1 SAMUEL 10:6 - Bawm Common Language Bible Version

⁶ LALPA thlarau nih a nan luah lai le, Pathian sawnhnâk leikângah âunâk leh lâmnâk ah na va a ṭâwm bâk lai le, thinlung dang ving hen na um lai.

1 SAMUEL 10:6 ပူးပေါင်းရင်းမြစ်များ

NUMBER 11:17

Chunah chun ka hawng lai le, kan sawnh lai, thlarau kan pêk mi kha annih khawm ka pêk na lai, chu tikah zapi lakah na mawhphurhnâk chu, chu tla nih an ṭangpi lai le, nangmah lâwng na si lai lo rawh.

NUMBER 11:25

Churawhchun, LALPA chu sûm lakah a hawng ṭum le, Mosi chu a sawnh. Mosi rangah a pêk mi thlarau chu a lâk le, ruitu sâwmsarih chu a pêk na. Chu thlarau chu an tlûnah a hawng tlung rawh chun khuavâng tla hâwi hen an hawng âu sawm, sikhawmsele hun sâwt tak rang ding chu asi lo.

NUMBER 11:26

Ruitu sâwmsarih lakah mi panih, Eldad leh Medad chu riakmun ah an um ko, suak hen Puanin leiah an va kal lo. Chu riakmun ah annih sin khawm thlarau a hawng tlung le, khuavâng hâwi hen an âu.

NUMBER 11:29

Mosi nih a sâng le, “Ka duh mi hi na duhzia ma? LALPA nih hi mi zapi tla hi khuavâng hâwi hen âu ding hen a thlarau pêk chiau na sele ka duh asi,” a ti.

MATHAI 7:22

Chu ni ah chun mi cherkhet nih, ‘Lalpa, Lalpa! Na min hen thu tla kan sim hen, na min hen khuri tla kan nar le, na min hen thilchê tam tak kan ti tâwn lo mazei?’ an ti teh lai.

LÂIRÊL 14:6

Mawhsareh hen LALPA thiltikhonâk nih Samson chu chaknâk a hawng pêk le, a kut karo hen kêl fa hâwi hen a dawh dip. Sikhawmsele a thilti chu a nu le a pa rangah a simh na lo.

LÂIRÊL 15:14

Lehi an va tleng rawh chun Philistia mi tla chu âu bû hen amah leiah an hawng tek rawh. Mawhsareh hen LALPA thiltikhonâk nih a chaktir le, a kut leh a bân ah mi rirual chu mei nih lazâi a khangh mi hâwi hen a sah rel.

LÂIRÊL 3:10

LALPA thlarau chu a tlûnah a hawng tlung le, Israel ruitu ah a hawng um. Othniel chu râltuk ding hen a kal le, LALPA nih Mesopotamia ram lalchem nehtu ah a siam.

1 SAMUEL 10:10

Saul leh a to-awpa chu Gibeah an va tlung rawh chun khuavâng rual tla hen anna tawng rawh. Mawhsareh hen Pathian thlarau nih Saul chu a hawng luah le, an lâm hen an âunâk ah chun a va ṭâwm ving bâk.

1 SAMUEL 10:9

Saul nih Samuel a kaltâk rawh chun Pathian nih nunchan thar tak a pêk. Samuel nih a simh mi zawzawng chu ni ah chun a tlung hep.

1 SAMUEL 11:6

Saul nih chu chu a theih rawh chun LALPA thlarau nih a luah le, a thin a thawk rawh.

1 SAMUEL 16:13

Samuel nih oliv sariak a lâk le, a unau tla mâika ah David chu sariak a thuh rawh. Lâkkhatko ah LALPA thlarau nih David chu a luah le, chu ni thawk hen chun a sinah a um vima rawh. Churawhchun, Samuel chu Ramah khua leiah a kîr rawh.

1 SAMUEL 19:20

Churawhchun, amah tleih ding hen mi a fial na. Chu mi a fial mi tla nih, khuavâng murui an hotu Samuel sinah lâm hen âu mi an va muh na. Churawhchun, Saul minung tla chu Pathian Thlarau nih a hawng luah na le, annih khawm an lâm le, an âu bâk.