1 SAMUEL 12:3 - Bawm Common Language Bible Version

³ Hi mun ah ka um hi. Nan lakah ka palhnâk thil a um chun, LALPA leh a thîm mi lalchem mâika ah tuah hawng ka phiar u. Mi chawpe ma ka fîr? Asi lo leh, mi sanatung ma ka fîr? Mi âutal ka perpet hen ka nehsawh ma? Midang thawk hen nawhnâk tla ka lâk tâwn ma? Hi ka ti mi asi chun ka rulh lai,” a ti.

1 SAMUEL 12:3 ပူးပေါင်းရင်းမြစ်များ

2 SAMUEL 22:22

LALPA dân ka zâwt le, Ka Pathian chu ka hawitâk lo.

NEHEMIAH 5:11

Tangka leh fâng mawh, oliv sariak tla samlo ding hen anna bat mi zawzawng râwk ver u. An phâisen tla, grep dûm tla, oliv keuh tla leh in tla tuah pêk hen khirh sawm na u!” ka ti na.

SAM 15:5

A pung umlo hen pûk a pêk, a mawh lo mi mawhtir ding hen nawhnâk a lâk kho lo. Hi hâwi thil titu chu a him kumza lai.

EXODUS 20:17

“Midang in sungah mi, a nupi mawh, a sal tla mawh, a ranrual leh a sanatung leh a neih rerêng zeikhawm ngarh lah,” a ti.

EXODUS 23:8

Nawhnâk duh lah, mi tla chu nawhnâk nih an mit a châwtir na le, diknâk an ruat kho lo, chu nawhnâk nih chun mawh lo hâwi hen a siam na ruangah.

THUFING LASUIBU 15:27

Diklo tak hen lêp ding na tum chun na dâwngsungkhur ah nawknâk na siam mi asi lai. Nawhnâk ei lah le, na dam sâwt lai.

LEVITICUS 6:4

Mi âuzawng nih hi bang hâwi hen a sual chun, zumh a kai lo mi ruangah a neih zei tal hen a rulh ding asi. A sualnâk theih asi ni ah tling khap hen a dâwngpu sinah a rulh ding asi, chu nûnah a lei zâ lû ah kul a dân hâwi hen a pêk ding asi.

NUMBER 16:15

Mosi chu a rothawk le, LALPA sinah, “Hi minung tla thil ap hi pawm lah rawh. An lakah zeikhawm ka sual mi a um lo; an sanatung pakhat tê khawm ka lâk lo,” a ti.

MATHAI 22:21

Annih nih chun a sinah, “Lalchem,” an ti. Chun, anih nih an sinah, “Chu hâwi asi chun, Kaisar thil tla chu Kaisar sinah pêk ule, Pathian thil tla chu Pathian sinah pêk ko u me” a ti.

LUK 19:8

Chun, Zakai chu a dîr le, Lalpa sinah chun, “Ngâinik, Lalpa, ka neih khingkhuai mipâm tla sinah ka pêk lai le, chun âu lakah tal zei thil tal lêp khawmsele aleh li hen ka rulh nawlh lai,” a ti.

THILTI 20:33

Âu tangka khawm, ngûn tla, nipuan tla ka ngarh dahlo kha.

2 KORIN 12:14

Hi hi tuah nan sinah hawng kal ding hen ka timhtuahnâk a veithumnâk ding asi; chun ka nan hamhtir na lai loh, nan tâ chu hâwl kasi lo le, nanmah asi kan hâwl dauh na mi chu: fa le nih nu leh pa rangah an khawng piak ding asi lo le, nu leh pa nih fa tla rangah an khawng piak dauh ding asi.

DEUTERONOMY 16:19

An lâirêlnâk lakah khat leikâng ṭângṭawmnâk nei hen diklo tak hen lâi an rêl ding asi lo; nawhnâk khawm an ei ding asi lo, thilpêk nih mifing leh mi zumhkâi mit a châwttir le, diklo tak hen thu thlûknâk a siam tâwn.

1 THESALONIKA 2:10

Nannih lungtu tla tlûnah thenhlimh tak leh rep tak leh simsâwi kawplo tak a kan um zia kha hawng kan theihpitu tla nan si, Pathian hen.

1 THESALONIKA 2:5

Zeiliau khawm ah sawr telê nâk mawh, hamkah phenhnâk mawh kan mang mi an theih dah loh ti nan theih kha,

1 PETER 5:2

Nan lakah Pathian murui um mi tla chu, ti ding asi ruangah silo hen, Pathian thu hâwi a thinlung thawk bû hen, lawh duh ruang cho silo hen, thinlung ah duh tak bû hen zauhkhenh u.

1 SAMUEL 10:1

Samuel nih oliv sariak dûr a lâk le, Saul lû lakah a tawih le, a châwchawk le, “LALPA nih Israel mi tla lâirêltu ah sariak a nan thuh. A mi tla lakah lâi na rêl lai le, an mêlma tla lakah na hum na ding asi. Hi nih hin a mi le tla lâirêltu ding ah LALPA nih a nan thîm mi na si ti a theihtir:

1 SAMUEL 12:4

Mi zapi nih an sâng le, “Na ti dah loh, na kan perpet lo, na kan nehsawh lo, âu sin khawm ah zeikhawm na lâk lo,” an ti.

1 SAMUEL 12:5

Samuel nih a sâng le, “Zeikhawm ka palh-le-rahnâk nan tawng lo mi lakah hin tusûn ah LALPA leh a lal thîm hi theihpitu si seh,” a ti. Annih nih, “Asi, LALPA chu hawng kan theihpitu asi,” ti hen an sâng.

1 SAMUEL 2:35

Bâwlpu ka lakah zumhkâi mi leh ka duhzia hen thil titu ka thîm awt, thlâk tla ka pêk lai le, chu tla nih ka thîm mi lalchem mâika ah rian an ṭuan kumza lai.

1 SAMUEL 24:11

Pa, zauhnik, na kawrfual tliar ka put mi hi! Ka nan thah kho asi, sikhawmsele ka nan thah ding mi ruangrûl ah hi na kawrdawh ka ât asi. Hi nih hin ka nan râl lo zia leh nganfâk pêk ding ka nan duh lo zia a langhtir asi. Nang lam nih chun zeikhawm ka sual lo mi lakah thah ding karo na hawng ka awt.

1 SAMUEL 24:6

A mi le tla sinah, “LALPA nih ka hotupa lalchem ah a siam mi chu nganfâk ka pêk lonâk ding hen hawng ka hum seh! LALPA nih lalchem rangah a ruat mi asi ruangah tâwmtê khawm nganfâk ka pêk ding asi lo!” a ti.

1 SAMUEL 24:7

Churawhchun, David nih a mi tla chu Saul rangah do lo ding hen a theihtir na. Saul chu pûk ah mi chu a kalnâk ding ah a thawk rawh.

1 SAMUEL 26:11

LALPA nih a lalchem thîm nganfâk pêk lo ding hen hawng ka khap asi. A tî dûr leh a fei kha kan lâk lai le, kan kal ko lai,” a ti.

1 SAMUEL 26:9

Sikhawmsele, David nih, “Nganfâk pêk rîlmâl lah! A lalchem thîm nganfâk pêktu chu Pathian nih a rêp ngelchel bâk lai,” a ti.