1 PETER 5:10 - Bawm Common Language Bible Version

¹⁰ Chun, Pathian zângfahnâk zawzawng a zungzâl rokualnâk ting ding hen Krist, a nan kawh natu nih chun sâwtlotê nan tuar nûnah siam rangtling hen, birhtir hen, a nan chaktir na lai.

1 PETER 5:10 ပူးပေါင်းရင်းမြစ်များ

SAM 119:28

Ngaihsiatnâk nih a ka neh; thu na ka tiamh mi hâwi hen hawng ka chaktir.

SAM 138:7

Nawknâk nih hawng ka kulh pang liau khawm ah him tak hen na ka kil. Ka mêlma thinthawk tla chu na do le; na thiltikhonâk hen na ka hum.

SAM 86:15

Sikhawmsele, LALPA nang lam chu, khuaruat mang leh dâwttu Pathian na si; dawnh kho kumza leh vâlnei leh zumhkâi na si.

SAM 86:5

Nang chu kan lakah na ṭha hen na kan ngaihdam, na sinah thlachamtu chu dâwtnâk dawnglo na pêk.

ZEKARIA 10:12

Ka mi tla chu chak tak hen ka siam lai le; keimah an ka sawnh hen ka thu an ngâi lai rawh,” a ti. LALPA nih a sim mi asi.

ZEKARIA 10:6

“Juda mi tla chu chak tak hen ka siam lai le, Israel mi tla chu ruang ka suah na lai. Anmah ka lungkham na lai le, in leiah ka kîrpi ver nawlh na lai. Ka nawng dah na lo mi hâwi hen an um lai. Kei LALPA an Pathian kasi lai le, an thlachamnâk tla ka sâng na lai.

LUK 22:32

Sikhawmsele, na lungnâk a tlâu lonâk ding hen thla ka nan cham piak asi. Na sîr nawlh tikah nangmah nih na unau tla chaktir na,” a ti.

ROM 15:13

Thlarau Thenhlimh thiltikhonâk zârah lungumnâk nan nei tam khonâk ding hen, lungumnâk Pathian nih chun nan lung ruangah lâwmnâk leh remnâk chi kip hen a nan khattir na seh.

ROM 15:5

Chun, kan Lalpa Jisu Krist Pa leh Pathian chu thinlung munkhat leh thurual a kan chawnglawmh khonâk ding hen, felfênâk leh lungngamnâk Pêktu Pathian nih chun Krist Jisu sim hâwi hen, thinlung munkhat put hen a nan umtir na seh.

ROM 16:25

Ka Thâwngthâng Ṭha leh Jisu Krist thusim hâwi hen, thuthup phuangnâk hâwi hen, chu thuthup chu zungzâl thawk hen â thup tâwn.

ROM 9:11

sia leh ṭha an ti lânah, thilti ruang silo hen, a kawhtu duh ruang si dauh hen, thîm leikâng thu ah Pathian thuruat chu a bir khonâk ding hen a sinah chun,

ROM 9:24

Chu zângfahnâk bêl tla chu Juda tla lak mi cho silo hen, Phundang tla lakah mi khawm kawh an si.

1 KORIN 1:10

Chun, unau le tla, nan ektê hen thu bang cho nan sim hen, nan lakah ṭhennâk rêng a um lonâk ding hen, thinlung munkhat leh dawnruatnâk munkhat hen nanna tlâi thlir khonâk ding hen kan Lalpa Jisu Krist min hen ka nan ngiar na.

1 KORIN 1:9

Pathian, a Fapa Jisu Krist kan Lalpa kawmhnâk ah a nan kawh natu kha zumh a kâi asi.

2 KORIN 13:11

A dawnghchem ah chun unau le tla, lâwm tak hen um u. Ṭhat rangtling hen um ule; lungngam tak hen um ule, thinlung munkhat put ule, lungrual tak hen um u; chun zângfahnâk 1eh remnâk Pathian chu nan sinah a hawng um lai.

2 KORIN 4:17

Kanna hamhnâk nêptê, tu mitthlep sung cho ah um ding mi nih hin rokualnâk cherkhet zungzâl rang ding hawng kan siam piak dadauh asi.

PHILIPI 4:13

Krist hawng ka chaktirtu ah chun zeizawng ka ti kho asi.

2 THESALONIKA 2:14

Chu hâwi rang ding chun anih nih chun kan Thâwngthâng Ṭha hen a nan kawh na kha, kan Lalpa Jisu Krist rokualnâk nei ding hen.

2 THESALONIKA 2:17

thil ṭha ti leh thusim ṭha zawzawng ah fawrh hen birhtir seh.

2 THESALONIKA 3:3

Sikhawmsele, Lalpa chu zumh a kâi anih nih chun an chaktir na hen misual lakah chun an hum na lai.

1 TIMOTHE 6:12

Lungnâk zuamnâk ṭha chu ti le, zungzâl nungnâk chu tleih rawh; chu chu ting ding hen kawh na si; theihtu tam tak tla mitmuh ah ṭanhnâk ṭha chu na ṭanh rawh kha.

2 TIMOTHE 1:9

Anih nih chun kan thilti tla hâwi silo hen, amah ruat leh zângfahnâk hâwi dauh hen ruang hawng kan suah le, kawhnâk thenhlimh hen hawng kan kawh le; chu zângfahnâk chu tual tuah lânah Jisu Krist lakah hawng kan pêk rawh.

2 TIMOTHE 2:10

Churuangah, Jisu Krist lakah um mi ruangsuahnâk chu, zungzâl a rokualnâk hen an tawng kho bâk nâk ding hen, thîm tla ruang chun zeizawng ka tuar tâwn.

HEBRAI 9:15

Chun, hi ruangah hin Krist chu thudântuk thar thulanhtu asi, Pathian nih a kawhmi tla chu Pathian nih a tiamh mi zungzâl thudântuk masa tangah buarnâk lakah mi tlanhnâk ding hen Jisu a hawng thi rawh ruangah.

1 PETER 1:15

An kawh natu Pathian chu a thenhlimh hâwi hen, nan thilti zawzawngah a thenhlimh u.

1 PETER 4:10

Mi kip nih thilpêk nan tawng mi chu Pathian zângfahnâk zauhkhenhtu tla hâwi hen, midang tla ṭhatnâk ding hen ti u.

1 PETER 4:11

Mi âuzawng nih thu a sim chun Pathian thu sim seh; mi âuzawng nih rian a ṭuan chun Pathian nih chaknâk a pêk hâwi vima hen ṭuan seh. Churawhchun, Jisu Krist zârah Pathian chu thil zeizawng ah chawnglawmh hen a um kho lai. Rokualnâk leh thiltikhonâk chu zungzâl hen amah tâ asi. Amen.

2 PETER 1:3

Amah rokualnâk leh ṭhatnâk zârah hawng kan kawhtu a thâwngthâng theih ruangah a Pathian thiltikhonâk nih nungnâk leh Pathian sunhsaknâk leikângah chun, thil zawzawng hawng kan pêk asi.

1 JOHAN 2:25

Amah Jisu Krist nih pêk ding hen hawng kan tiamh mi chu zungzâl nungnâk asi.

JUD 1:24

Chun, nan tlû lonâk ding hen an vêng na khotu leh rokualnâk ah lâwptlo tak hen leh nâwmtâm kawplo hen an siah na khotu,