1 PETER 4:17 - Bawm Common Language Bible Version

¹⁷ Lâirêlnâk dawmh ding hen tik chu a hawng tlung rawh, chun Pathian mi tla chu lâirêl piak masa ding asi. Kanmah lakah â dawmh chun Pathian thawk hen Thâwngthâng Ṭha lunglotu tla dawnghnâk chu zei hâwi dek asi lai?

1 PETER 4:17 ပူးပေါင်းရင်းမြစ်များ

ISAI 10:12

Sikhawmsele, Lalpa nih, “Zion Tlângah leh Jerusalem ah thil ka ti mi ka lîm tikah, Asiria lal lianchem zûm hen â khâwng mi chu ka rêp lai ” a ti.

JEREMIA 25:29

Keimah khuapi thawk hen ka râwknâk rian chu ka dawmh awt. Rêp lo hen suak ding ma anna ruat? Si rilmâl lo, rêp an si ngelchel lai, tual tlûnah mi zawzawng tlûnah râltuknâk ka tlungtir awt ruangah. Kei, LALPA Zeizawng tikho nih ka sim asi.

JEREMIA 49:12

“Rêp ding hen a dêng lo mi khawm nih rêpnâk hâi a din bâk lai, rêp lo hen um ding ma nâ ruat? Si rîlmâl lo, hâi lakah mi chu na din ding asi!

EZEKIEL 9:6

Tar tla, tlangvâl tla, nungâk tla, nu tla, ngâksia tla thah na u. Sikhawmsele an chal ah singsiahnâk neitu tla chu tawngh lah na u. Hi ka Biakin thawk hen dawmh u,” a ti. Churawhchun, Biakin ah dîr mi ruitu tla hen anna dawmh rawh.

AMOS 3:2

“Hi tual tlûnah phun zawzawng lakah nanmah cho hi kan theih na hen kan zauhkhenh na mi chu nan si, chu hâwi mi nan si ruang chun nan sual tla ṭihnung a kâi hen ka nan rêp na san chu asi,” a ti.

MALAKI 3:5

LALPA, Zeizawng tikho nih, “Lâirêl ding hen nan lakah ka hawng a langh lai le, dâwithiam, ṭângdang pawm mang, thâwngthâng diklo simtu, rianṭuantu tla lawh lakah perpettu leh numei tla, ngâkṭah tla, ramdang minung lakah nâunehtu leh hawng ka zahlotu zawzawng sâwi hen thu ka sim awt.

LUK 23:31

Thing ring lak men ah hi hâwi an ti chun, a châr mi lak châng chun zei tluk dek an ti lai?” a ti.

ROM 1:1

Pawl, Jisu Krist to-aw, mifial siding hen kawh mi, a Thâwngthâng Ṭha sim ding hen Pathian nih a kawh mi nih chun:

ROM 2:9

Minung thilsual titu tla tlûnah hamhnâk leh ngaihsiatnâk fâk tak a um lai le, Juda tla tlûnah a um masa lai le, chun Phundang tla tlûnah khawm a um lai.

GALATIA 3:1

Aw, Galatia ram a mi â tla! âunih an dâwi na? Nan mitmuh ngelchel ah Jisu Krist chu khenhbêk hen fiang tak a langhtir asi mi.

GALATIA 5:7

Ṭha tak hen nan tek tâwn khateh; thudik chu nan zâwt lonâk ding hen âunih a nan kham na?

GALATIA 6:10

Chun, tik a rem zia hâwi vima hen mi zawzawng tlûnah thil ṭha kan ti lai, lungnâk dâwngsung tla lakah mi tlûnah kan ti dauh chem ding asi.

1 TIMOTHE 3:15

Sikhawmsele sawt ual ka um dah ah Pathian dâwngsung tla lakah mi zei hâwi hen an um ding me si na theih khonâk ding hen rîn asi, Pathian dâwngsung tla chu Pathian nung kawhmi tla, thudik tung leh ngauhnâk an si.

HEBRAI 11:8

Abraham chu Pathian nih a kawh liau khan lungnâk hen Pathian nih pêk ding hen a tiamh mi ram leiah a suak le, a kalnâk lei ding khawm theihlo hen a suak le, a ram chu a mâk rawh.

HEBRAI 2:2

Vânmifial tla mang hen thu sim kha a dik asi ti a zauhtir asi, chun âuzawng chu chu zûllotu mawh zâwtlotu chu rêpnâk a tawng ding hâwi hen a tawng vima tâwn.

HEBRAI 2:4

Pathian khawm nih singsiahnâk tla leh thilchê tla leh thiltikhonâk zeizawng theihpi na hen, amah duhzia hen Thlarau Thenhlimh thilpêk tla chu a ṭhen tâwn.

HEBRAI 3:6

Krist chu Pathian in ah thuneitu fapa asi hâwi hen zumh a kâi asi, kan lungum mi lakah kan râlṭhatnâk leh kan lungnâk bir tak hen kan tleih thlir chun Pathian in kan si.

HEBRAI 5:9

Chun, rangtling tak hen siam a hawng si rawh chun ê-aw ngâitu zawzawng rangah zungzâl ruangsuahnâk phûrpi a hawng si rawh.

1 PETER 2:5

Lung nung tla hâwi hen amah sinah hawng u, chun thlarau lei in saknâk ah mang ding hen a pêk u. Jisu Krist zârah Pathian sinah thlarau lei bâwlnâk pawmtlâk ap ding hen chunah chun, bâwlpu thenhlimh nan si lai.

1 PETER 2:8

Chun, Pathian lasui thu dang nih, “Hi lung hi minung tla tlûktirtu ding chu asi, anmah tlûktirtu lungpi chu,” ti hen, a sim. An rangah Pathian duhzia thu an lung lo ruangah an tlû rawh.