1 SAMUEL 1:28 - Bawm Common Language Bible Version

²⁸ Churuangah LALPA sinah amah chu ka pêk, a dam sung zawng LALPA tâ siding hen,” a ti.

1 SAMUEL 1:28 ပူးပေါင်းရင်းမြစ်များ

GENESIS 24:26

Churawhchun, to-awpa chu a siksidîr le, LALPA a sawnh,

GENESIS 24:48

Ka siksidîr le, LALPA chu ka sawnh rawh. LALPA, ka pu Abraham Pathian, ka pu unau tla sinah hawng ka ruitu chu, an fanu ka pu fapa rangah hawng ka tawngtirtu rangah ka sawr rawh.

GENESIS 24:52

Chu thu chu Abraham to-awpa nih a theih kâ hen, a kûn le, LALPA chu a sawnh rawh.

THUFING LASUIBU 31:2

“Nang chu ka fapa duhtak na si le, ka thlachamnâk hen ka nan tawng mi asi. Zeise ka nan simh lai?

NUMBER 6:8

Nazirit asi kar vial chu LALPA rangah thenhlimh asi.

2 TIMOTHE 3:15

Chun, Jisu Krist ah lungnâk hen ruangsuahnâk ah an ruai kho ding hen finghnâk an pêk khotu Pathian lasui thu thenhlimh chu na ngâksia liau thawk hen na theih.

LÂIRÊL 7:15

Gideon nih chu minungpa mang a theih hen zei hâwi asi awt ti a theih rawh chun a kûn le, Pathian a sawnh rawh. Israel riakmun ah a kîr le, an sinah, “Thawk u! LALPA nih Midian kawrsen tla nehnâk an pêk na rawh,” a ti.

1 SAMUEL 1:11

Hanah nih thutiamnâk bir tak hen a siam, “LALPA, zeizawng tikho, na to-aw hi hawng ka zauhnik, ka lawksawng zia hi hawng ka zauh le, theihkumza, hawng ka philh rîlmâl lah! Fapa na ka pêk chun a dam sung zawzawng na sinah pêk ding hen leh a sam mêt lo thlo ding hen thu ka tiam,” a ti.

1 SAMUEL 1:22

Chu tan ah chun Hanah chu a va kal lo, a pasal sinah, “Hi ngâksia hi a tlei dauh tikah LALPA in ah ka kalpi lai le, chunah chun a san tlum hen a um lai rawh,” a ti.

1 SAMUEL 2:11

Churawhchun, Elkanah chu Ramah khua ah an in leiah a tlung rawh. Sikhawmsele, mipa ngâksia Samuel chu Siloh khua ah Eli sinah LALPA rianṭuan hen a um rawh.

1 SAMUEL 2:20

Eli nih Elkanah leh a nupi chu mal a sâwm na le, Elkanah sinah, “LALPA nih amah rangah nan pêk mi rûlah fa dang tla hi nunau rangah hin pêk nawlh seh,” a ti. Churawhchun, in leiah an tlung rawh.

1 SAMUEL 28:2

David nih a sâng le, “Asi rîlmâl, na to-aw kan si ti nang khawm nih na kan theih ko, ka ti kho dân chu nangmah tak nih na muh lai ma hi,” a ti. Akis nih, “A ṭha! Keimah vêngtu ah ka nan siam kumza lai,” a ti.