1 PETER 4:14 - Bawm Common Language Bible Version

¹⁴ Krist lungtu nan si ruangah fâi nan si chun nan thaw a suak, rokualnâk Thlarau leh Pathian Thlarau chu nan lakah a um ruangah.

1 PETER 4:14 ပူးပေါင်းရင်းမြစ်များ

1 Lal 10:8

Na nupi tla chu an vân a ṭha a! Na to-aw tla na mâika ah um kumza hen na finghnâk thusim theih tâwntu tla chu an vân a ṭha chiam e!

2 Lal 2:15

Jeriko khua mi khuavâng sâwmnga tla nih Elisa chu an muh le, “Elija thiltikhonâk chu Elisa sinah a um ving rawh,” an ti. Amah va tawng ding hen an kal le, mâi an mûk.

SAM 146:5

Amah ṭangpi ding hen Jakob Pathian neitu leh Pathian lakah a ngauh mi chu a thaw a suak.

SAM 49:9

Nung kumza ding leh thlân lakah kal lo ding hen zei tal a pêk khawmsele â tâwk rêng lai loh.

SAM 89:51

LALPA! na mêlma tla nih na lal thîm an zauhnawmh, a kalnâk kip ah an zauhnawmh.

ISAI 11:2

LALPA thlarau nih finghnâk a pêk lai le, a mi tla lâirêl ding hen theihnâk leh thiamnâk a pêk lai. LALPA duhzia a theih hen a zah lai,

ISAI 25:8

LALPA zahkâi nih thihnâk chu a veih pawt awt rawh! Mikip mitthli chu a nâwt piak ver na lai le, laikulh pumpi ah a mi le ningzakkâi tak hen tuarnâk chu a lâk piak ving na lai. LALPA amah ngelchel nih a sim mi asi.

ISAI 51:7

Nannih thil dik theihtu tla, nan thinlung ah ka nan sîntir na mi kiltu tla, ka thu ngâi u. Mi nih a nan nihsanh hen an siar na lo tikah chun tih lah u;

MATHAI 5:11

“Mi nih keimah ruangah an fâi na hen, an nehsawh na hen, âwkrâwl hen sual kip hen an phiar na tikah nan thaw a suak lai.

MATHAI 5:16

Chu hâwi ber hen nan chêu chu mi mitmuh ah chêu seh, chuvachun nan thil ṭha ti tla an muh lai le, nan Pa vân ah mi an chawnglawmh kho lai.”

LUK 6:22

“Minung Fapa ruangah mi nih an hua na hen, an nawng na hen, an fâi na hen, nan min a ṭhalo ti hen an lawnh tlak na tikah nan thaw a suak teh lai!

JOHAN 15:21

Sikhawmsele, hi bang thil zawzawng hi ka min ruangah nan tlûnah an ti lai, hawng ka fialtu an theih lo ruangah.

JOHAN 8:48

Chun, Juda tla nih chun a sinah, “Samaria mi khuri nei na si kan ti mi kha, kan dik ngen lo ma?” an ti le, an sâng.

JOHAN 9:28

Chun, annih nih chun an fâi le, “Nang hi amah ṭhiruai na si le, kannih lam chu Mosi ṭhiruai tla kan si.

JOHAN 9:34

Chun, annih nih chun a sinah, “Nang sual lumpi hen suak na si, nangnih na hawng kan simh bâk mu?” an ti le, an sâng. Chun, anih chu an nar rawh.

THILTI 13:45

Sikhawmsele, Juda tla nih mi zapi an muh kâ hen thungâi an nahsuah na; Pawl thusim chu an êl le, an râp.

THILTI 18:6

Sikhawmsele, an do le, an fâi le, Pawl nih a puan a thing le, an sinah, “Nan thihnâk mawh chu nanmah nih phurh ko u, kei lam chu ka thiang asi; tu thawk hen Phundang tla sinah ka kal lai,” a ti.

THILTI 28:22

Khawmsele, hi murui hi ram kip ah simsiat an si le, nangnih zeitin na ngaih, theih kan duh,” an ti.

THILTI 5:41

Chun, lâirêltu tla lakah thawk hen an suak le, chu min ruangah chun mualpho tuar tlâk ah ruat an si ruangah chun thungâi anna lâwm.

2 KORIN 12:10

Churuangah, Krist ruangah chaklonâk tla ah, siatnâk tla ah zirhnâk tla, nehsawhnâk tla, vânduainâk tla ka lawmh tâwn; ka chak lo kip ah asi ka chak tâwn.

2 KORIN 4:10

Kan taksa ah hin kumleza hen Jisu thihnâk chu kan put vima tâwn le, Jisu nungnâk khawm kan taksa ah hin a lang khonâk ding hen.

2 KORIN 4:16

Churuang chun kan duai lo le, kan lênglei minung hi hawng rawp dadauh khawmsele kan sunglei minung chu nisiar siamthar vima hen a um dauh asi.

GALATIA 1:24

Chun, keimah ruangah Pathian an chawnglawmh rawh.

HEBRAI 11:26

Mesia ruangah tuarnâk chu Aigupta ram rothil tla ngâk hen sum rokual dauh ah a ruat le, mâilei ah lâwmman pêk ding mi chu a chuanh ruangah.

JEM 1:12

Niknâk lakah zumhkâi tak hen um kumzatu chu a thaw a suak! Niknak chu a tuar kho tikah chun, nungnâk lallukhuh pêk asi lai; chu chu Pathian nih amah dâwttu tla rangah pêk ding hen a tiamh na mi lâwmman chu asi.

JEM 5:11

Tuar khotu tla chu mi thawsuak kan ti na. Job felfê zia chu nan theih, Lalpa nih a dawnghnâk ah a ti zia khawm kha nan theih, Lalpa chu siherhnâk leh khuaruatnâk hen a khat zia khawm kha.

1 PETER 2:12

Lunglotu tla lakah nan changh zia chu ṭha tak si seh; chun thilsual titu tla hâwi hen an simsiat na mi lakah chun nan thil ṭha ti tla an theihthiam tikah a hawng kalnâk Ni ah Pathian an chawnglawmh kho lai.

1 PETER 3:14

Thil dik ti ruangah tuartu ding nan si chun nan thaw a suak. Minung tla khawm ṭih lah ule, lungdawng lah u.

1 PETER 3:16

Sia leh ṭha theihnâk thiang tak nei ule, an simsiat na nâk leikângah Krist ah nan umdân ṭha sâwitu tla chu mualpho hen an um kho lai.

1 PETER 4:16

Sikhawmsele, Kristian na si ruangah na tuar chun ningzak lah, Krist min hen na tuar ruangah chun Pathian sinah lâwmthu sim lehlam rawh.

2 PETER 2:2

Chun, mi tam tak nih an hurnâk leikâng thilti an zûl lai le, chu an thilti ruang chun thudik chu simsiat asi lai.