1 PETER 4:4 - Bawm Common Language Bible Version

⁴ Tuah anmah nuamchênnâk lakah nanna tel bâk lo ruangah lunglotu tla nih chê an ti le, an simsiat na tâwn asi,

1 PETER 4:4 ပူးပေါင်းရင်းမြစ်များ

MATHAI 23:25

“Dân sîntirtu leh Farisai perpê tla! Nan tlûn a pit! Hâi leh khêng lênglei nan ṭâwl thiang le, a sunglei lam chu a thup hen lêpnâk leh sûm kholonâk hen a khat ṭung.

LUK 15:13

Chun, ni sâwtlotê ah â fapa a ngâksia dauh mi nih chun a tingvo a khawmh hep le, ram lât takah a kal. Chunah chun nuam tuktarâi hen a um le, a sum chu a veih salam rawh.

THILTI 13:45

Sikhawmsele, Juda tla nih mi zapi an muh kâ hen thungâi an nahsuah na; Pawl thusim chu an êl le, an râp.

THILTI 18:6

Sikhawmsele, an do le, an fâi le, Pawl nih a puan a thing le, an sinah, “Nan thihnâk mawh chu nanmah nih phurh ko u, kei lam chu ka thiang asi; tu thawk hen Phundang tla sinah ka kal lai,” a ti.

ROM 13:13

Sûn ah um hâwi hen dawh tak hen kan um lai, zû din nawk leh zû rî a um lo hen, hur leh a duh a um lo hen, sual leh a nahsuah a um lo hen.

EPHESI 5:18

Chun, uain rî hen um lah u, chu lak chun sûmkholonâk a um ruangah; Thlarau a khat hen um dauh u.

1 PETER 2:12

Lunglotu tla lakah nan changh zia chu ṭha tak si seh; chun thilsual titu tla hâwi hen an simsiat na mi lakah chun nan thil ṭha ti tla an theihthiam tikah a hawng kalnâk Ni ah Pathian an chawnglawmh kho lai.

1 PETER 3:16

Sia leh ṭha theihnâk thiang tak nei ule, an simsiat na nâk leikângah Krist ah nan umdân ṭha sâwitu tla chu mualpho hen an um kho lai.

2 PETER 2:12

Sikhawmsele, hi bang dawnruatnâk nei lo tla hi, vâkrit hâwi cho hen suak an si le, thil an theihthiam lo mi tla chu an simsiat le, anmah khawm ramsa hâwi hen veih hen an um lai.

2 PETER 2:22

“Ui amah luak leiah a kîr le, vawkpi â ṭâwl thiang rawh mi khawm nêngthû ah a bual ding hen a kîr nawlh” ti thufing dik tak chu an tlûnah a hawng lang rawh asi.

JUD 1:10

Chu tla nih chun thu an theih lo mi tla chu an simsiat le, dawnruatnâk nei lo, ram sa tla hâwi hen, theihnâk anna suakpi mi nih chun anmah tla a râwk na.