1 SAMUEL 12:21 - Bawm Common Language Bible Version

²¹ Pathian diklo tla zûl lah u; an ṭangpi hen an hum kho na ding asi lo, a tak an silo ruangah.

1 SAMUEL 12:21 ပူးပေါင်းရင်းမြစ်များ

2 Lal 17:15

An thlâktu tla sinah thudântuk chu an zûl duh lo le, a sîntirnâk khawm an êl; a nunsimhnâk khawm an siarlo. Zeikhawm silo mi ruk an sawnh le, anmah khawm zei kawngkâ khawm an zawh lo. An kiangkam mi phun tla ti dân an châwng le, LALPA thupêk khawm an ngâilo, a dawn khawm an dawn lo.

ISAI 41:29

Hi bang pathian zawzawng tla hi mang tlâk an si lo; zei thil khawm an ti kho lo, hi bang milem tla hi an chak lo hen thiltikhonâk khawm an nei lo.

ISAI 45:20

LALPA nih, “Phun zawzawng mi tla, Ram neh hen a um liauah thibang zawzawng tla hawng a pûm ule, niknâk lakah a pêk u! An thing milem hen khualâi ṭawltu tla, anmah hum kholotu pathian sinah thlachamtu tla, chubang minung tla nih chun zeikhawm an theih lo.

ISAI 46:7

An liangah an thâng le, an put; a mun ah an siah le, chunah chun an dîrtir, A umnâk mun ah mi khawm â ṭhial kho lo. Mi nih a sinah thla an cham khawmsele, a sâng na hen siatnâk lakah mi a hum kho na lo.

JEREMIA 10:15

Mangtlâklo leh zauhnawmh ding mi an si le; LALPA, anmah do ding hen a hawng tik chun an vei lai.

JEREMIA 10:8

An ektê hen an â hen ê-aw an ngâilo. Thing milem thawk hen zei me theihnâk an nei kho?

JEREMIA 14:22

Phun tla milem pakhat khawm nih ruah a sûrtir kho lo, vân khawm nih a mah thu hen a sûrtir kho lo. LALPA, kan Pathian nangmah lakah lungumnâk kan nei, hi bang thil tla titu chu nangmah lâwng na si ruangah.

JEREMIA 16:19

LALPA, nang chu hawng ka humtu leh chaknâk hawng ka pêktu na si; lawksawng liauah na hawng ka ṭangpi. Tual dawnghnâk thawk hen phun tla chu na sinah an hawng kal lai le, “Hawng kan thlâktu tla nih chun pathian diklo tla leh zeikhawm mang tlâklo mi milem cho lo chu zeikhawm an nei lo.

JEREMIA 2:5

LALPA nih: “Nan thlâktu tla nih hawng ka phiar ding hen zei an ti? Zei nih ka sinah mi kâng dang leiah a hertir na? Zeikhawm silo mi milem an sawnh le, anmah khawm zeikhawm an si lo rawh.

JONA 2:8

Milem zeikhawm silo mi sawnhtu tla nih chun na sinah zumhkâinâk chu an thlâu rawh.

JONA 2:9

Sikhawmsele kei chu nangmah sawr hen la ka sak lai le, bâwlnâk na sinah ka pêk lai le, ka thutiam chu ka ti lai. Ruangsuahnâk chu LALPA thawk hen a hawng!” a ti.

HABAKUK 2:18

Milem hi zei rangah mang asi? Minung nih thil zeimawh an siam mi cho asi le, âwkrâwl cho lo chu zeikhawm an simh loh. Hawlh kho lo mi pathian nih a siamtu rangah zei thil ṭha me zumhkâi ding hen a ti piak?

THILTI 14:15

“Pu le tla, hi bang thil hi zei rangah nan ti? Kannih khawm nan thinlung hâwi put minung kan si; hi bang thil mang tlâklo tla nan hertâk hen vân le, tual le, tisumsumriat le, an sungah um mi zawzawng siamtu Pathian nung sinah chun nan hawng a her khonâk ding hen Thâwngthâng Ṭha kan tlunh na asi.

1 KORIN 8:4

Chun, ruk tla lakah bâwlnâk thil ei leikâng thu ah chun, ruk chu zeikhawm asi lo zia Pathian pakhat cho lo chu Pathian dang rerêng a um lo ti kan theih.

DEUTERONOMY 11:16

LALPA lakah nan um mi chu pathian dang tla leiah pial rîlmâl lah u.

DEUTERONOMY 30:17

Sikhawmsele, ê-aw ngâilo hen a thu nan êl chun, pathian dang tla sawnh hen nan pial chun

DEUTERONOMY 32:21

An milem hen ka thin an ka thawktir, Pathian tak silo mi tla pathian an ti ruangah thîknâk an ka neihtir. Churuangah phun salam an ti mi tla chu mang hen an thin ka thawktir na lai le, phun â tla hen ka thîktir na lai.