1 SAMUEL 10:25 - Bawm Common Language Bible Version

²⁵ Samuel nih zapi tla chu lal rianṭuan ding mi leh thuneihnâk tla rangah a simhfiang na le, lasuibu ah an rîn le, mun thenhlimh ah an siah. Churawhchun, in leiah a lâwitir na rawh.

1 SAMUEL 10:25 ပူးပေါင်းရင်းမြစ်များ

2 Lal 11:17

Bâwlpu Jehoiada nih Joash chu lal ah a siam le, zapi tla khawm LALPA thupêk zûl hen LALPA mi tla an si rawh; mi zapi leh lal karah thudântuk a siam piak na.

DEUTERONOMY 31:26

“Hi LALPA dân bu hi lâk ule, LALPA nan Pathian Thudântuk Bâwm sungah siah u, Israel mi le tla lakah a lungsilo zia theihpitu ding ah chun a um ding asi.

1 TIMOTHE 2:2

Lal tla leh thuneitu tla zawzawng rangah khawm Pathian sunhsak leh zahkâi tak a rem leh lungngam hen kan um khonâk ding hen.

TITA 3:1

Lal tla leh thuneitu tla lakah a pêk ding tla, ê-aw ngâi ding tla, thil ṭha kip ti ding hen a tim ding leh âukhawm simsiat lo ding leh

JOSUA 22:6

Josua nih mal a sâwm na le, hi bang thu tla a simh na rawh chun, in leiah a tlungtir na le, “Tuah nan in leiah neih bû hen nan tlung awt rawh asi, ranrual, tangka, ngûn, dâr, thîr leh nipuan tam tak hen. Nan phun hâwi tla rangah nan mêlma thawk hen nan tawng mi tla pêk na bâk u,” a ti. Churawhchun, in leiah an tlung rawh. Mosi nih Jordan Va saklei Manaseh phun khingkhuai a pêk na le, sikhawmsele phun khingkhuai dang chu Josua nih phun dang tla hen Jordan Va thlanglei ram a pêk na.

1 SAMUEL 11:14

Churawhchun, Samuel nih an sinah, “Gilgal ah kan ektê hen kan va kal lai le, Saul kan lal asi ti hen veikhat kan phuang lai rih,” a ti.

1 SAMUEL 8:9

Churuangah chun êt piak na ko le, sikhawmsele simhkannâk fâk tak pêk na le, an lal neih tla nih an nâuneh na awt mi tla khawm simhfiang na,” a ti.