1 PETER 5:6 - Bawm Common Language Bible Version

⁶ Churuangah, a tik takah chun a nan chawnglawmh kho na ding hen Pathian kut chak tak tangah chun a nâutir u.

1 PETER 5:6 ပူးပေါင်းရင်းမြစ်များ

1 Lal 21:29

“Ka mâika ah Ahab â nâutir zia khi na muh ma? Hi hâwi hen a um rawh ruangah a tlûnah a dam kar vial chu siatnâk ka tlungtir awtlo, a fapa san ah a thlâk tla sinah ka tlungtir lai,” a ti.

2 Lal 22:19

na rim le, ka lakah nau tak hen na um le, na nipuan tla na thlêk hen na ṭap le, chu chu Jerusalem leh a minung tla ka rêp ding mi na theih ruangah asi. Zauh hen ṭihnungkâi rê ding hen ka siam lai le, a mun khawm chu mi nih siatbarh mi mun an ti lai.

2 CHRONICLES 12:12

An sualnâk LALPA sinah an phuang ruangah LALPA thinthawknâk nih chun Rehoboam chu a veih dep lo le, Juda ram ah thil chu a kal ṭha vima rih.

2 CHRONICLES 30:11

Sikhawmsele, mi zeimaw mi Aser Manaseh, Zebulun phun tla lakah mi chu Jerusalem ah hawng ding an duh nget rih.

2 CHRONICLES 32:26

A nehnûn chun Hezekiah leh Jerusalem mi tla chu thinlung nâutak hen an um ruangah Hezekiah thih tiang hen rêpnâk an tlûnah a tlungtir lo.

2 CHRONICLES 33:12

Chu a tuarnâk ruangah chun thinlung ah nâunâk a nei le, LALPA Pathian lei hâwi hen a sinah ṭangpi a ngiar.

2 CHRONICLES 33:19

Lal thlachamnâk leh Pathian nih a sângnâk, a rim lânah thilsual a ti mi tla, lunglo pathiannu Aserah lem leh a sâwnhnâk mun siam mi tla zawzawng chu khuavâng thâwngthâng rînnâk bu ah rîn asi.

2 CHRONICLES 33:23

Sikhawmsele, a pa hâwi hen nâu tak hen LALPA leiah a kîr duh loh, a pa ngâk hen a sual zia a zual dauh.

2 CHRONICLES 36:12

LALPA tlûnah thilsual a ti le, LALPA thu khuavâng Jeremia nih a sim mi chu thinlung nâu tak hen a ngâi duh loh.

JOB LASUIBU 36:22

Pathian thiltikhonâk rokualzia, zeizawng lakah sîntirtu rokual chem asizia theihkumza rawh.

SAM 75:10

Misual thiltikhonâk chu a râwk lai le, mirep thiltikhonâk chu a pungtir lai.

SAM 89:13

Na chak chiam a! Na chaknâk chu a rokual a!

EXODUS 10:3

Churawhchun, Mosi leh Aron nih lalchem sinah, “LALPA, Hebrai tla Pathian nih, ‘Zeitiang riamruam me ka sinah na hawng a pêk ding hi na êl awt? Ka minung tla suah na, an hawng ka sawnh khonâk ding hen.

EXODUS 3:19

Aigupta lalchem nih chun chu hâwi ti ding hen zângnâwr lo chun an siang na awtlo ti ka theih.

EXODUS 32:11

Sikhawmsele, Mosi nih LALPA a Pathian chu a ngiar le, a sinah, “LALPA, zei rangah na thiltikhonâk rokual tak hen Aigupta ram ah mi ruang na suah na mi tlûnah ti ti na thin a run?

THUFING LASUIBU 29:23

Zauhnawmh mang chu mah niamtirtu asi. Sikhawmsele, na nâutir chun, mi zah hen na um lai.

ISAI 2:11

Minung khâwngnâk dawnghnâk, minung zûmnâk veihnâk a hawng tlung awt. Churawhchun, LALPA amah cho chu chungnungtir hen a um lai.

ISAI 40:4

Tiva hawr tla khah ule, tlâng kip rualtir u. Tlâng chu phâi a hawng si lai le, ram siakhâ chu râwn dap hen siam asi lai.

ISAI 57:15

“Kei chu Pathian thenhlimh leh sâng tak um kumza mi chu kasi. Mun sâng leh mun thenhlimh ah ka um le, sikhawmsele an lungnâk leh lungumnâk ka neitir nawlh kho na ding hen mi â nautir mi leh sual rim mi sinah khawm ka um ber.

JEREMIA 13:18

LALPA nih ka sinah, “Lalchem leh a nu chu an lallukhuh dawh tak an lû lakah mi a tlâ rawh ruangah an laltophah ah mi chu ṭum ding hen simh na.

JEREMIA 44:10

Sikhawmsele tutiang khawm ah thinlung nâunâk rêng nan nei lo. Nanmah leh an thlâk natu sinah dân ka nan pêk na mi zawzawng hâwi a um hen kei rangah nan hawng ka zah lo thlo.

EZEKIEL 17:21

A kawrsen ṭha chem chu râltuknâk ah an thi lai le, a thibang tla chu munkip ah anna rek lai. Churawhchun, kei LALPA nih ka sim mi asi ti na theih lai,” a ti.

EZEKIEL 21:6

“Thikho mi minung, na lung a dawng mi hâwitê hen rûm. Mikip nih a nan theihnâk mun ah ngaihsia tak hen rûm rawh.

DANIAL 5:22

“Sikhawmsele nang, a fapa nih, hi thu zawzawng na theih khawm ah nâunâk thinlung na nei lo.

LEVITICUS 26:41

ka lung an sitir lo ruangah an mêlma tla ram ah sal ka tângtir na mi nih an sual tla leh an pu sual tla an lêt lai. A dawnghnâk ah chun nan thlâk tla chu an helnâk leh an sual ruangah rêp an si lai le, anna nautir lai rawh.

MIKAH 6:8

Silo e! LALPA nih a ṭha mi hawng kan simh rawh, kan lakah a duh mi chu hi hi asi; diknâk, zângfahnâk dawnglo langhtirnâk leh amah Pathian hen nâutak hen a kawmh ding a duh mi chu asi.

MATHAI 23:12

Âuzawng â sung-û tir mi vial an nâu lai le, âuzawng â nâutir mi vial chawnglawmh hen an um lai.

LUK 1:52

An laltophah thawk hen lal tla chu a thlâk na le, nâutâ tla chu a sangh na rawh.

LUK 14:11

 sung-û tir mi zawng an nâu lai le, â nâutir mi chu chawnglawmh hen an um lai,” an sinah a ti.

LUK 18:14

Ka nan simh na, a masa ngâk hen chu minung chu mawh lo dauh hen a in ah a lâwi rawh. A sung-û tir mi zawng an nâu lai le, â nâutir mi chu chawnglawmh hen an um lai,” a ti.

ROM 5:6

Kan chak lo liau khan, a tik takah Krist chu misual ruangrûl ah a thi rawh ruangah.

1 KORIN 10:22

Asi lo chun Lalpa chu thîk ding hen a lung kan fâktir awt bei ne? Amah ngâk hen kan chak dauh hen ma kanna ruat?

DEUTERONOMY 32:35

LALPA nih lehrûl sam hen a rêp na lai le; an tlûk ding tik a tlung teh lai. An vânduainâk ni chu a nâi rawh.

1 TIMOTHE 2:6

Mi zawzawng tlanhnâk ding hen a pêk mi chu. Chu chu a tik tak vima ah theihtir hen a um ding asi;

TITA 1:3

sikhawmsele, amah tik takah chun a thu chu thuchah lakah a langhtir rawh, chu thuchah chu Pathian kan Ruangsuahtu thupêk hâwi vima hen kiltir kasi.

JEM 4:10

Lalpa mitmuh ah a nâutir u, chun a nan chawnglawmh na lai.

JEM 4:7

Churuangah, Pathian thu thu hen um u. Diabol do ule, chun an tektâk na lai.

JEM 5:10

Unau tla, khuavâng, Lalpa min hen thusimtu tla theihkumza u, tuarkhonâk leh felfênâk thu ah zûnzauhnâk ah mang na u.