1 PETER 5:2 - Bawm Common Language Bible Version

² Nan lakah Pathian murui um mi tla chu, ti ding asi ruangah silo hen, Pathian thu hâwi a thinlung thawk bû hen, lawh duh ruang cho silo hen, thinlung ah duh tak bû hen zauhkhenh u.

1 PETER 5:2 ပူးပေါင်းရင်းမြစ်များ

2 Lal 12:6

Sikhawmsele, Joash nih lâi a rêl mi kum kul leh kum thumnâk tiang khawm ah Biakin chu remh asi dahlo rih.

LA TLA LA 1:8

Nunau tla nih an duh chem mi mun na theih lo ma? Kal le, ranrual tla va zûl le, dawrâ vêngtu tla puanin kiangah na kêl tla rangah belh no va hâwl.

ISAI 40:11

A ranrual tla chu dawrâpu hâwi hen a zauhkhenh na lai le, dawrâ fa tla chu a pumh na lai le, a bân hen a put na lai; an pinu tla chu thiamthih tê hen a rui na lai.

ISAI 56:11

Annih chu ui hamkah tâwk ti nei lo mi hâwi an si. Hi bang ruitu tla nih theihthiamnâk zeikhawm an nei lo. An ektê hen mah duhzia zia hen thil an ti le, anmah rangah ṭhatnâk cho an hâwl.

ISAI 6:8

Churawhchun, Lalpa thusim ka theih, “Âu me ka fial lai? Kan mifial chu âu asi awt?” a ti. Kei nih ka sâng le, “Keimah ka kal lai! Hawng ka fial rawh!” ka ti.

ISAI 63:11

Sikhawmsele a lânah Mosi, LALPA to-aw dam liau an theihkumza le, thu an deih, “Tuah a mi ruitu tla tipi lakah mi ruangsuahtu LALPA kha zeiah a um? Mosi sinah a thlarau pêktu LALPA kha zeiah a um?” ti hen.

JEREMIA 13:17

Nan ngâilo mi asi chun, nanna zûm mi ruangah a thuptê hen ka ṭap lai le; LALPA mi tla sal ah kalpi hep an si ruangah lungfâk tak hen ka ṭap lai le, ka mitthli a luang lai.

JEREMIA 13:20

Jerusalem, zauhnik! Na mêlma tla marlei thawk hen an hawng! Nangmah vêngtu ah na rinhsan mi tla leh na mi na putso mi tla zeiah an um rawh?

JEREMIA 6:13

Mikip a lian a mê tangka lakah zumhkâilo tak hen an um; khuavâng leh bâwlpu tla tiang nih mi an perpet.

JEREMIA 8:10

An phâisen chu midang a dâwngpu thar rangah ka pêk na lai le, an nupi tla midang sinah ka pêk na lai. A lian a mê hen tangka leikângah zumhkâilo hen an um. Khuavâng leh bâwlpu tla men nih mi an perpet.

EZEKIEL 34:23

Ka to-âw David hâwi mi lalchem an dawrâpu rangah pakhat ka pêk na lai le, amah nih a zauhkhenh na lai.

EZEKIEL 34:31

“Nannih chu ka dawrâ tla, ka châwm mi dawrâ rual, ka minung tla nan si le, kei lam chu nan Pathian kasi,” LALPA Zahkâi nih a ti.

EZEKIEL 46:24

Chu minung nih chun, “Hi bang tla hi mi nih bâwlnâk an ap mi Biakin rianṭuantu tla buh-an suangnâk in asi,” ti hen hawng ka simh.

MIKAH 3:11

Khuapi sungah lâirêltu tla nih nawhnâk ruangah lâi an rêl le, bâwlpu tla nih a man duh hen dân thu tla an sim, chubang zawng tla nih, ‘LALPA kan sinah a um’ an ti ver. “Kan lakah nganfâk zeikhawm a tlung lai lo. Kan sinah LALPA a um,” an ti.

MIKAH 5:4

A hawng tikah chun LALPA sinah mi chaknâk leh LALPA Pathian amah lalnâk hen a mi tla lâi a rêl piak na lai; laikulh ah mi zawzawng nih a rokualnâk an theih awt ruangah leh thlangamnâk a pêk na awt ruangah a mi tla chu

MIKAH 7:14

LALPA, na thîm mi na minung tla lakah vêngtu si rawh. Ramkaro ah a dangtê hen um menza na khawmsele an kiangkam ah ram ningno tak a um. A lânah an um mi hâwitê hen ram ṭha Basan leh Gilead ram ah kaltir na le, châwm na.

ZEKARIA 11:17

Chu hâwi mi dawrâ vêngtu mang tlâklo chu a vânduai rawh! A dawrâ tla a kaltâk na, râltuknâk nih a thiltikhonâk a veih dep lai. A bân a uai lai le, a vawrhlei mit a chaw lai,” a ti.

MALAKI 1:10

LALPA Zeizawng tikho nih, “Nan lakah minung pakhat nih ka mâichâm tlûnah manglo ding mi mei tih lo ding hen Biakin khâr pang sele ka duh. Nan tlûnah ka lâwm lo, ka sinah thil ap nan hawng put mi ka pawm awtlo.

NUMBER 18:7

Sikhawmsele, nang leh na fapa tla lâwng nih bâwlpu mawhphurhnâk zawzawng mâichâm ah leh Mun Thenhlimh chem ah um mi tla chu nan ti kho lai. Bâwlpu sinâk ka nan pêk na ruangah hi bang thil tla hi nan mawhphurhnâk ding mi tla chu asi. Tawngh kholotu ding mi minung thil thenhlimh kiangah a hawng kaltu chu thah ding asi,” a ti.

LUK 12:32

“Murui tâwm tla, lâu lah u; ram an pêk na mi hi nan Pa lawmhkâng tak asi.

THILTI 20:29

Ka kal nûnah chingngia râng tla nan lakah a hawng lût lai le, murui tla an zuah lai loh ti ka theih.

THILTI 21:13

Chun, Pawl nih a sâng le, “Zei rangah nan ṭap le, nan ka ngaihsia tir? Lalpa Jisu min ruangah chun Jerusalem khua ah phuar cho tâwk ka ti lo le, thih khawm ka iam asi,” a ti.

ROM 1:15

Chuvachun, nannih Rom khua ah um mi tla sinah khawm Thâwngthâng Ṭha sim ding hen ka mawhlah kumza.

1 KORIN 9:7

Kawrsen âu me mah leh mah a châwm hen râltuk dah tâwn? Âunih me a rah ei ṭung lo hen grep dûm tuah dah tâwn? Asi lo chun, âunih me ranrual nûk ei ṭung lo hen ranrual zauhkhenh dah tâwn?

1 TIMOTHE 3:3

zûrît mang lo, vuak mang lo mi, a nunnêm mi, ṭhatlo rawt lo mi, tangka sum sunhsak lo mi,

1 TIMOTHE 3:8

Chu hâwi ber hen kawhmi tla rianṭuantu tla chu mi zahkâi an siding asi; mi ka tam, zû duh mi, lêpnâk nâwmtâm ah hamkah mi an siding asi loh.

TITA 1:11

Chubang tla kâ chu huh piak na ding asi, lêpnâk nâwmtam duh ruangah thu sîntir lo ding mi sîntir hen, mi tla a dâwngsungkhur khur hen an râwk na tâwn.

TITA 1:7

Kawhmi hotu chu Pathian sum zauhkhenhtu asi ruangah simsâwi kawplo mi asi ding asi: mi simhhar, thintâwi, zûrît mang, mi vuak mang, lêpnâk nâwmtâm lakah hamkah mi asi ding asi loh.

TITA 2:14

Anih nih chun buarnâk zawzawngah hawng kan tlanh khonâk ding hen leh phun thîm bîk, thil ṭha ti hen semsêngâi, amah rangah a thenhlimhtir khonâk ding hen, kan ruangrûl ah â pêk kha.

TITA 3:1

Lal tla leh thuneitu tla lakah a pêk ding tla, ê-aw ngâi ding tla, thil ṭha kip ti ding hen a tim ding leh âukhawm simsiat lo ding leh

PHILEMON 1:14

Sikhawmsele, hawng ka zângfah êu ka nan ti mi hâwi silo hen, nangmah thu thu hâwi asi kho dauhnâk ding hen, na thu lo hen zeikhawm ti ka duh lo.

HEBRAI 12:15

Âukhawm Pathian zângfahnâk lakah mi nan tlû lonâk ding hen leh thil khâ chu a hawng ṭhang le, mi tam tak a nawktir na mi hâwi hen nan si lonâk ding hen a thiamthih u.

2 PETER 2:3

Chun, sîntirtu diklo tla nih chun âwkrâwl thu hen sawlehnâk ah an mang na lai. Sikhawmsele, tuan thawk hen an rangah lâirêlnâk chu timh chia asi le, anmah tla tlâutirtu khawm a it lo asi.