 SAMUEL 23:19

Mi zeimaw mi Ziph thawk hen Saul Gibeah ah a um mi sinah an va kal le, a sinah “David chu Juda ram simlei kângah mi mun pakhat Hakilah tlângah kan ram ah Hores khua ah â thup ko.

1 SAMUEL 24:3

Lampi kiangah chun dawrâ pûk a um le, amah cho a fimlâwm ding hen â thlei le, a sungah a va lût. Chu pûk lak tak ah chun David leh a mi le chu a dunglei ah anna thup le, an um ko.

1 SAMUEL 31:7

Israel mi Jezreel tivakuam varâl leiah um mi tla leh Jordan saklei ah um mi tla nih, Israel kawrsen tla an tek mi thu tla, Saul leh a fapa tla an thi mi thu tla an theih rawh chun an khua tla an mâk le, an tek phin. Churawhchun, Philistia tla nih an khua chu an luah rawh.

1 SAMUEL 7:7

Philistia tla nih Israel tla Mizpah ah anna pûm ti an theih rawh chun anmah va do ding hen Philistia lal panga anna thawh rawh. Israel tla nih chu thu chu an theih rawh chun thungâi an ningṭih le,