1 PETER 4:19 - Bawm Common Language Bible Version

¹⁹ Churuangah Pathian duhzia hâwi hen tuartu tla nih chun thil ṭha ti hen amah Siamtu zumhkâi tak sinah a kiltir na seh.

1 PETER 4:19 ပူးပေါင်းရင်းမြစ်များ

ESTHER 4:16

“Juda zawzawng Susa ah pumh ver na le, ka rangah buh ngei hen thlacham u. Ni thum leh zân thum chu buh ei leh tî dinlo hen um u. Ka to-aw nungâk leh kei khawm nih chu hâwi kan ti bâk lai. Chu tikah dân si lah khawmsele lal sinah ka va kal lai, churuangah thi ding asi âwk le, ka thi ko lai,” a ti.

SAM 138:8

LALPA, thu na tiamh mi zawzawng chu na ti lai le, na dâwtnâk a dawnglo. Na rianṭuan na dawmh mi chu lîm rawh.

SAM 31:5

Nangmah zauhkhenh ding hen ka pêk. LALPA, nang chu Pathian zumhkâi na si ruangah na ka hum lai.

SAM 37:5

Nangmah kha LALPA sinah a pêk le; amah chu zumh le, a nan ṭangpi lai.

ISAI 43:21

Keimah rang ding ê hen ka siam na mi an si le, keimah sawrnâk la an sak lai,” a ti.

ISAI 43:7

Keimah mi tak an si le, hawng ka rokualtirtu rangah ka siam na mi an si,” a ti.

DANIAL 6:22

Pathian nih a vânmifial a hawng fial le, chakeibaknei nih hawng ka seh kho lo ding hen an kâ a chîp piak pang, hi hi thilsual ka ti lo ruangah leh nang lal tlûnah khawm thil pawi ka tilo ti a theih ruangah a ti mi asi,” a ti.

LUK 23:46

Chun, Jisu chu hâu fâk tak hen a âu le, “Pa, na kut ah ka thlarau ka nan kiltir,” a ti. Chun, chu chu a ti thluh rawh chun a nukrî a chat rawh.

THILTI 7:59

Chun, Stephen nih, “Lalpa Jisu, ka thlarau lâk rawh,” ti hen, Lalpa a kawh liauah lung hen an seh chiam.

ROM 2:7

Thil ṭha ti rarâm hen, rokualnâk leh chawnglawmhnâk leh thi kho lo mi nungnâk hâwltu tla sinah chun zungzâl nungnâk a pêk lai.

2 TIMOTHE 1:12

Churuang chem asi, hi bang thil khawm hi ka tuar mi chu; sikhawmsele ka ningzak lo; ka lung mi Pathian chu ka theih, a sinah ka kiltir mi chu, chu Ni rang ding ah chun ṭha dek hen a kil kho ti dik tak hen ka theih ber.

1 PETER 2:15

Nan thil ṭha ti hen mi a hawlh salam mi tla chu na bângtir ding hen Pathian nih a nan duh na asi.

1 PETER 3:17

Thilsual ti ruangah tuar ngâk chun, Pathian rem tizia asi chun, thil ṭha ti ruangah tuar hi a ṭha dauh.

1 PETER 3:20

Chu tla chu a lânah, Noa san ah lawng sâi liauah, Pathian nih dawnhkho tak hen a ngâk na liauah lung ding duhlotu tla thlarau an si. Lawng ah mi tâwmtê, pariat cho tî lakah mi ruangsuak hen an um;