1 SAMUEL 12:22 - Bawm Common Language Bible Version

²² LALPA nih thutiam bir tak a siam le, a nan kaltâk na ding asi lo, amah mi tak siding hen a nan thîm na rawh ruangah.

1 SAMUEL 12:22 ပူးပေါင်းရင်းမြစ်များ

1 Lal 6:13

Hi na sak mi Biakin ah hin ka mi Israel tla kan kaltâk na lai lo,” a ti.

1 Lal 8:57

Hawng kan thlâktu tla sinah a um hâwi hen LALPA kan Pathian chu kan sinah um seh; hawng kan nawng hen hawng kan kaltâk lah seh.

2 Lal 14:27

Sikhawmsele, LALPA nih Israel tla chu vei dep hen tlâu pawt ding chu a siang na lo le, churuangah Jeroboam panihnâk mang hen ruang a suah na.

2 Lal 21:14

Mihel tla chu ka nawng lai le, anmah nehtu leh an ram râwktu an mêlma sinah ka ap na lai.

1 CHRONICLES 28:9

Churawhchun, Solomon sinah, “Ka fapa, na pa Pathian chu thinlung lungkhat leh duhnâk nei hen a rianṭuan ding hen kan simh asi. Anih nih kan thinlung dawn leh kan duh mi zawzawng a theih hep. A sinah na kal chun a nan pawm lai. Sikhawmsele na hertâk chun a nan kaltâk pawt lai.

2 CHRONICLES 15:2

a sinah, “Lalchem Asa, nang leh Juda leh Benjamin mi zawzawng nih ka thu ngâi u, a lakah nan um kar zawng chu nan sinah LALPA a um. Amah nan hâwl chun nan tawng lai le, sikhawmsele nan her tâk chun anih khawm nih an kaltâk na lai.

NEHEMIAH 9:17

Thu an ngâilo le; na thilti tla khawm an philh ver; anna zûmnâk ruangah Aigupta ram lîlâ ah sal tângpitu ding ah ruitu an thîm. Sikhawmsele, nang chu ngaihdamtu Pathian na si le; an lakah vêl na nei hen, na dâwt na, na thinthawk duh loh, Na khuaruatnâk a rokual le, na kaltâk na lo.

SAM 106:8

A thilti rokual muhtir na ding hen a thutiam hâwi hen ruang a suah na.

SAM 94:14

LALPA nih a mi tla chu a kaltâk na lai lo le; amah lakah um mi tla chu a karo hen a siah na lai lo.

EXODUS 32:12

Aigupta mi tla nih Aigupta ram thawk hen a suakpi na mi chu tlângah thah na hen, veih dep na ding a tum mi ma kha a, an ti lai lo mazei? Na thinrun lah; na thinlung lêt le, na mi le tla lakah hi siat leh râwknâk hi tlungtir lah.

ISAI 37:35

Hi khuapi hi keimah zahnâk ding leh ka to-aw David sinah thu ka tiamh mi ruangah ka vêng hen ka hum awt asi,” a ti.

ISAI 41:17

“Ka mi tla nih tî duh hen an hâwl liauah an tîhâl tuk hen an dang a châr ver liauah Kei, LALPA nih an thlachamnâk chu ka sâng lai le; Kei, Israel Pathian nih ka kaltâk na rêng lai loh.

ISAI 42:16

“An kal dah lonâk lampi tla ah ka minung mitchâw tla chu ka rui na lai. An mâika ah mûi chu chêu ah ka changtir lai le, ram siakhâ chu rual zat hen ka siam lai. Hi bang tla hi ka thutiam asi le, pakhat khawm relhlo hen ka zûl lai.

ISAI 43:25

Sikhawmsele na sual ngaihdamtu Pathian kasi, keimah kasi ruangah chu chu ka ti asi. Na lakah sual chu ka theihkumza lai loh.

ISAI 43:7

Keimah mi tak an si le, hawng ka rokualtirtu rangah ka siam na mi an si,” a ti.

ISAI 48:11

Ka ti mi chu keimah ruang ver asi, ka min chu zauhnawmh ding hen ka siang lai lo, rokualnâk khawm âu rang khawm ka tingtir na ding asi lo, ka tâ chu keimah rang cho asi,” a ti.

ISAI 49:15

Churuangah LALPA nih a sâng le, “Nunau nih a fa a philh hen a pâwi mi fasêm dâwt lo hen a um mazei? Nunau nih a fasêm a philh menza khawmsele kei chu ka nan philh dah na awtlo.

ISAI 63:8

LALPA nih, “Ka mi le an si; an ka perpet lai lo,” a ti. Churuangah an tuarnâk zawzawng lakah mi ruang a suah na.

JEREMIA 14:21

Na thutiam theihkumza le, hawng kan thlawrhthlâu lah; na laltophah rokual umnâk Jerusalem chu ningzaknâk tlungtir lah. Kan lakah thudântuk na siam mi khawm râwk lah.

JEREMIA 14:7

Ka mi tla nih an ka auh le, ‘LALPA, kan sual nih hawng kan mawhtir khawmsele, thu nâ tiam mi hâwi hen hawng kan ṭangpi rawh.’ Vei tam tak kâng dang leiah kan hawitâk le, na tlûnah thilsual kan ti.

JEREMIA 14:9

Zei rangah mi chê tinâk hen a khat mi hâwi leh kawrsen mi ṭangpi ding hen thiltikhonâk nei lo mi hâwi hen na um? LALPA, ngelchel hen kan sinah na um asi! Na mi tla kan si, hawng kan kaltâk lah,’ ” a ti.

LUNGFÂKNÂK 5:20

Zei rangah chu tluk rak hen sâwt hen na kan kaltâk? Na kan theihkumza awtlo rawh na maw?

EZEKIEL 20:14

Sikhawmsele Aigupta ram ah mi Israel tla ka suakpi na mi muhtu phun tla lakah ka thang a duai lai ka ti ruangah ka ti ding mi ka lêt.

EZEKIEL 20:9

Sikhawmsele, chu hâwi hen ka ti lo, Israel zapi minung tla mâika ah Aigupta ram ah mi suakpi na ding hen thu ka sim rawh ruangah ka min a sia lai ti ka ruat.

MALAKI 1:2

LALPA nih a mi tla sinah, “Ka nan dâwt kumza na asi,” a ti. Sikhawmsele annih nih an sâng le, “Kan rangah na kan dâwt mi zei hâwi hen na langh?” an ti. LALPA nih a sâng le, “Esau leh Jakob chu unau an si le, sikhawmsele Jakob leh a thlâk tla chu ka dâwt na.

MATHAI 11:26

Asi, ka Pa, chu hâwi ti chu nangmah ngaih hen a ṭha asi.

JOHAN 15:16

Nannih nih nan hawng ka thîm lo, keimah nih ka nan thîm dauh na, va rah ding leh nan rah um kumza ding hen ka nan ruat na asi; ka min hen Pa sinah nan deih mi zawng a nan pêk na ding hen.

ROM 11:1

Asi chun, Pathian nih a mi tla chu a lawnh masi? Lawnh lo e! Kei khawm Israel mi, Abraham thlâk, Benjamin phun kasi.

ROM 11:29

Pathian nih a thilthawt pêk ah leh a kawhnâk ah chun a thinlung a lêt dahlo.

1 KORIN 4:7

Nang âunih me a nan ti bîk? Na ting lo mi chu zei me na nei? Na ting asi chun zei rangah ting lo hâwi hen na sawr phah?

EPHESI 1:12

kannih Krist lungum masa rawh tla hi a rokual sawrnâk langhtu kan sinâk ding hen.

DEUTERONOMY 14:2

LALPA nan Pathian mi nan si, amah mi siding hen laikulh ah um mi lakah an thîm na mi asi.

DEUTERONOMY 31:17

Chu hâwi a hawng si tik chun an lakah ka thin a thawk lai le; ka kaltâk na lai le, an vei lai rawh. An lakah siatnâk ṭihnungkâi tak a hawng tlung lai le, chu tikah hi bang thil tla chu an tlûnah a hawng tlung tik chun, Kei, an Pathian an sinah ka um lo rawh ruangah asi ti an theih lai rawh.

DEUTERONOMY 31:6

Zumh thlir le, tum thlir. Annih tla chu ṭih na lah u. Nan Pathian, LALPA amah tak chu nan sinah a um lai. A nan thlahthlamh hen a nan kaltâk na lai lo,” a ti.

DEUTERONOMY 31:8

LALPA amah tak chu na sinah um hen an rui lai. An thlawrhthlâu hen an kaltâk lai loh, churuangah na thinlung dâwk lo hen ṭih khawm ṭih lah,” a ti.

DEUTERONOMY 7:6

LALPA nan Pathian tâ nan si ruangah hi bang tla hi ti u. Tual tlûnah minung zawzawng lakah mi a bîk hen amah minung siding hen an thîm na mi nan si.

DEUTERONOMY 9:5

LALPA nih an ram an tingtir na mi chu nan ṭhat ruang leh nan dik ruangah asi lo. An sual ruangah leh a nan thlâk natu Abraham, Isak leh Jakob sinah thu a tiamh mi ti a tum ruangah a nar na awt mi asi.

PHILIPI 1:6

Nanmah lakah thil ṭha dawmhtu nih khan Jisu Krist Ni tiang hen a rangtlingtir vima awt, chu tak chu ka lung thlir ruangah.

HEBRAI 13:5

Nan thinlung put zia chu tangka sunhsaknâk tel lo si seh, nan thil neihlem tla tlûnah chun lungâwi u. Pathian nih, “Zeitik khawm ah ka nan thlahthlamh rîlmâl lai lo le, ka nan kaltâk rîlmâl lai loh,” a ti ruangah.

JOSUA 7:9

Kanaan mi leh ram lakah mi tla nih hi thu hi an theih lai le, hawng kan kulh lai le, hawng kan thah hep ding ko rawh. Chu hâwi asi chun zah na kâinâk hi zeitin na hum kho zia lai ne?” a ti.

1 PETER 2:9

Sikhawmsele, mûi ah mi suak hen, a chêu chê tak ah lût ding hen a nan kawh natu Pathian thilchê ti tla nan langhtir khonâk ding hen, nannih chu phun thîm, Lalchem bâwlpu tla, phun thenhlimh, Pathian mi tak nan si.