1 SAMUEL 13:3 - Bawm Common Language Bible Version

³ Jonathan nih Philistia ruitu Geba ah a thah le, chu chu Philistia tla nih an theih rawh. Churawhchun, Saul nih Hebrai tla chu tâwtawrâwt tum hen râltuknâk ah kawh na ding hen mi a fial na.

1 SAMUEL 13:3 ပူးပေါင်းရင်းမြစ်များ

2 SAMUEL 2:28

Churawhchun, Joab nih Israel tla ṭhâwl lo rawh ding ti theihnâk ding ah tâwtâwrâwt a tum rawh, churawhchun tuknâk chu an bâng rawh.

2 SAMUEL 20:1

Gilgal ah mi dukdaklo a min Sheba, Bikri fapa, Benjamin phun lakah mi a um. Chu nih tâwtâwrâwt a tum le, “David rangah nawmh hen! David rangah zûl ding asi lo, ‘Israel mi tla, mah in lei chiauah kal hep ding’ ” ti hen.

2 SAMUEL 23:14

Chu liau chun David chu tlângah kulh ah a um le, Philistia murui nih Bethlehem an luah.

ISAI 10:29

Liamnâk lampi ah an liam le, Geba ah an riak! Ramah khuapi mi tla chu an lâu le, lalchem Saul khuapi Gibeah mi tla chu an tek ver.

ZEKARIA 14:10

Marlei mi Geba thawk hen simlei mi Rimon tiang hen chu ram bial zawzawng chu râwn dep hen siam asi lai. Jerusalem chu a kiangkam ah mi ram zawzawng tlûnlei sâng takah a um lai. Chu khuapi nih chun Benjamin kulh kawtkâ thawk hen a lânah mi kulh kawtkâ umnâk leh Hananel in sâng thawk hen lal uain sûrnâk ram ah kulh ki ram mi kawtkâ tiang a luah lai.

JOSUA 18:24

Kepharamoni, Opni leh Geba: Khuapi leinih asi, a kiangkam mi tla khawm.

JOSUA 21:17

Benjamin ram thawk hen khuapi pali Gibeon, Geba,

LÂIRÊL 3:27

Efraim tlâng ram a tleng rawh chun Israel mi tla chu tuknâk ah kal ding hen tâwtawrâwt tum hen a kawh na le, tlâng thawk hen a ṭumpi na rawh.

LÂIRÊL 6:34

LALPA thlarau nih Gideon chu a mang le, amah zûltu ding hen Abiezer phun tla chu tâwtawrâwt tum hen a kawh na.

1 SAMUEL 10:5

Churawhchun, Gibeah mi Pathian Tlângah na va kal lai le, chunah chun Philistia tla riakmun a um. Khuapi kiangah khuavâng murui tlângah mi mâichâm thawk hen an hawng tum mi hen nanna tawng lai. Ṭingṭang rî tam tak mi, khuang, theikhang, ṭingṭangtê tum bû hen an hawng ṭum lai. An lâm hen an âu lai.

1 SAMUEL 13:16

Saul, a fapa Jonathan leh an minung tla chu Benjamin ram ah Geba ah mun an khuar, Philistia mi tla chu Mikmas ah mun an khuar.