1 SAMUEL 12:23 - Bawm Common Language Bible Version

²³ Kei lam nih chun nan rangah thlacham ka dâithlanh ruangah LALPA lakah ka mawh ding asi lo rerêng. Chu hâwi ding ngâk hen, nan rangah zei me a ṭha hen a dik mi zawng chu kan sîntir na awt.

1 SAMUEL 12:23 ပူးပေါင်းရင်းမြစ်များ

1 Lal 8:36

Lalchem leh Israel mi tla sualnâk tla chu ngaihdam na, thil dik ti ding hen sîntir na. Churawhchun, LALPA, hi ram, na mi tla tâ si kumza ding hen na pêk mi ah hin ruah sûrtir rawh.

2 CHRONICLES 6:27

LALPA na to-aw Israel tla chu vân thawk hen ngâi le, an sual tla ngaihdam na le, thil dik ti ding hen sîntir na. Churawhchun, LALPA, na mi le tla rangah ting kumza ding hen na pêk na mi na ram ah hin ruah hawng sûrtir.

SAM 122:6

Jerusalem rangah remnâk um ding hen thlacham le: “Nangmah duhtu tla chu an sul-le-lam tluang kho ding hen.

SAM 34:11

Ka hâwi rualnâu tla, hawng ule, ka thu ngâi u, LALPA ṭih ding dân kan sîntir na lai.

SAM 34:12

Nun nuam tak hen um ding na duh ma? San sâu leh lâwmnâk na duh ma?

EXODUS 32:30

A thâituan chun Mosi nih mi zapi tla sinah, “Sual ṭihnungkâi tak nan ti rawh. Sikhawmsele, tlângah LALPA sinah tuah ka va kâi nawlh lai; nan sual mi ruangah ngaihdâmnâk ka tawng lai mawh,” a ti.

THUFING LASUIBU 4:11

Finghnâk leh nungnâk lam dik ka nan sîntir asi.

THUSIMTU 12:10

Mifing nih thlangamnâk thu tawng ding a tum le, sikhawmsele thu a rîn mi tla chu zumh a kâi asi.

ISAI 30:21

Vawrhlei ah mawh kehlei ah mawh vâi khawm ule, nan dunglei ah hi hâwi thu a sim mi nan theih lai, “Hinah lampi a um hi! Hinah kal u,” ti hen.

JEREMIA 15:1

Churawhchun, LALPA nih ka sinah, “Mosi leh Samuel men hinah dîr hen hawng ka ngiar na khawmsele, hi minung tla lakah khua ka ruat kho awtlo. Kaltir ving na le; ka mitmuh ah mi suah ving na.

JEREMIA 27:18

Khuavâng tak an si hen ka thuchah simtu an si chun, Biakin ah mi leh lal in ah mi thil-le-rî Babulon ah kalpi lo ding hen Kei, LALPA, Zeizawng tikho sinah hawng ka deih na seh me,” a ti.

JEREMIA 42:4

Kei nih ka sâng le, “A ṭha asi, chu hâwi asi chun, nan ka deih mi hâwi hen LALPA, kan Pathian chu ka ngiar lai le, a sim mi zawng chu kan simh na lai. Nan lakah zeikhawm ka pheh lai lo,” a ti.

JEREMIA 6:16

LALPA nih a mi tla sinah, “Lamṭhuam ah dîr ule, zauh u. A lânah mi lampi tla leh lampi ṭha chem umnâk chu deih u. Chu lakah kal ule, thlangam tak hen nan um lai,” a ti. Sikhawmsele annih nih, “Ihih, kan kal awtlo!” an ti.

THILTI 12:5

Churuangah Peter chu rêngin ah chun a umtir rih; sikhawmsele, kawhmi tla nih amah rangah ṭhanemngâi tak hen Pathian sinah thla an cham piak tâwn.

THILTI 20:20

Kha hâwi hen khan a ṭhatvaknâk thu nan sinah zeikhawm sim ka sûm lo le, mi zatlâng lakah leh in kip ah ka nan sîntir na tâwn kha.

ROM 1:9

Ka thlachamnâk lakah chun bâng lo hen nan min ka lam tâwn le, tutan hin nan sinah ka hawng kalnâk ding hen Pathian thu thu hen tlâwngnâk tik ka tawng rarâm khonâk ding hen ka deih tâwn ti a Fapa Thâwngthâng Ṭha ah ka thlarau ah a rian ka ṭuan tâwn mi Pathian chu a theihtu asi.

1 KORIN 9:16

Thâwngthâng Ṭha sim khawmsele putso ding rerêng ka nei lo, ti ngelchel ding hen ka tlûnah â thâng asi. Thâwngthâng Ṭha sim lah sele ka tlûn a pit awt asi.

KOLOSA 1:28

mikip Krist ah chun ṭha rangtling a kan dîr khonâk ding hen, mikip simhfâi hen, mikip finghnâk kip a sîntir hen a thâwngthâng kan sim tâwn mi hi,

KOLOSA 1:9

Churuang chun, Thlarau finghnâk leh theihkhonâk zawzawng leikângah amah duhzia theih rangtlingnâk ah chun nan hawng khat khonâk ding hen, kan theih ni thawk hen chun kannih khawm nih thlacham hen kan deih piak na mi kan bâng lo.

1 THESALONIKA 3:10

a sûn a zân hen thungâi tak a thlacham hen, kan Pathian mâika ah nan lakah kanna lâwmnâk zawzawng ruang hin nanmah leikâng thu ah Pathian sinah zei lâwmthu me kan sim rûl kho bâk lai aw?

2 TIMOTHE 1:3

Hawng ka thlâktu tla nih an ti hâwi hen, sia leh ṭha theihnâk fiang tak hen a rian ka ṭuan mi Pathian sinah lâwmthu tla ka sim. A sûn a zân hen ka thlachamnâk ah ka nan theihkumza tâwn asi.

1 SAMUEL 12:19

“Pu, zângfahtê hen kan thi lonâk ding hen LALPA na Pathian sinah hawng kan deih piak. Tuah kan sualnâk zawzawng dang chu siah rih hen lalchem kan deih mi thu ah hin kan palh rawh ti kan theihfiang,” an ti.

1 SAMUEL 8:6

Samuel nih lal an ngiar mi chu a duhzia asi lo le, churawhchun LALPA sinah thla a cham le,