1 SAMUEL 13:5 - Bawm Common Language Bible Version

⁵ Philistia tla chu Israel tla do ding hen anna pûm le; râltuknâk kari sîng thum an nei, rang tlûn to mi sâng ruk an nei, kawrsen dang tla khawm chu tipi kapah sep zat hen an tam. Mikmas ah an va kal le, Bethavan saklei asi, chunah chun mun an khuar.

1 SAMUEL 13:5 ပူးပေါင်းရင်းမြစ်များ

GENESIS 22:17

na thlâk tla chu vân ah ârfi zat leh tipi kapah sep zat hen kan pêk lai. Na thlâk tla nih an mêlma tla an neh lai.

2 SAMUEL 17:11

Kei krai chu hi hâwi asi, khatlei ram dawng thawk hen khatlei mi, tiva kap ah sep zat hen hawng a pûm na sele, nangmah nih tuknâk ah na ruai na lai.

1 Lal 20:27

Israel tla chu anna kawh le, anna timhtuah rawh; an suak le, Siria tla lei hawi hen murui nih ah anna suah le, an hual na rawh. Siria tla ram lakah anna dar mi ruat chun Israel tla chu kêl rual nih tâwmtê hâwi cho an si.

2 CHRONICLES 1:9

LALPA, Pathian, ka pa sinah thu na tiamh mi chu hawng puitlingtir rawh. Rêl châwklo rê, zapi lakah lal ah na ka siam.

ISAI 10:28

Mêlma kawrsen tla nih Ai khuapi chu an lâk rawh! Migron an pal! An eibâr chu Mikmas ah an mâk!

ISAI 48:19

Nan thlâk tla chu sep zat hen an tam lai le, vei lo rawh ding mi an si ti ka theihtir na lai,” a ti.

JEREMIA 15:8

Tipi kapah mi risep ngâk hen nan ram ah mi numei tla an tam dauh rawh. Nan tlangvâl tla chu an ṭhat liauah ka thah na le, an nu tla ka tuartir na. Lungdawnghnâk leh ningṭihnâk hen ka vuak chawlh na.

HOSEA 10:5

Samaria khuapi ah um mi tla chu an lâu lai le, Bethel ah an ngûn chawchal lem an thlâu mi ruangah lungfâknâk an nei lai. Anmah leh milem sawnhtu bâwlpu tla nih an ṭappi lai. An ngûn milem rokual chu a vei tikah thungâi an lungfâkpi lai.

HOSEA 4:15

“Nang, Israel chu ka lakah zumhkâilo hen um menza khawmsele, chu thil lakah Juda tla chu sual rîlmâl lah seh. Gilgal mawh Bethel ah mawh Pathian sawnh hen chunahchun LALPA a nung mi min hen thu tiamh lah u.

HOSEA 5:8

Gebeah ah râltuknâk tâwtawrâwt tum u! Ramah ah râltuknâk hâu suah u! Bethel ah râltuknâk phuang u! Râltuk u!

ROM 9:27

Isai khawm nih Israel tla thu a phuang le, “Israel tla chu tisumsumriat ah sep zat hen tam khawmsele, a rêp bang cho chu ruangsuah hen an um lai.

JOSUA 11:4

An kawrsen tla leh an minung tla tipi kap ah risep zat hen an hawng kal. Rang leh kari tla cherkhet an nei.

JOSUA 18:12

Marlei kângah ramri chu Jordan Va thawk hen Jeriko Suk marlei kâng asi le, thlanglei kângah tlâng ram pal hen Bethaven ramkaro tiang asi.

JOSUA 7:2

Josua nih mi zeimaw zat ding chu Jeriko khua thawk hen Ai khua ah a fial na le, Ai khua chu Bethel saklei ah Bethaven kiangah mi asi. Chu lei ram ah chun thlingthlâk ding hen a fial na mi asi.

LÂIRÊL 7:12

Midian tla, Amalek tla leh ramkaro ah phun um mi tla chu tivakuam ah chun khâubawk rualpi hâwi hen anna dâp zat le, an sangâwngsâu tam zia chu tipi kap ah sep hâwi hen an tam.

1 SAMUEL 13:11

Sikhawmsele, Samuel nih, “Zei thil me na ti?” a ti. Saul nih a sâng le, “Mi nih an ka kaltâk awt ver le, nang tâ nih ka hawng lai na ti mi hâwi hen na hawng fâwn lo, chu lo khawm ah Philistia mi tla chu Mikmas ah anna pûm rawh.

1 SAMUEL 14:23

Bethaven lanh tiang lampi tluan hen anna do le, chu ni ah chun LALPA nih Israel tla a hum na.

1 SAMUEL 14:52

Saul nih a damsung zawzawng ah Philistia tla chu râlṭha tak hen a do na. Churawhchun, a kalnâk ah mi chak leh râlṭha a muh na mi zawng chu a kawrsen rangah a lâk hep na.

1 SAMUEL 17:1

Philistia mi tla chu râl do ding hen Judai ram ah mi Sokoh an ti mi khua ah anna pûm; Sokoh leh Azekah karah mi Ephes Damim ah riakmun an khuar.

1 SAMUEL 7:13

Churawhchun, Philistia tla chu an neh na rawh le, chu ri rawh chun Samuel dam kar vial chu LALPA nih Israel ram tla chu a vêng thlir.