1 PETER 5:9 - Bawm Common Language Bible Version

⁹ Nan unau laikulh ah um mi tla lakah chun chu hâwi tuarnâk chu a hawng tlung bâk ti theih hen bir tak a lung bû hen amah chu do u.

1 PETER 5:9 ပူးပေါင်းရင်းမြစ်များ

LUK 22:32

Sikhawmsele, na lungnâk a tlâu lonâk ding hen thla ka nan cham piak asi. Na sîr nawlh tikah nangmah nih na unau tla chaktir na,” a ti.

JOHAN 16:33

Hi bang thu hi nan sinah ka sim rawh hi; keimah lak hin nan lungngamnâk ding hen. Laikulh ah hin hamh hen nan um tâwn; sikhawmsele, lungngam tak hen um u, laikulh ka neh rawh,” a ti.

THILTI 14:22

“Hamhnâk tam tak tuar hen Pathian Ram ah kan lût ding rerêng asi,” ti hen ṭhiruai tla thinlung an birhtir le, lungnâk ah chun um kumza ding hen an fawrh vima na.

1 KORIN 10:13

Minung tuar kho ri nûnlêm chun lêmnâk rerêng nan lakah a tlung lai loh. Pathian lam chu zumh a kâi asi, anih nih chun nan tuar kho tâwk nûnlêm chun lêmnâk nan tawng a siang lai loh; nan tuar khonâk ding hen lêmnâk rual hen teknâk lampi a siam sawm lai.

EPHESI 4:27

Diabol chu mun kenh lah u.

EPHESI 6:16

Chubang lo khawm chu lungnâk phâw lâk ule, chu hen chun chanhtiang fungzum alh kho zawzawng chu nan mih kho lai.

KOLOSA 2:5

Taksa hen nan sinah um lo khawmsele, lâwm tak hen nanna rep zia leh Krist nan lung birh zia zauh hen, thlarau ah chun nan sinah ka um asi.

1 THESALONIKA 3:3

Hi bang hamhtuarnâk ruang hin âukhawm anna nîn lonâk ding hen, hi bang hi tuar ding hen ruat kan si ti nanmah ngelchel nih nan theih.

1 TIMOTHE 6:12

Lungnâk zuamnâk ṭha chu ti le, zungzâl nungnâk chu tleih rawh; chu chu ting ding hen kawh na si; theihtu tam tak tla mitmuh ah ṭanhnâk ṭha chu na ṭanh rawh kha.

2 TIMOTHE 3:12

Asi, âuzawng Jisu Krist lakah Pathian sunhsak hen umtu zawng nih chun nehsawhnâk tla an tuar ber lai.

2 TIMOTHE 4:7

Zuamnâk ṭha chu ka ti thluh rawh; ka tekzuamnâk chu ka zawh rawh le, lungnâk chu ka kil ving rawh asi;

HEBRAI 11:33

Chubang tla nih chun lungnâk hen ram tla an lâk le, thil dik an ti le, thutiam tla anna ting, chakeibaknei kâ tla an chîp piak.

HEBRAI 12:8

Fa zawzawng nih an tawng tâwn mi nunsimhnâk nan tawng lo chun fa tak silo hen, lakfa nan si lai.

JEM 4:7

Churuangah, Pathian thu thu hen um u. Diabol do ule, chun an tektâk na lai.

1 PETER 1:6

Niknâk tam tak nan tuar mi ruangah sâwtlotê kar nan rangah ngaihsiatkâi khawmsele chu lak chun a lâwm u.

1 PETER 2:21

Hi hi asi, ti ding hen Pathian nih a nan kawh na mi chu: Krist nih nan rangah a tuar rawh ruangah a nehnûn nan zûl ding hen zûnzauh ding ah a nan mâk na asi.

1 PETER 3:14

Thil dik ti ruangah tuartu ding nan si chun nan thaw a suak. Minung tla khawm ṭih lah ule, lungdawng lah u.

1 PETER 4:13

A rokualnâk langh hen a um tikah lâwmnâk rangtling hen nan um khonâk ding hen Krist tuarpitu nan si ti theih hen a lâwm dauh lehlam u.

THUPHUANG 1:9

Kei, Johan nan unaupa. Jisu ah hamhnâk tla, a ram leh a tuarnâk ah an bâwmpi natu hi, Pathian thu ruang leh Jisu theihtirnâk thu ruangah Patmos tikulh ti mi ah chun siah hen ka um le,

THUPHUANG 6:11

Chun, an sinah puanvâr an pêk chiau na le, an to-aw hâwi tla leh an unau tla, anmah hâwi ber hen thah ding mi tla kha an kim ver lânlo chu anna dîn rih ding asi ti hen an simh.

THUPHUANG 7:14

Chun, kei nih chun a sinah, “Pu, nangmah nih na theih dauh ko khateh,” ka ti. Chun, anih nih chun ka sinah, “Hi bang tla hi nehsawhnâk fâk tak thawk hen him tak hen an hawng suak mi tla an si, an puan tla chu Dawrâ Fa thisen ah suk hen an vârtir asi,