1 PETER 4:9 - Bawm Common Language Bible Version

⁹ Chipchiar lo hen khual a tlungtir tawnh u.

1 PETER 4:9 ပူးပေါင်းရင်းမြစ်များ

GENESIS 24:19

A dintir thluh rawh chun, na sangâwngsâu rang khawm ka than lai le, an duh tâwk hen din na seh,” a ti.

ROM 12:13

mi thenhlimh tla samhphângnâk ah chun, ṭangpi ule, khual tla rangah lawmh kumza na u.

ROM 16:23

Kei leh kawhmi tla tlungnâk in dâwngpupa Gaia nih chun chibai ka nan bûk na. Khuasung sum zauhkhenhtu Erasta leh kan unaupa Kuarta nih chun chibai an bûk na.

2 KORIN 9:7

Mi kip nih siang lo bû hen pêk lo hen, pêk lo kho lo hâwi a ngaih hen pêk ber lo hen, an thinlung ah an tum hâwi vima hen pêk chiau seh. Pathian nih chun lâwm tak a pêktu asi a zângfah tâwn.

PHILIPI 2:14

Sual nei lo leh nun tluang tla, thlâk rualo leh simhngâilo tla lakah Pathian fa simsâwi kawp lo tla nan si khonâk ding hen chipchiarnâk leh êlnâk tla um lo hen zeizawng ti u, chubang lakah chun nungnâk chu pêk hen laikulh ah hin chêutirtu hâwi hen nan lang tâwn;

1 TIMOTHE 3:2

Chun, kawhmi hotu chu simsâwinâk um lo mi, nupi pakhat nei mi, â sûm kho mi, mi thinlung dik tak, mirep, mi lawmh dân thiam, sîntir thiam mi,

TITA 1:8

Mi lawmh dân thiam, ṭha leikâng duh mi, thinlung diktak, mirep, mi thenhlimh, sûm-nâwl kho mi asi ding asi.

PHILEMON 1:14

Sikhawmsele, hawng ka zângfah êu ka nan ti mi hâwi silo hen, nangmah thu thu hâwi asi kho dauhnâk ding hen, na thu lo hen zeikhawm ti ka duh lo.

HEBRAI 13:16

Sikhawmsele, thil ṭha ti leh a ṭangpi tawnhnâk hi philh lah u, chubang hâwi bâwlnâk nih chun Pathian a lawmhtir.

HEBRAI 13:2

Khual tla tlûnah dâwtnâk suah philh lah u; zeimaw mi nih theih lo thlo hen vânmifial tla lawmh hen thil an ti.

JEM 5:9

Unau tla, Pathian nih lâi an rêl piak na lo ding hen pakhat leh pakhat a sâwi tawnh lah u. Lâirêltu chu a nâi le, hawng kal ding hen tîm chia hen a um.