1 SAMUEL 12:2 - Bawm Common Language Bible Version

² Tuah a nan rui natu ding hen nan mang lai rawh. Kei lam chu ka tar le, ka sam khawm a pâr rawh, ka fapa tla khawm nan sinah an um. Ka ngâksia liau thawk hen tu tiang nan ruitu ah ka um.

1 SAMUEL 12:2 ပူးပေါင်းရင်းမြစ်များ

SAM 71:18

Pathian, tu chun ka tar rawh le, ka sam tla a pâr rawh; Hawng ka kaltâk rîlmâl lah. Thlâk hawng um ding mi zawzawng sinah na thiltikhonâk leh chaknâk ka sim liau hin ka sinah um kumza.

NUMBER 27:17

leh râltuknâk ah thupêk kho ding mi, na ruat ding hen ka nan ngiar, zapi minung tla chu vêngtu nei lo dawrâ hâwi an si lonâk ding hen,” a ti.

2 TIMOTHE 4:6

Kei lam chu tu khawm ah ap hen ka um liau asi le, ka suak tik a tlung rawh.

JOSUA 23:1

LALPA nih Israel tla rangah an kiangkam ah an mêlma lakah himnâk sâwt tak a pêk na nûnah chun Josua chu thungâi a tar rawh le,

JOSUA 23:2

Israel tla zawzawng, an upa tla, an ruitu tla, lâirêltu tla, zapi lakah hotu tla a kawh na le, an sinah, “Tuah chun thungâi ka tar rawh.

2 PETER 1:14

Kan Lalpa Jisu Krist nih hawng ka theihtir hâwi khan ka taksa a vei tik ding chu a tlung sawm lai ti ka theih asi.

1 SAMUEL 2:22

Eli chu thungâi a tar rawh. A fapa le nih Israel tla tlûnah an thilti dân zawng tla a theih le, LALPA umnâk Puanin tualmâi ah nunau rianṭuantu tla an itpi na mi thu tla khawm.

1 SAMUEL 2:29

Chu hâwi mi lakah zei rangah ka mi le tla lakah bâwlnâk leh thil ap ka ngiar mi lakah nan duhlei? Eli, zei rangah na fapa tla chu kei ngâk hen na sunhsak dauh le, ka mi tla nih bâwlnâk zawzawng an ka pêk mi a vo ṭha ṭha chu anmah châwm thâu ding kei ngâk hen na duhpi na zia?

1 SAMUEL 3:10

LALPA a hawng kal le, chunah chun a va dîr; a lânah a kawh mi hâwi hen, “Samuel! Samuel!” a ti. Samuel nih a sâng le, “Thu sim rawh, na to-aw nih ka ngâi ko,” a ti.

1 SAMUEL 3:13

A fapa tla nih thilsual an ti ruangah leh keimah an hawng ka simsiat ruangah an dâwngsungkhur tla ka rêp na awt ti amah ka simh rawh hâwi hen. Eli nih chubang thil a fa le nih an ti mi chu a theih ko, khawmsele a khap na lo.

1 SAMUEL 3:16

Eli nih a kawh le, “Ka fapa, Samuel!” a ti. Samuel nih a sâng le, “Zei me pu?” a ti.

1 SAMUEL 8:1

Samuel chu a tar rawh chun a fapa tla chu Israel tla tlûnah lâirêltu ah a siam na.

1 SAMUEL 8:20

phun dang tla hâwitê hen kan lal nih lâi hawng kan rêl piak hen, râltuknâk ah hawng kan ruai lai le, râl kan tuk lai,” an ti.

1 SAMUEL 8:3

Sikhawmsele, an pa umdân hâwi hen an um lo; tangka lei an sunhsak dauh le, nawhnâk an lâk le, zumhkâi tak hen thu an thlûk lo.

1 SAMUEL 8:5

a sinah, “Ngâiknik, nang tâ nih na tar thlo rawh, na fapa tla nih nangmah zia an châwng lo. Churuangah lal hawng kan ruat piak le, churawhchun ram dang hâwi hen lal kan nei bâk lai,” an ti.