1 PETER 4:12 - Bawm Common Language Bible Version

¹² Ka duhtak le tla, nan lakah a dân lo hâwi hen thil zeimawh hawng tlung menza khawmsele niknâk fâk tak nan tuar mi hi chê ti lah u.

1 PETER 4:12 ပူးပေါင်းရင်းမြစ်များ

THUSIMTU 5:8

Lâirêlnâk ah mipâm nehsawh hen um mi leh, an diknâk lakah diklo hen an ruat na mi chu na muh tikah chê ti lah. Rianṭuantu kip hi amah tlûnah mi nih a zauhkhenh le, an panih hen sâng dauh a rianṭuantu tla nih an zauhkhenh vevê na.

ISAI 28:21

LALPA nih Perazim Tlângah leh Gibeon vakuam ah ti mi hâwi hen a do na lai le, a thilti lakah a chê zia langhtir a tum mi hâwi hen khan. A thil thup rianṭuan tla a lîm lai rawh.

DANIAL 11:35

Ruitu fing zeimaw mi thah hen an um lai le, sikhawmsele chu zârah mi tla rang chun thiangnâk lam asi lai. Pathian nih hun a ruat mi a dawng lânlo chu, chu chu a um vima lai.

1 KORIN 10:13

Minung tuar kho ri nûnlêm chun lêmnâk rerêng nan lakah a tlung lai loh. Pathian lam chu zumh a kâi asi, anih nih chun nan tuar kho tâwk nûnlêm chun lêmnâk nan tawng a siang lai loh; nan tuar khonâk ding hen lêmnâk rual hen teknâk lampi a siam sawm lai.

1 KORIN 3:13

Krist a hawng langh Ni ah chun a langtir awt ruangah; chu Ni ah chun mei ngelchel nih mikip rianṭuan chu zei hâwi me asi a nik lai rawh.

2 TIMOTHE 3:12

Asi, âuzawng Jisu Krist lakah Pathian sunhsak hen umtu zawng nih chun nehsawhnâk tla an tuar ber lai.

1 PETER 2:11

Duhtak le tla, khual leh khualtlâwng mi nan si ruangah thlarau do tâwntu taksa duhnâk tla bângtâk ding hen ka nan ngiar na asi.

1 PETER 4:4

Tuah anmah nuamchênnâk lakah nanna tel bâk lo ruangah lunglotu tla nih chê an ti le, an simsiat na tâwn asi,

1 PETER 5:9

Nan unau laikulh ah um mi tla lakah chun chu hâwi tuarnâk chu a hawng tlung bâk ti theih hen bir tak a lung bû hen amah chu do u.