1 PETER 5:14 - Bawm Common Language Bible Version

¹⁴ Kristian dâwtnâk châwchawk hen chibai a bûk tawnh u. Krist ah um mi zawzawng nan ektê sinah remnâk um seh.

1 PETER 5:14 ပူးပေါင်းရင်းမြစ်များ

MATHAI 5:47

Chun, nan unau cho chibai nan bûk chun zei tipi me midang tla ngâk hen a lei nan ti? Phundang tla khawm nih chu hâwi hen an ti bâk asi lo mazei?

JOHAN 14:27

“Lungngamnâk ka nan mâk na; keimah lungngamnâk ka nan pêk na; laikulh nih a pêk hâwi hen ka nan pêk na lo hi. Nan thinlung lawksawng lah seh, ṭih khawm ṭih lah seh.

JOHAN 16:33

Hi bang thu hi nan sinah ka sim rawh hi; keimah lak hin nan lungngamnâk ding hen. Laikulh ah hin hamh hen nan um tâwn; sikhawmsele, lungngam tak hen um u, laikulh ka neh rawh,” a ti.

JOHAN 20:19

Chun, chu ni, ni sarih ni masa chem ah, zânleibâi ah, Juda tla ṭih ruangah ṭhiruai tla umnâk inkhâr tla chu an khâr nûn chun, Jisu an lakah a hawng dîr le, an sinah, “Nan tlûnah lungngamnâk um seh,” a ti.

JOHAN 20:26

Chun, ni riat nûnah, a ṭhiruai tla chu in sungah an um nawlh le, Thom khawm an sinah a um bâk. Jisu a hawng kal le, inkhâr tla chu khâr asi le, an lakah a hawng dîr rawh le, an sinah, “Nan tlûnah lungngamnâk um seh,” a ti.

ROM 1:7

Churuangah nannih Rom khua ah um mi tla, Pathian nih a dâwt mi tla leh amah mi tla siding hen kawh mi tla zawzawng sinah ka rîn asi: Pathian kan Pa leh, Lalpa Jisu Krist sinah thawk hen zângfahnâk leh remnâk nan sinah um seh.

ROM 16:16

Chawchawk thenhlimh hen chibai a bûk u. Krist kawhmi murui zawzawng nih chibai an bûk na asi.

ROM 8:1

Chun, tu lam chun Krist Jisu ah um tla rangah chun mawhtirnâk rêng a um lo rawh.

1 KORIN 1:30

Nannih lam chu amah ruangah Krist Jisu lakah chun nan um asi; anih chu Pathian sinah mi kan rangah finghnâk ah siam asi, repnâk ah, thenhlimhnâk ah, tlanhnâk tla hen.

1 KORIN 16:20

Châwchawk thenhlimh hen chibai a bûk chiau u.

2 KORIN 13:12

Châwchawk thenhlimh hen chibai a bûk u.

2 KORIN 5:17

Churuang chun âuzawng Krist ah a um chun thilsiam thar a hawng si; thil li chu a vei rawh; ngâinik u! a hawng thar rawh.

EPHESI 6:23

Pa, Pathian leh Lalpa Jisu Krist thawk hen remnâk leh lungnâk hen, zângfahnâk chu unau tla zawzawng sinah um seh.

1 PETER 1:2

Pathian thiltum hâwi hen Thlarau ah a nan thenhlimhtir na ding leh Jisu Krist ê-aw ngâi ding hen, a thisen hen a nan thiangtir na ding hen amah nih a nan thîm na asi. Nan tlûnah zângfahnâk leh remnâk pungtir hen um seh.

3 JOHAN 1:14

sâwtlotê ah an muh ding ka lungum dauh le, chun, mâitawnh hen kanna sâwn lai.