1 PETER 4:6 - Bawm Common Language Bible Version

⁶ Mithi tla chu midang zawzawng tla hâwi hen laikulh ah an um liauah lâirêl piak hen an um le, sikhawmsele, Pathian a nung hâwi hen thlarau ah an nung khonâk ding hen an sinah Thâwngthâng Ṭha simh hen an um.

1 PETER 4:6 ပူးပေါင်းရင်းမြစ်များ

MATHAI 24:9

“Chu tikah chun hamh tuar ding hen a nan tleihtir na lai le, an thah na lai; ka min ruangah phun zawzawng huat nan si lai.

ROM 8:2

Krist Jisu ah nungnâk thlarau Dân nih chun sualnâk leh thihnâk Dân ah mi chu hawng kan suah rawh asi.

GALATIA 2:19

Pathian leikângah ka nung khonâk ding hen kei lam chu dân ruangah dân leikângah ka thi rawh asi.

GALATIA 5:25

Thlarau ah nung kan si chun, Thlarau ber ah kan um nawlh lai.

1 PETER 1:12

Tuah thudik leikâng thu an sim mi nan theih hâwi hen Pathian nih chun khuavâng tla sinah a rianṭuan chu an rangah ṭhatvaknâk rang ding silo hen, nanmah ṭhatvaknâk rang ding dauh hen Pathian chu khuavâng tla sinah â langh asi. Thâwngthâng ṭha simtu mifial tla, vân thawk hen Thlarau thiltikhonâk hen fial mi nih chun hi thudik hi a nan simh na asi. Hi thudik tla hi asi, vânmifial tla khawm nih theih an duh mi chu.

1 PETER 3:18

Churuangah, Krist ngelchel chu nan rangah a thi le, sual tla ruangah mi zawzawng rangah veikhat a thi le, Pathian sinah hawng kan ruai ding hen mi ṭhalo ruangrûl ah mi ṭha a thi. Taksa ah chun thah hen a um le, thlarau ah chun nunh hen a um.

1 PETER 3:19

Thlarau hen a kal le, rêngin ah mi thlarau tla sinah thu a sim.

THUPHUANG 14:18

Chun, vânmifial dang mei tlûnah thuneitu chu mâichâm thawk hen a hawng sim nawlh le; anih nih chun hâu fâk tak hen, vânmifial favah hâr tak a put mi sinah chun “Na favah hâr tak kha mang le, tual ah grep rah sûr tla khi va ât rawh, grep rah tla a min ver rawh khi,” ti hen a âu.