1 SAMUEL 10:5 - Bawm Common Language Bible Version

⁵ Churawhchun, Gibeah mi Pathian Tlângah na va kal lai le, chunah chun Philistia tla riakmun a um. Khuapi kiangah khuavâng murui tlângah mi mâichâm thawk hen an hawng tum mi hen nanna tawng lai. Ṭingṭang rî tam tak mi, khuang, theikhang, ṭingṭangtê tum bû hen an hawng ṭum lai. An lâm hen an âu lai.

1 SAMUEL 10:5 ပူးပေါင်းရင်းမြစ်များ

1 Lal 18:29

Sûnnilei nî phei khet tiang a rual hen an âu le, an tlawk chur; sikhawmsele zei sângnâk khawm a um lo, zei hâu khawm â thei lo.

2 Lal 2:15

Jeriko khua mi khuavâng sâwmnga tla nih Elisa chu an muh le, “Elija thiltikhonâk chu Elisa sinah a um ving rawh,” an ti. Amah va tawng ding hen an kal le, mâi an mûk.

2 Lal 2:3

Khuavâng rual chunah um mi tla chu Elisa sinah, “Tusûn ah LALPA nih na hotupa na sinah mi hi a lâk awt mi na theih ma?” an ti. Elisa nih a sâng le, “Ka theih ta a, sikhawmsele, chu thu chu kan sim lai loh,” a ti na.

2 Lal 2:5

Chunah khuavâng um mi tla chu Elisa sinah an va kal le, a sinah, “Tusûn ah LALPA nih na hotupa na sinah mi hi a lâk awt ti na theih ma?” an ti. Elisa nih a sâng le, “Ka theih ta a, sikhawmsele, hi thu chu kan sim lai loh,” a ti na.

2 Lal 2:7

Churawhchun, Jordan Va leiah an kal le, khuavâng sâwmnga nih an zûl na. Elija leh Elisa chu tiva kapah anna dîn le, khuavâng sâwmnga tla chu tâwm lât dauh ah an dîr.

2 Lal 3:15

Tuah ṭingṭang tum thiam hawng ka kawh piak u,” a ti. Ṭingṭang tumtupa nih ṭingṭang a tum rawh chun, LALPA thiltikhonâk chu Elisa tlûnah a hawng tlung le,

2 Lal 4:38

Veikhat chu ram pumpi ah pâm a tlung le, Elisa chu Gilgal leiah a va kîr. Elisa nih khuavâng murui a sîntir na liauah, a to-aw rangah bêlpi hen zeimawh a suangtir.

2 Lal 6:1

Nikhat chu khuavâng murui Elisa nih a ho na mi tla chu an chipchiar le, “Kan umnâk mun a bî tuk.

1 CHRONICLES 11:16

Chu liau tak chun David chu tlângah mi kulh ah a um le, a zeimaw mi murui Philistia tla nih Bethlehem chu an luah.

1 CHRONICLES 13:8

Chu liau chun David leh midang tla chu LALPA zah ti theihnâk ah an chelh rî hen an lâm. La an sak, tumphung tla, ṭingṭang, khuang, chêngchêng, tâwtawrâwt tla an tum.

1 CHRONICLES 16:42

Sawrnâk la sak liauah tâwtawrâwt leh chêngchêng leh thildang tumtu lakah hotu ding hen Heman leh Jeduthun chu ruat an si. Jeduthun chi tla chu kulh kawtkâ vêngtu ding ah ruat an si.

1 CHRONICLES 16:5

Asap chu ruitu ah ruat asi, Zekariah chu a ṭangpitu ding ah. Jeiel, Semiramoth, Jehiel, Matithiah, Eliab, Benaiah, Obed Edom leh ṭingṭang tumtu Jeiel tla an si. Asap chu chêngchêng tumtu asi.

SAM 49:4

Thu thûk chu ka ngâi lai le, a umzia chu ṭingṭang tum hen ka simhfiang lai.

SAM 92:3

tumphung ri tam tak leh ṭingṭang hâu dawh tak hen phuang chu thungâi a ṭha.

1 KORIN 14:1

Dâwtnâk hi zûl vima ule, thlarau lei thilpêk tla chu duh kumza u. Sikhawmsele, thu nan sim khonâk ding châng chu duh khun u.

1 SAMUEL 10:10

Saul leh a to-awpa chu Gibeah an va tlung rawh chun khuavâng rual tla hen anna tawng rawh. Mawhsareh hen Pathian thlarau nih Saul chu a hawng luah le, an lâm hen an âunâk ah chun a va ṭâwm ving bâk.

1 SAMUEL 10:4

Sang tlang panih a nan pêk lai le, chu chu na lâk lai.

1 SAMUEL 13:3

Jonathan nih Philistia ruitu Geba ah a thah le, chu chu Philistia tla nih an theih rawh. Churawhchun, Saul nih Hebrai tla chu tâwtawrâwt tum hen râltuknâk ah kawh na ding hen mi a fial na.

1 SAMUEL 19:20

Churawhchun, amah tleih ding hen mi a fial na. Chu mi a fial mi tla nih, khuavâng murui an hotu Samuel sinah lâm hen âu mi an va muh na. Churawhchun, Saul minung tla chu Pathian Thlarau nih a hawng luah na le, annih khawm an lâm le, an âu bâk.

1 SAMUEL 9:12

Nungâk tla nih chun, “I, a um,” ti hen an sâng. “Nanmah lântê ah a hawng tlung sek. Nan va kal sawm asi chun nan phanh lai. Khua ah nan va lût kâ hen nan va muh lai. Tlângah mi tla nih bâwlnâk an ap ruangah tusûn ah a hawng tleng. Amah a tlung lânlo chu an sâwm mi tla âukhawm nih an ei ding asi lo, amah nih bâwlnâk chu mal a sâwm tâ ding asi ruangah. Tuah nan kal sawm mi asi chun tlâng leiah buh ei ding a kal lântê ah amah nan va tawng lai,” an ti.