1 SAMUEL 11:11 - Bawm Common Language Bible Version

¹¹ A thâizîng ah a mi tla chu Saul nih murui thum ah a ṭhen na le, khuadei rianruan ah an mêlma Amon tla riaknâk chu an va nam. Nî sûn tiang an thah na, an thah bang chu an duhnâk chiau ah an tek.

1 SAMUEL 11:11 ပူးပေါင်းရင်းမြစ်များ

GENESIS 22:14

Abraham nih chu mun chu “Jehova-Jire’’ (LALPA nih a ruat) a ti. Tu tiang hen mi le tla nih, “LALPA nih a tlângah a ruat,” an ti.

2 SAMUEL 18:2

Churawhchun, murui thum a fial le, a murui chiau hotu rangah Joab, Joab unaupa Abisai leh Ittai Gath ah mi a thîm. Churawhchun, lalchem nih, “Keimah ngelchel khawm ka hawng bâk lai,” a ti.

SAM 46:1

Pathian chu kanna dawrnâk leh kan chaknâk asi, lawksawng ni ah ṭangpi ding hen â tîm kumza.

EXODUS 14:24

Khuadei bâiah LALPA nih sûm leh mei thawk hen Aigupta kawrsen tla chu a chuanh na le, an thinlung a lâutir na rawh.

MATHAI 7:2

Nan simsâwi na hâwi ber hen an simsâwi na lai; nan tahnâk tê hen an tah piak nawlh na lai.

JEM 2:13

Khua a ruat lo mi minung chu Pathian nih lâi a rêl tikah a tlûnah khua a ruat bâk awtlo, sikhawmsele, khuaruatnâk nih chun lâirêlnâk a neh.

LÂIRÊL 1:7

Adonibezek nih, “Lalchem sâwmsarih kutpî leh kepî tan piak hen um mi tla nih ka dawhkân tangah eiphung neknâwi a tlâ mi an sar. Kei khawm an tlûnah ka ti na mi hâwitê hen ka lakah Pathian nih a ti bâk rawh mahi,” a ti. Jerusalem leiah an kalpi le, chunah chun a thi rawh.

LÂIRÊL 4:16

Barak nih kawrsen tla leh a kari tla chu Jentel khua Haroseth leiah a ṭhâwl na le, Sisera kawrsen zawzawng chu a thah hep na. Minung pakhat khawm an zuah loh.

LÂIRÊL 7:16

A minung zathum tla chu murui thum ah a suah na le, tâwtawrâwt pakhat seng leh bêl pakhat a sungah meichêu um mi a pêk chiau na.

LÂIRÊL 7:20

murui nih dang khawm nih chu hâwi hen an hawng ti bâk. An kehlei kut hen meifâr an put le, an vawrhlei kut hen tâwtawrâwt an put, “LALPA leh Gideon rangah nâmsâu!” ti hen an âu.

LÂIRÊL 9:43

a mi tla a put na le, murui thum hen a suah na le, phâisen ah a thuptir na le, an ngâk na ko. Khuapi ah mi minung an hawng suak mi a muh na rawh chun anmah thah ding hen anna thupnâk ah mi chu an hawng suak rawh.

1 SAMUEL 11:2

Nahas nih a sâng le, “Nanmah hen remnâk leh a san dang pakhat ka siam lai: mikip an mit vawrhlei ka chawih zek lai le, Israel mi zawzawng ningzak ka saih awt,” a ti.

1 SAMUEL 14:47

Saul chu Israel lalchem a hawng si rawh chun, mun kip ah mi a mêlma tla hen anna do le; Moab mi tla, Amon mi tla leh Edom mi tla, Zobah lalchem tla leh Philistia lalchem tla hen anna tuknâk kip ah nehtu asi vima.