1 SAMUEL 12:10 - Bawm Common Language Bible Version

¹⁰ Churawhchun, LALPA rangah ṭangpitu ah an ngiar le, a sinah, ‘LALPA na sinah mi kan pial tâk ruangah kan sual asi. Baal leh Astarte lem tla kan sawnh. Kan mêlma lakah mi ruang hawng kan suah le, nangmah kan sawnh awt rawh,’ an ti.

1 SAMUEL 12:10 ပူးပေါင်းရင်းမြစ်များ

SAM 106:44

Sikhawmsele, LALPA nih an âu mi a theih chun a ngâi piak na le, anna hamhnâk chu a theih piak na.

ISAI 26:16

LALPA, na mi tla chu na rêp na le, ngaihsia tak hen na sinah thla an cham.

ISAI 33:22

Chubang meilawng tla lakah ri rêngnâk tung chu zeikhawm asi lai lo; a zawhtu tla khawm nih puanzâr an pharh kho lai lo! Mêlma kawrsen neihnâk zawzawng chu kan tleih lai le, a tam dân chu mi khêng tla men nih tingvo an nei kho lai. LALPA amah tak chu kan lalchem asi lai le; kan tlûnah lâi a rêl lai le, hawng kan hum lai,

JOSUA 13:31

Gileed ram khingkhuai Astarot, Edrei leh Basan ram ah mi Og lalchem khuapi tla telhsih hen. Hi bang zawng tla hi Makir fapa Manaseh phun thlâk khingkhuai tla rangah pêk mi chu asi.

LÂIRÊL 10:10

Churawhchun, Israel tla nih LALPA chu an auh le, a sinah, ‘Na lakah thilsual kan ti le, kan Pathian chu ka nan kaltâk le, Baal chu kan sawnh rawh,” an ti.

LÂIRÊL 2:11

Churawhchun, Israel tla nih LALPA lakah thilsual ti hen Baal an sawnh rawh.

LÂIRÊL 2:13

LALPA sawnh chu an bâng le, Baal leh Astartes rian an ṭuan rawh.

LÂIRÊL 3:15

Churawhchun, Israel tla nih LALPA chu an auh le, anmah sanhtu ding hen mi a fial. Chu chu Ehud, munchekehpa, Benjamin phun a mi Gera fapa asi. Israel mi tla nih Ehud chu Moab lalchem Eklon sinah lâwmman pêk ding hen an fial.

LÂIRÊL 3:7

Israel mi tla nih LALPA an Pathian chu an philh le, a lakah thilsual an ti le, Baal leh Aserah lem chu an sawnh.

LÂIRÊL 3:9

Churawhchun, Israel tla nih LALPA chu an auh le, anmah suah na ding hen mi a fial. Chu minung chu Kaleb naupa Kenaz fapa Othniel asi.

LÂIRÊL 4:3

Jabin nih thîr kari zakua a nei le, an tlûnah sual tak leh nehsawh tak hen kum kul kar lâi a rêl. Churawhchun, Israel tla nih LALPA rangah ṭangpi ngiar hen an auh.

LÂIRÊL 6:7

Churawhchun, Israel mi tla chu Midian lakah ṭangpitu ding hen LALPA an auh le,

1 SAMUEL 7:2

LALPA Thudântuk Bâwm chu Kiriath Jearim ah hun sâwt ual kum kul ding a um. Chu karah chun Israel tla nih LALPA chu anmah ṭangpi ding hen an auh.

1 SAMUEL 7:6

Churawhchun, Israel tla chu Mizpah ah anna pûm hep rawh. Tî an tan le, LALPA sinah thil ap rang ding ah an thlêt le, nî tlâk an ulh. “LALPA lakah thilsual kan ti,” an ti. (Samuel nih Mizpah ah Israel tla remlonâk thu a chek.)