1 PETER 5:4 - Bawm Common Language Bible Version

⁴ Chun, Dawrâpu Lian a hawng a langh tikah a rokualnâk lallukhuh nawh kho lo mi chu nan tawng lai.

1 PETER 5:4 ပူးပေါင်းရင်းမြစ်များ

SAM 23:1

LALPA chu ka dawrâ vêngtu asi. ka herh mi thil kip ka nei.

ISAI 40:11

A ranrual tla chu dawrâpu hâwi hen a zauhkhenh na lai le, dawrâ fa tla chu a pumh na lai le, a bân hen a put na lai; an pinu tla chu thiamthih tê hen a rui na lai.

EZEKIEL 34:23

Ka to-âw David hâwi mi lalchem an dawrâpu rangah pakhat ka pêk na lai le, amah nih a zauhkhenh na lai.

EZEKIEL 37:24

An lalchem chu ka to-aw lalchem David hâwi asi lai. Lâirêltu pakhat tangah an um ver lai le, ka dân tla zumhkâi tak hen an zûl ver lai.

DANIAL 12:3

Ruitu fing chu vân a mi chêunâk zawzawng hen an chêu lai le, mi tam tak thil ti ding hen sîntirtu chu ârfi hâwi hen an chêu kumza lai,” a ti.

ZEKARIA 13:7

LALPA Zeizawng tikho nih, “Nâmsâu, thawk le, ka rianṭuantu dawrâ vêngtu chu do rawh! Thah le, dawrâ chu anna rek phin lai.

JOHAN 10:11

“Kei dawrâ vêngtu ṭha kasi: dawrâ vêngtu ṭha nih dawrâ tla rangah a nungnâk a pêk tâwn.

1 KORIN 9:25

Chun, tekzuamnâk tla lakah chun â ṭang rarâm mi chu zeizawng ah anna sûm tâwn asi. Annih lam nih chun lallukhuh râwk kho tawng ding hen anna ṭang, kannih lam nih chun lallukhuh râwk kho lo tawng ding hen.

2 TIMOTHE 4:8

tuah lam chun repnâk lallukhuh chu ka rangah siah hen a um rawh; chu chu Lalpa lâirêltu rep tak nih chun chu ni ah a hawng ka pêk lai. Ka sinah cho silo hen, a langhnâk awrhtu kip tla sinah khawm.

HEBRAI 13:20

Zungzâl thudântuk singsiah si mi nih a thihnâk ruangah Dawrâpu rokual tak Lalpa Jisu chu Pathian nih thihnâk lakah mi a thawh nawlh rawh.

JEM 1:12

Niknâk lakah zumhkâi tak hen um kumzatu chu a thaw a suak! Niknak chu a tuar kho tikah chun, nungnâk lallukhuh pêk asi lai; chu chu Pathian nih amah dâwttu tla rangah pêk ding hen a tiamh na mi lâwmman chu asi.

1 PETER 1:4

Churuangah, a mi tla rangah Pathian nih a siah mi malsâwmnâk rokual tak tla ting ding hen kan chuanh asi. Chu tla chu râwkkholo leh, nâwmtâm kâi lo leh nawh kholonâk mun vân ah nan rangah a nan kil piak na asi.

1 PETER 2:25

Dawrâ tla lampi an vâi mi hâwi nan si. Sikhawmsele, tuah lam chun nan thlarau tla Kiltu leh Dawrâpu chu zûl ding hen kîrtir nan si rawh.

1 PETER 5:2

Nan lakah Pathian murui um mi tla chu, ti ding asi ruangah silo hen, Pathian thu hâwi a thinlung thawk bû hen, lawh duh ruang cho silo hen, thinlung ah duh tak bû hen zauhkhenh u.

1 JOHAN 3:2

Duhtak tla, tuhin Pathian fa tla kan si le, zei hâwi hen kan um awt ti lam chu a lang lo rih, amah a hawng a langh tikah amah hâwi hen kan um awt ti lam chu kan theih, amah chu a umdân hâwitê hen kan muh awt.

THUPHUANG 1:7

Ngâinik u, anih chu sûm tla hen a hawng awt, mikip nih an muh lai le, a sunhtu tla khawm nih, laikulh ah phun zawzawng nih amah ruangah an thinlung a fâk lai. Chu hâwi asi! Amen.

THUPHUANG 2:10

Nâ tuar ding tla hi ṭih lah, ngâinik, Diabol nih niknâk ah a nan siah lai le, nan lakah mi zeimaw mi rêngin ah a nan khumh na awt asi, chun, ni râ hamh nan tuar lai. Thih tiang hen zumhkâi hen um rawh, chuvachun nungnâk lallukhuh ka nan pêk lai.

THUPHUANG 3:11

Âukhawm nih na lallukhuh chu an lâk piak lo ding hen na thilneih chia kha kil thlir rawh, ka hawng tuan awt hi.