1 PETER 4:3 - Bawm Common Language Bible Version

³ Chuvachun, lunglotu tla nih ti ding hen an duh mi chu a lânah nan ti tâwk ual rawh. Nan nungnâk tla chu, hurnâk tla, taksa duhnâk tla, uain duhnâk tla, zû mun ah lâwmnâk tla, zû din murui tla, ruk sawnhnâk nâwmtâm tla lakah nan um kha.

1 PETER 4:3 ပူးပေါင်းရင်းမြစ်များ

2 SAMUEL 13:28

a to-aw tla khawm a simh zet na, “Amnon rangah zû cherkhet dinh u le, thah ding hen thu kan pêk na tikah amah chu thah ko u, ṭih rîlmâl lah u, a mawh chu keimah nih ka phurh lai, zâm lo hen râlṭha tak hen um u,” a ti,

1 Lal 21:26

Israel mi tla an kalnâk kip ah LALPA nih a nar na mi Amor tla nih an sawnh mi milem hen sual ningzakkâi a ti.)

2 CHRONICLES 15:8

Asa nih Oded fapa Azariah thusim a theih rawh chun a thin a bir rawh. Juda ram leh Benjamin ram ah milem zawzawng leh Efraim tlâng ram ah khuapi a lâk na mi lakah milem zawzawng a thenh peng. Biakin kulh sungah mi LALPA mâichâm khawm a tharh nawlh.

ISAI 28:7

Khuavâng leh bâwlpu tla tiang men zû an rî le an hâwr. Uain leh a hâng tla an din tam tuktarâi le, an tlû le, anna nawk. Khuavâng tla khawm an din zia a tam tuk ruangah langhnâk tla Pathian nih a hawng pêk mi an theihthiam lo, bâwlpu tla khawm uain an din tam tuktarâi le, thurêl ding an hawng put mi tla rêl kho lo hen an um.

ISAI 5:11

Râwk leh siat hen na um rawh! Zîngtê na thawk le, zû din na dawmh le, zânlei tiang hen na rî.

ISAI 65:4

Zân ah thlân leh pûk tla ah mithi thlarau sinah thu deih ding hen an kal. Vawksa tla an ei le, lunglotu tla bâwlnâk ah ap mi meh an suang mi hâng an din.

JEREMIA 16:11

LALPA nih, ‘Nan thlâktu nih an hawng ka hertâk le, pathian dang tla an sawnh hen a rian an ṭuan. An hawng ka kaltâk le, ka sîntir na mi an zûl duh lo.

JEREMIA 16:18

Ka ram chu ruak hâwi hen a nung lo mi milem hen an nâwmtir hen an pathian diklo tla hen an khattir ruangah an ṭhatlonâk leh an sual man chu a lehnih hen ka pêk na awt,” a ti.

EZEKIEL 44:6

“Kei, LALPA Zahkâi nih, thil fihnungkâi an ti mi tla ka tuar kho lo rawh ti Israel mi hel tla simh na.

EZEKIEL 45:9

LALPA Zahkâi nih, “Nannih Israel lâirêltu tla, nan sual zia a sâwt tuktarâi rawh! Mi rangah siatnâk nan ti mi leh nan nâunehnâk bâng u. A dik mi leh â rep mi ti u. An ram sungah mi ka mi tla nan suaktir na ding asi lo rawh. Kei, LALPA Zahkâi nih hi hi ka nan simh na asi.

MARK 7:22

ṭangdang pawmtâknâk tla, ngarhnâk tla, sualnâk tla, bumnâk tla, simsiatnâk tla, khâwngnâk tla leh âtnâk tla hi.

THILTI 17:30

Pathian nih chun amah kan theihlo liauah a ngaihzia hawng kan thiam piak tâwn le; sikhawmsele, tuah ramkipah mi zawzawng rim ding thu a pêk rawh asi,

ROM 13:13

Sûn ah um hâwi hen dawh tak hen kan um lai, zû din nawk leh zû rî a um lo hen, hur leh a duh a um lo hen, sual leh a nahsuah a um lo hen.

1 KORIN 12:2

Lunglo tla nan si liau khan zei ti kâng tal hen an ruai na nâk zawng ah khabang ruk hawlh kho lo tla leiah khan tlâupi hen nan um ti nan theih.

1 KORIN 6:11

Chun, nannih zeimaw mi chu hâwi mi nan si tâwn kha. Sikhawmsele, Lalpa Jisu Krist min leh kan Pathian Thlarau ah ṭâwl thiang nan si rawh, thenhlimh mi nan si rawh le, mawhtir lo mi nan si rawh.

2 KORIN 12:21

ka hawng kal tikah ka Pathian nih nan lakah a hawng ka mualphoh nawlh hen, a lân thilsual titu tla lakah thil nâwmtâm ti tla, a duh mi tla, hur tla ching hen rim lo mi, mi tam tak tla chu ka ṭappi na lai ti ka ṭih asi.

GALATIA 5:19

Chun, taksa thilti tla chu a lang fiang asi; chubang chu hi hi asi:

GALATIA 5:21

nahsuahnâk, zû rîtnâk, zû mun ah lâwmnâk tla, hi bang tla hi: Chubang tla chu a lânah, chu hâwi thil ti mang tla nih chun Pathian Ram anna ting lai loh ti ka nan simhkan na hâwi khan ka nan simhkan na hi.

EPHESI 5:18

Chun, uain rî hen um lah u, chu lak chun sûmkholonâk a um ruangah; Thlarau a khat hen um dauh u.

TITA 3:3

Kannih khawm a lânah â tak leh ê-aw ngâilo leh perpet mi leh, duhnâk leh lawmhnâk kip leikângah pial mi leh sual leh nahsuah mang hen um mi leh fihnungkâi leh a huat tawnh mi tla kan si ruangah.

1 PETER 1:14

Pathian lakah ê-aw ngâi u, nan ât liauah duhnâk nan nei mi hâwi a um ding hen nan nungnâk tla chu siang lah u.

JUD 1:4

Pathian thu lunglo tla a thup hen kan sinah an hawng lai le, Pathian zângfahnâk thu chu râwk hen anmah duhzia a um tum hen Jisu Krist kan Lal leh Hotu an duh lo, hi mawh hen an um ding mi tla hi a lân thawk hen Pathian lasui thu nih a sim ving rawh asi.