1 PETER 5:3 - Bawm Common Language Bible Version

³ Nanmah zauhkhenh ding hen pêk an si mi tla tlûnah a laltir lah ule, murui tla zûnzauh ding hen a siam lehlam u.

1 PETER 5:3 ပူးပေါင်းရင်းမြစ်များ

SAM 33:12

LALPA a Pathian si mi phun chu a lâwptlo; amah tâ ding ah thîm mi tla chu a lâwptlo.

SAM 74:2

Hun sâwt tak na tâ siding hen na thîm na mi tla leh nangmah mi siding hen sal na suah na mi chu theihkumza. Veikhat na umnâk Zion Tlâng chu theihkumza.

EZEKIEL 34:4

A chak lo mi khawm nan bulsân lo, a damlo mi khawm nan damh na lo, â liam mi tla khawm nan tuam piak lo, a vâi mi khawm nan va dawng na lo, a tlâu mi khawm nan hâwl na lo. Chu ngâk hen nan nehsawh na.

MIKAH 7:14

LALPA, na thîm mi na minung tla lakah vêngtu si rawh. Ramkaro ah a dangtê hen um menza na khawmsele an kiangkam ah ram ningno tak a um. A lânah an um mi hâwitê hen ram ṭha Basan leh Gilead ram ah kaltir na le, châwm na.

NUMBER 18:7

Sikhawmsele, nang leh na fapa tla lâwng nih bâwlpu mawhphurhnâk zawzawng mâichâm ah leh Mun Thenhlimh chem ah um mi tla chu nan ti kho lai. Bâwlpu sinâk ka nan pêk na ruangah hi bang thil tla hi nan mawhphurhnâk ding mi tla chu asi. Tawngh kholotu ding mi minung thil thenhlimh kiangah a hawng kaltu chu thah ding asi,” a ti.

JOHAN 13:15

Nan tlûnah ka ti hâwi hen nannih khawm nih nan ti bâk ding hen zûnzauh ding ka nan pêk na asi.

THILTI 20:28

Pathian kawhmi tla amah thisen hen a châwk mi tla chu châwm ding hen nanmah tla leh nan ho na mi tla zawzawng tlûnah a thiamthih u, Thlarau Thenhlimh nih an tlûnah hotu ah a nan siam na asi.

1 KORIN 11:11

Sikhawmsele, Lalpa ah chun nunau hi mipa lo hen a um kho lo, mipa khawm hi nunau lo hen a um kho bâk lo.

1 KORIN 3:5

Apolo chu zei me asi? Pawl khawm chu zei me asi? Rianṭuantu nanmah tla a nan lungtir natu cho an si, chu khawm chu Lalpa nih a pêk na vevê mi hâwi vima asi.

1 KORIN 3:9

Kannih lam chu Pathian rianṭuantu kan si; nannih Pathian lo munma chu nan si. Pathian in sak chu nan si ber.

2 KORIN 1:24

Nan lungnâk lakah lalnâk ka nei ka ti lo le, nanna lâwmnâk ṭangpitu kan si ka ti dauh asi; lungnâk ah dîr nan si dangâiah.

2 KORIN 4:5

Mah thu kan sim lo le, Krist Jisu chu “Lalpa asi” ti kan sim dauh tâwn, kannih khawm Jisu ruangah nan to-aw kan si ti kan sim tâwn.

DEUTERONOMY 32:9

Sikhawmsele, Jakob thlâk tla lam chu amah rang ê ah a thîm na.

PHILIPI 3:17

Unau le tla, ka umdân zûltu hawng si u, chun zauhtawnh ding kanmah nan kan nei le chu hâwi vima um tla chu ṭha hen zauh u.

PHILIPI 4:9

Nan thil sîn tla, nan thil tawng tla, nan thil theih tla, keimah lakah nan thil muh tla khawm kha bang hâwi ti tâwn u; chun lungngamnâk Pathian nih chun a nan umpi na lai.

1 THESALONIKA 1:7

Chun Makedonia leh Greek ram ah lungtu zawzawng tla rangah zauhtawnhnâk nan hawng si kha.

2 THESALONIKA 3:9

kan ti kho lo ruangah asi lo le, nanmah nih nan kan châwng ding hen mi zûnzauh ding hen kanna siam dauh asi.

1 TIMOTHE 4:12

Na ngâksianâk âukhawm nih zauhnawmh lah seh, thusim leikâng tla, changh dân tla lakah, na dâwtnâk, zumhnâk leh thenhlimhnâk lakah lungtu tla zauhtawnh ding hawng si rawh.

TITA 2:7

Khatlei kângah ṭângṭawm mi tla nih kan tlûnah thu ṭhalo rerêng sim ding a nei lo ruangah an ningzak khonâk ding hen, zeizawng ah thil ṭha ti ding leikângah muhtirtu ah a siam le, na sîntirnâk ah chun na dik zia tla, zah na kâi zia tla, na thusim dik zia tla, sâwi kho lo mi chu langhtir rawh.

1 PETER 2:9

Sikhawmsele, mûi ah mi suak hen, a chêu chê tak ah lût ding hen a nan kawh natu Pathian thilchê ti tla nan langhtir khonâk ding hen, nannih chu phun thîm, Lalchem bâwlpu tla, phun thenhlimh, Pathian mi tak nan si.