1 PETER 4:13 - Bawm Common Language Bible Version

¹³ A rokualnâk langh hen a um tikah lâwmnâk rangtling hen nan um khonâk ding hen Krist tuarpitu nan si ti theih hen a lâwm dauh lehlam u.

1 PETER 4:13 ပူးပေါင်းရင်းမြစ်များ

ISAI 25:9

Chu chu a hawng tlung tik chun, mikip nih, “Kan Pathian asi! Amah chu kan rinhsan le, ruang hawng kan suah rawh. Amah chu LALPA asi! Amah chu kan rinhsan le, tu chun ruang hawng kan suah ruangah kan lâwptlo hen kanna lâwm rawh,” an ti.

ISAI 35:10

Jerusalem chu lâwm bû hen an va tleng lai le, la an sak lai le, lâwm ruangah an âu lai. Anna lâwm kumza lai le, ngaihsiat leh lungzûrnâk kumleza hen an nei lai lo rawh.

ISAI 51:11

Ruang na suah mi tla nih Jerusalem chu lâwmnâk hen lâwm ruangah lasak leh âu bû hen an tlung lai. Lâwptlo tak hen an um kumza lai le ngaihsiatnâk leh lawksawngnâk lakah mi chu an thaw a suak kumza lai rawh.

MATHAI 16:27

Minung Fapa hi a vânmifial tla hen a Pa rokualnâk a thuam hen a hawng kal awt ruangah; chu tik chun mikip an thilti hâwi vima hen a rulh chiau lai.

MATHAI 25:21

Anih nih chun a sinah, ‘To-aw ṭha leh zumhkâi, na ti zia a ṭha, tâwmtê tlûnah zumh na kâi le, tam tak tlûnah ka nan umtir lai; na pu lâwmnâk ah lût rawh,’ a ti.

MATHAI 25:23

A pu nih chun a sinah, ‘To-aw ṭha leh zumhkâi na ti zia a ṭha; tâwmtê tlûnah zumh na kâi le, tam tak tlûnah ka nan umtir lai; na pu lâwmnâk ah lût rawh,’ a ti.

MATHAI 25:31

“Sikhawmsele, Minung Fapa hi, a vânmifial tla zawzawng hen, a rokualnâk hen a hawng kal tikah a rokualnâk laltophah ah a to lai.

MATHAI 25:34

Chu tikah chun Lalchem nih chun a vawrhlei ah mi tla sinah, ‘Ka Pa malsâwm mi tla, hawng ule, laikulh siam tîr thawk hen nan rangah Ram timhtuah mi chu a ting u.

MATHAI 5:12

Lâwm ule, lâwptlo hen um u; vân ah nan lâwmman a tam ruangah. Chu hâwi ber hen nanmah lânah khuavâng um tla khawm an nehsawh na tâwn.

MARK 8:38

Âuzawng tu san zumhkâilo leh thilsual ti mang tla lakah keimah leh ka thu zahpitu zawng chu, Minung Fapa nih hin vânmifial thenhlimh tla hen a Pa rokualnâk ah a thuam hen a hawng kal tikah chun chu minung chu a hawng zahpi bâk lai,” a ti.

LUK 17:30

Chu hâwi ber hen Minung Fapa hi a hawng a langh ni ah chun a um lai.

THILTI 16:25

Sikhawmsele, thanṭim ah Pawl leh Sila chu Pathian sinah thla an cham le, la an sak le, rêngtlâk tla nih an ngâi.

THILTI 5:41

Chun, lâirêltu tla lakah thawk hen an suak le, chu min ruangah chun mualpho tuar tlâk ah ruat an si ruangah chun thungâi anna lâwm.

ROM 5:3

Chun, chu ko chu silo hen kanna hamhnâk khawm ah lâwm hen kan um, hamhnâk nih chun felfênâk a siam le,

ROM 8:17

Chun, fa tla kan si chun ro tingtu tla kan si le, Pathian ro tingtu, Krist tingpitu tla kan si. Jisu kan tuarpi tatak chun a sinah chawnglawmh hen kan um bâk lai.

ROM 8:18

Tu liau tuarnâk tla hi, hi nûnah kan tlûnah rokualnâk langhtir ding mi hen chun tahṭhimh tlâk ah ka ruat lo.

2 KORIN 1:5

Krist tuarnâk tla chu kan tlûnah a leiluat hâwi hen kan lungngamnâk hi Krist zârah a leiluat asi.

2 KORIN 1:7

Chun, hamhnâk ting bâk mi tla nan si hâwi hen lungngamnâk ting bâk mi nan si ti kan theih hen kan lungum piak na nâk hi a bir asi.

2 KORIN 4:10

Kan taksa ah hin kumleza hen Jisu thihnâk chu kan put vima tâwn le, Jisu nungnâk khawm kan taksa ah hin a lang khonâk ding hen.

2 KORIN 4:17

Kanna hamhnâk nêptê, tu mitthlep sung cho ah um ding mi nih hin rokualnâk cherkhet zungzâl rang ding hawng kan siam piak dadauh asi.

PHILIPI 3:10

a thihnâk va bangh a thi hen, amah hen a thawknawlhnâk thiltikhonâk hen, a tuarnâk tla bâwmpinâk hen, ka theih khonâk ding hen;

KOLOSA 1:24

Tuah ka nan tuar piak na mi lakah hin ka lâwm, Krist hamh tuar mabân chu ka taksa ruangah ka tîttak ah hin ka zulhpeh vima asi;

2 TIMOTHE 2:12

Kan tuar chun a lâirêlnâk ah lâi kan rêl lai. Amah kan phehtâk chun anih khawm nih hawng kan phehtâk lai.

1 PETER 1:13

Churawhchun, rianṭuan ding hen nan thinlung ah a tîm u. A ringrâwn ule, Jisu Krist a hawng a langh tikah malsâwmnâk a nan pêk na ding mi lakah nan lungumnâk zawzawng chu ngauh u.

1 PETER 2:21

Hi hi asi, ti ding hen Pathian nih a nan kawh na mi chu: Krist nih nan rangah a tuar rawh ruangah a nehnûn nan zûl ding hen zûnzauh ding ah a nan mâk na asi.

1 PETER 5:1

Chun, nan lakah kawhmi upa tla chu, kei, kawhmi upa si bâk mi, Krist tuarnâk tla theihpitu, rokualnâk a hawng lang ding mi ting bâktu ding mi nih hin ka nan fawrh na.

1 PETER 5:10

Chun, Pathian zângfahnâk zawzawng a zungzâl rokualnâk ting ding hen Krist, a nan kawh natu nih chun sâwtlotê nan tuar nûnah siam rangtling hen, birhtir hen, a nan chaktir na lai.

JUD 1:24

Chun, nan tlû lonâk ding hen an vêng na khotu leh rokualnâk ah lâwptlo tak hen leh nâwmtâm kawplo hen an siah na khotu,

THUPHUANG 1:7

Ngâinik u, anih chu sûm tla hen a hawng awt, mikip nih an muh lai le, a sunhtu tla khawm nih, laikulh ah phun zawzawng nih amah ruangah an thinlung a fâk lai. Chu hâwi asi! Amen.

THUPHUANG 1:9

Kei, Johan nan unaupa. Jisu ah hamhnâk tla, a ram leh a tuarnâk ah an bâwmpi natu hi, Pathian thu ruang leh Jisu theihtirnâk thu ruangah Patmos tikulh ti mi ah chun siah hen ka um le,