1 PETER 4:18 - Bawm Common Language Bible Version

¹⁸ Pathian lasui thu nih, “Mi ṭha tla rang men ah ruangsuah a har chun, Pathian nei lo mi leh misual tla rang chun zei hâwi dek asi lai?” ti hen, a sim hâwi khan.

1 PETER 4:18 ပူးပေါင်းရင်းမြစ်များ

GENESIS 13:13

Chunah minung tla chu LALPA tlûnah an sual le, an ṭhalo.

THUFING LASUIBU 11:31

Mi ṭha chu hi tual tlûn khawm ah lâwmman pêk hen a um le, misual leh mi ṭhalo chu rêp hen an um ding na theih chia an si.

JEREMIA 25:29

Keimah khuapi thawk hen ka râwknâk rian chu ka dawmh awt. Rêp lo hen suak ding ma anna ruat? Si rilmâl lo, rêp an si ngelchel lai, tual tlûnah mi zawzawng tlûnah râltuknâk ka tlungtir awt ruangah. Kei, LALPA Zeizawng tikho nih ka sim asi.

EZEKIEL 18:24

“Sikhawmsele, mirep nih thil ṭha ti a bâng hen, thilsual ti a dawmh sele, misual nih an ti mi thil fihnungkâi ti sele, a nung lai ma? Nung lai lo! A thil ṭha ti tla zeikhawm theih piak asi lai lo. Zumh a kâilonâk leh a sualnâk ruangah a thi lai.

ZEKARIA 13:9

Churawhchun, a mun thumnâk a thibang chu mei nih tangka a thiangtir mi hâwi hen ka thiangtir lai. Ngûn nik mi hâwi hen ka nik na lai. Churawhchun, ka sinah thla an cham lai le, ka sâng na lai rawh. Ka mi le an si ti ka simh na lai le, annih khawm nih kan Pathian na si an hawng ka ti bâk lai rawh,” a ti.

LUK 15:1

Chun, siah khawlhtu tla leh misual tla zawzawng nih a thu theih ding hen a kiangah an hawng fûk.

LUK 23:31

Thing ring lak men ah hi hâwi an ti chun, a châr mi lak châng chun zei tluk dek an ti lai?” a ti.

THILTI 14:22

“Hamhnâk tam tak tuar hen Pathian Ram ah kan lût ding rerêng asi,” ti hen ṭhiruai tla thinlung an birhtir le, lungnâk ah chun um kumza ding hen an fawrh vima na.

THILTI 27:24

‘Pawl ṭih lah, Kaisar mâika ah na dîr ding asi; chun, ngâinik, lawng lakah na sinah kal mi zawzawng tla khawm Pathian nih a nan pêk,’ hawng ka ti asi.

THILTI 27:31

Chu liauah Pawl nih chun kawrsen zâ hotu leh kawrsen tla sinah chun, “Hi bang tla hi lawng ah an um ko lo chun an him lai loh,” a ti.

ROM 1:18

Thutak rep lo tak a khamtu tla Pathian sunhsaklonâk leh replonâk zawzawng tlûnah vân thawk hen Pathian thinthawknâk a hawng lang asi.

ROM 5:6

Kan chak lo liau khan, a tik takah Krist chu misual ruangrûl ah a thi rawh ruangah.

ROM 5:8

Sikhawmsele, Pathian nih chun a kan dâwtnâk chu sawr tlâk hen a langhtir le, misual tla kan si liauah Krist kan ruangrûl ah a thi ruang khan.

1 KORIN 10:12

Churuangah, dîr hen a râlring mi chu a thiamthih seh, chu lo chun a tlû lebang lai.

1 TIMOTHE 1:9

Hi tla hi theih sele, Dân hi mi ṭha rangah siam asi lo le, dân siarlotu, buartu tla, Pathian sunhsaklotu tla, misual tla, mi thenhlimh lo tla, Pathian zahlotu tla, pa mawh nu mawh thahtu tla,

HEBRAI 4:1

Churuangah, kan ṭih ding asi, chu lo chun Pathian dinhnâk ah lûtnâk ding thutiam um ko hen, nan lakah âumawh a dinhnâk ah lût kho lo hen nan um lebang lai.

JEM 5:6

Mi rep chu nan mawhtir le, nan thah, chun anih nih chun an do na lo.

1 PETER 5:8

Ruat tet ule, a ringrâwn u: Nan leido Diabol chu chakeibaknei hâwi hen âumawh veih ding hâwl hen nan kiangkam ah a hûk asi.

2 PETER 3:7

Sikhawmsele, tuah vân tla leh tual um mi tla hi, Pathian thu ber hen mei hen veih an si lai le, Pathian sunhsaklo tla lâirêlnâk leh veihnâk ding ni rangah siah an si.

1 SAMUEL 15:18

Amalek misual tla chu veih hep ding hen thupêk hen an fial mi na si. Thah hep tiang do na ding hen simh na si.